Maharashtra Breaking LIVE 21st August: राज्यासह देश-विदेशातील महत्त्वाच्या बातम्या एका क्लिकवर...
Maharashtra Breaking 21st August 2024 Marathi News LIVE Updates: राज्यासह देश-विदेशातील ताज्या घडामोडींचे वेगवान अपडेटस् आणि बातम्या पाहा फक्त एबीपी माझावर...
LIVE
Background
Maharashtra Breaking 21st August 2024 Marathi News LIVE Updates: राज्यासह देश-विदेशातील ताज्या घडामोडींचे वेगवान अपडेटस् आणि बातम्या पाहा फक्त एबीपी माझावर...
1. तब्बल 12 तासांनी पोलिसांनी आंदोलन पांगवलं, आंदोलकांवर पोलिसांचा सौम्य लाठीचार्ज, काही आंदोलक ताब्यात
2. आंदोलन पांगवल्यानंतर आंदोलकांकडून स्टेशनबाहेरील वाहनांची तोडफोड. जमावाकडून एसटी बसवर दगडफेक तर एका पोलिसाची खासगी गाडीही फोडली
3. आंदोलकांना पांगवण्यासाठी पोलिसांचा लाठीचार्ज, पोलिसांवर आंदोलकांची दगडफेक, दगडफेकीत पोलीस जखमी
4. चिमुरड्यांवरील अत्याचारानंतर बदलापुरात उद्रेक, आरोपीला आमच्यासमोर आजच फाशी द्या, आंदोलकांची संतप्त मागणी
5. चिमुरड्यांवरच्या अत्याचारविरोधांत बदलापूरकरांची एकजूट, लाडकी बहीण योजना नसली तरी चालेल, मुलींना सुरक्षा द्या, आंदोलकांची भावना
Chhatrapati Sambhajinagar: संभाजीनगरात तरूणाच्या जाचाला आणि धमक्यांना कंटाळून 16 वर्षीय मुलीची आत्महत्या
Chhatrapati Sambhajinagar: संभाजीनगरात तरूणाच्या जाचाला आणि धमक्यांना कंटाळून ओहर गावात 16 वर्षीय मुलीने आत्महत्या केली. या प्रकरणात 2 जणांना अटक झालीय, तर 7 जण अजूनही मोकाट आहेत. मोकाट आरोपींकडून मुलीच्या कुटुंबीयांना धमक्या दिल्या जात आहेत. मुलीच्या घरासमोर येऊन 'आज जेल, कल बेल, फिर वही पुराना खेल' असे म्हणत चाकू, तलवार दाखवून धमकी दिल्याचा आरोप होतोय. या सर्व प्रकारामुळे संभाजीनगरात कमालीची संतापाची भावना आहे. उर्वरित आरोपींच्या अटकेच्या मागणीसाठी आज हर्सुल पॉईंटवर रास्तारोको करण्यात येणार आहे. मुलीला त्रास देणारा स्थानिक मेकॅनिक आहे. तू माझ्याशी बोलली नाहीस तर तुझ्या भावाला जिवे मारून टाकीन, अशा धमक्या तो द्यायचा. त्यामुळे या प्रकाराला कंटाळून त्या 16 वर्षीय मुलीने आत्महत्या केली होती.
Badlapur News : बदलापूरमध्ये शाळेतील दोन विद्यार्थिनींच्या लैंगिक छळाप्रकरणी रेल्वे ट्रॅकवर करण्यात आलेलं आंदोलन
Badlapur News : बदलापूरमध्ये शाळेतील दोन विद्यार्थिनींच्या लैंगिक छळाप्रकरणी रेल्वे ट्रॅकवर करण्यात आलेलं आंदोलन पोलिसांच्या कारवाईनंतर संपुष्टात आले. सध्या बदलापूर बंद आहे. सर्व दुकानं बंद आहेत. आंदोलनकर्ते पुन्हा एकत्र येऊ नयेत म्हणून जमावबंदी लागू करण्यात आलीये.. दरम्यान इंटरनेट सेवाही बंद आहे.
याप्रकरणी काही लोकांना अटक केली असून आंदोलनला हिंसक वळण देणऱ्यांचा पोलिसांकडून शोध घेतला जात आहे... आंदोलनप्रकरणी 300 जणांवर गुन्हे दाखल करण्यात आलेत. येत्या 10 दिवसांत आरोपीविरुद्ध आरोपपत्र दाखल करण्यात येणार आहे.. तसंच या प्रकरणी पोलीस अधिकारी आरती सिंह यांच्या अध्यक्षतेखाली चौकशी समिती स्थापन करण्यात आली असून सरकारी वकील म्हणून उज्ज्वल निकम यांची नियुक्ती करण्यात आलीये.
Pune News : बदलापूर घटनेच्या निषेधार्थ पुण्यात राष्ट्रवादी काँग्रेस शरद पवार गटाचं आंदोलन
Pune News : बदलापूर घटनेच्या निषेधार्थ पुण्यात राष्ट्रवादी काँग्रेस शरद पवार गटाचं आंदोलन
खासदार सुप्रिया सुळे यांच्या नेतृत्वात पुण्यात राष्ट्रवादी काँग्रेस करणार आंदोलन
आंदोलनाला राष्ट्रवादी काँग्रेसचे सर्व स्थानिक पदाधिकारी राहणार उपस्थित
पुण्यातील गुडलक चौकामध्ये राज्य सरकार आणि केंद्र सरकारच्या विरोधात आणि बदलापूर घटनेच्या निषेधार्थ पवार गटाच आंदोलन.
Sangali Crime : सांगलीत मोटारीचा पाठलाग करून चार लाखांची बनावट दारू पकडली; राज्य उत्पादन शुल्क विभागाची कारवाई
Sangali Crime : सांगली राज्य उत्पादन शुल्क विभागाने चार लाख रुपये किमतीची बनावट दारू पाठलाग करून पकडली. पथकाने गोवा बनावटीच्या दारूची वाहतूक करणाऱ्या एका आलिशान मोटारीचा पाठलाग करून ही कारवाई केली. गाडीत 4 लाख 10 हजार 400 रुपयांची दारू सापडली. दारूसह 13 लाखांची चारचाकी असा 17 लाख 20 हजार 400 रुपयांचा मुद्देमाल जप्त केला. पळून गेलेल्या चालकाला पाठलाग करून घेण्यात आले. वैभव मनोज कांबळी (वय 22, रा. मातृछाया निवास लक्ष्मीवाडी, ता. कुडाळ) असे त्याचे नाव आहे. विजयनगरंमध्ये मोटारीतून गोवा बनावटीच्या दारूची वाहतूक होणार असल्याची माहिती मिळाली होती, यानुसार उत्पादन शुल्कचे अधीक्षक प्रदीप पोटे यांच्या मार्गदर्शनाखाली सापळा रचण्यात आला. पहाटे 4.45 च्या सुमारास एक आलिशान मोटार (एमएच 07 एएस0216) चौकातून जात असल्याचे निदर्शनास आले. तिचापाठलाग केला असता चालकाने गाडी सोडून पलायन केले. गाडीत गोव बनावटीच्या दारूचे 60 बॉक आढळले. या कारवाईत निरिक्षक राजकुमार खंडागळे, दुय्यम निरीक्षक विनायक जगताप, अजितकुमार नायकुडे यांच्यासह अधिकारी युवराज कांबळे सुहास पोळ, उदय पुजारी, स्वप्नील कांबळे आदींनी सहभाग घेतला.
Nagpur :शक्तिपीठ महामार्गाच्या स्वरूपात बदल; एमएसआरडीसीकडून पर्यावरण परवानगीचा प्रस्ताव मागे
Nagpur : नागपूर – गोवा शक्तिपीठ महामार्गाला कोल्हापूर, सांगलीतून विरोध होऊ लागला आहे. महामार्गास विरोध करणारे शेतकरी आणि स्थानिक नागरिकांबरोबर चर्चा करून महामार्गाचे संरेखन बदलण्याचा निर्णय महाराष्ट्र राज्य रस्ते विकास महामंडळाने घेतला आहे. त्यानुसार आता 805 किमीच्या संरेखनात बदल होणार आहे. परिणामी, काही दिवसांपूर्वीच पर्यावरणविषयक परवानगीसाठी पाठविलेला प्रस्ताव एमएसआरडीसीने मागे घेतला आहे. संरेखनात करण्यात येणाऱ्या बदलामुळे नवा प्रस्ताव तयार करावा लागणार असून त्यामुळे एमएसआरडीसीने वरील निर्णय घेतला आहे.
महत्त्वाच्या बातम्या
ट्रेंडिंग न्यूज
