LIVE UPDATES | मालेगाव- देवळा मार्गावरील एसटी बस आणि रिक्षाच्या अपघातात 20 प्रवाशांचा मृत्यू

Background

'आज दिवसभरात' या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा www.abpmajha.in

 

1. पाच महिन्यांच्या प्रतिक्षेनंतर आज नागपूरच्या लोकमान्यनगर ते सीताबर्डी मार्गावरच्या मेट्रोचं उद्घाटन, केंद्रीय मंत्री नितीन गडकरी कार्यक्रमाला राहणार उपस्थित

2. एल्गार परिषदेच्या तपासासाठी एनआयएची टीम पुण्यात, तपासाची कागदपत्र देण्यास पुणे पोलिसांचा नकार, तपासावरुन राज्य आणि केंद्राचा संघर्ष पेटण्याची शक्यता

3. मुंबईतल्या नागपाड्यात सीएएविरोधात महिलांचा ठिय्या, तर सीएएच्या समर्थनात न भूतो न भविष्य मोर्चा काढण्याच्या राज ठाकरेंच्या मनसैनिकांना सूचना

4. काँग्रेसची धुरा पुन्हा राहुल गांधींच्या खांद्यावर देण्यासाठी पक्षात हालचाली, तर उत्तर प्रदेश मुख्यमंत्रीपदाचा चेहरा म्हणून प्रियंकांच्या नावाची चर्चा

5. ऑलिम्पिक पदक विजेते खाशाबा जाधव पद्म पुरस्कारापासून अजूनही वंचित, पण मूळचा भारतीय नसलेल्या अदनान सामीला पद्म पुरस्कार का? देशभरातून संतप्त सवाल

6. नाईटलाईफच्या पहिल्याच दिवशी अनेकांचा हिरमोड, मॉल्स, चौपाट्यांवर पुरेशी तयारी नाही, वरळी सी फेस आणि मरिन लाईन्सवरच मुंबईकरांची नाईटलाईफ सुरू

 

22:41 PM (IST)  •  28 Jan 2020

औरंगाबाद : शासकीय तंत्रनिकेतन महाविद्यालयात कार्यकर्त्यांचा धुडगूस, महाविद्यालयाच्या विद्यार्थ्यांमधील आपसातील किरकोळ वादात राजकीय कार्यकर्त्यांकडून विद्यार्थ्यांना मारहाण, राजकीय कार्यकर्त्यांनी धुडगूस घालत रॉड, काठीने विद्यार्थ्यांना मारहाण, यात 3 विद्यार्थी जखमी

21:41 PM (IST)  •  28 Jan 2020

नाशिकच्या मालेगाव तालुक्यात एसटी बस-अॅपे रिक्षा यांच्यात भीषण अपघात झाला आहे. या अपघातात 20 प्रवाशांचा मृत्यू झाला आहे. मालेगाव-देवळा मार्गावर बस आणि रिक्षामध्ये धडक होऊन ही दोन्ही वाहनं थेट विहिरीत कोसळली. अपघातानंतर स्थानिकांनी तात्काळ मदतकार्य राबवून जखमींना बाहेर काढलं. दोन्ही वाहनं विहिरीत कोसळल्यानं मदतकार्य राबवताना अडचण येत आहे. पोलिस आणि स्थानिकांच्या मदतीनं रेस्क्यू ऑपरेशन करण्यात येत आहे.

19:59 PM (IST)  •  28 Jan 2020

कोल्हापूर : सहकार विभागाच्या कोल्हापुरात सहा ठिकाणी धाडी, पन्हाळा आणि करवीर तालुक्यातील खासगी सावरकारांवर धाडी, पन्हाळा तालुक्यातील कोतोली  येथील सज्जन पाटील यांच्या जयसिंग मेडिकल, जयसिंग ज्वेलर्स, सुवर्ण बली व्यापारी पतसंस्थेसह त्यांच्या निवासस्थानी धाडी

19:56 PM (IST)  •  28 Jan 2020

कोल्हापूर - तंटामुक्त अध्यक्षाची विष पिऊन आत्महत्या, चंदगड तालुक्यातील उमगावमधील धक्कादायक घटना, विनयभंगाचा खोटा गुन्हा दाखल केल्याने शिवाजी गावडे यांची आत्महत्या, मृतदेह ताब्यात घेण्यास नातेवाईकांचा नकार

19:25 PM (IST)  •  28 Jan 2020

महाविद्यालयातील कोणत्याही कार्यक्रमाची सुरुवात राष्ट्रगीताने होणार, विद्यार्थ्यांमध्ये देशभक्तीची भावना जपली जावी यासाठी निर्णय, उच्च व तंत्रशिक्षण मंत्री उदय सामंत यांची घोषणा