एकनाथ खडसे सराईत गुन्हेगार, कोट्यावधी रुपयांचे गौण खनिज चोरले, शिवसेना आमदाराचा गंभीर आरोप  

शिवसेना शिंदे गटाचे आमदार चंद्रकांत पाटील यांनी राष्ट्रवादी काँग्रेस शरद पवार गटाचे नेते एकनाथ खडसे यांच्यावर गंभीर आरोप केला आहे.

Chandrakant Patil on  Eknath Khadse

Source : Getty Images

Chandrakant Patil on  Eknath Khadse : नगरपरिषद आणि नगरपंचायतीच्या निवडणुकांसाठी काल राज्यभर मतदानाची प्रक्रिया पार पडली आहे. काही भागात शांततेत मतदान पार पडले तर काही ठिकाणी गोंधळ झाल्याचं पाहायला मिळालं. दरम्यान, मतदानानंतर राजकीय नेते ऐकमेकांवर आरोप प्रत्यारोप करताना दिसत आहेत. शिवसेना शिंदे गटाचे आमदार चंद्रकांत पाटील यांनी राष्ट्रवादी काँग्रेस शरद पवार गटाचे नेते एकनाथ खडसे यांच्यावर गंभीर आरोप केला आहे. एकनाथ खडसे सराईत गुन्हेगार असल्याचा आरोप चंद्रकांत पाटील यांनी केला आहे. 

कोट्यावधी रुपयांचे गौण खनिज एकनाथ खडसेंनी चोरले

जळघावमध्ये राजकीय वातावरण चांगलच तापल्याचं चित्र पाहायला मिळत आहे. राजकीय नेते ऐकमेकांवर जोरदार हल्लाबोल करत आहेत. एकनाथ खडसे हे सराईत गुन्हेगार असल्याचा आरोप चंद्रकांत पाटील यांनी केला आहे. कोट्यावधी रुपयांचे गौण खनिज एकनाथ खडसेंनी चोरले आहे. राज्यातील मोठं मोठी पदे त्यांच्याकडे असताना त्यांच्या दडपशाहीमुळे काही गोष्टी समोर आल्या नाहीत. अंजली दमानिया यांच्याबाबतचा 509 कलम सारखा गुन्हा एकनाथ खडसेंवर दाखल असल्याचे चंद्रकांत पाटील म्हणाले. एकनाथ खडसे किती मोठा गुन्हेगार आहे, हे काय लोकांना गुन्हेगार सांगणार असे म्हणत शिवसेना शिंदे गटाचे आमदार चंद्रकांत पाटील यांचा खडसेंवर गंभीर आरोप केले आहे. 

मुक्ताईनगरमध्ये भाजप आणि शिवसेना शिंदे गटाच्या कार्यकर्त्यांमध्ये प्रचंड राडा

नगर परिषद निवडणुकीच्या दिवशी अर्थात मंगळवारी मुक्ताईनगरमध्ये भाजप आणि शिवसेना शिंदे गटाच्या कार्यकर्त्यांमध्ये प्रचंड राडा झाला. केंद्रीय राज्यमंत्री रक्षा खडसे यांनी मुक्ताईनगर पोलीस स्टेशनमध्ये जाऊन भाजपच्या कार्यकर्त्याला मारहाण झाल्याचा दावा करत काही शिवसैनिकांविरुद्ध गुन्हा दाखल केला. त्यानंतर बुधवारी आमदार चंद्रकांत पाटील यांनीही मुक्ताईनगर पोलीस स्टेशनमध्ये कार्यकर्त्यांच्या जत्थ्यासह जाऊन शिवसेना कार्यकर्त्यांची देखील तक्रार घ्यावी, असे पोलिसांना म्हटले. तसेच शिवसैनिकांना मारहाण करणाऱ्या भाजप कार्यकर्त्यांविरोधात गुन्हा दाखल करण्याची मागणी आमदार चंद्रकांत पाटलांनी लावून धरली होती.

 

राज्यातील 264 नगरपरिषदा व नगरपंचायतींच्या सार्वत्रिक निवडणुकांसाठी मंगळवारी मतदान झाले. तसेच सुधारित निवडणूक कार्यक्रमानुसार 24 नगरपरिषदा व नगरपंचायतींच्या अध्यक्षपदांसह सर्व सदस्यपदांसाठी आणि 76 नगरपरिषदा व नगरपंचायतींमधील 154 सदस्यपदांच्या जागांसाठी 20 डिसेंबर 2025 रोजी मतदान होणार आहे. या सर्व ठिकाणी आता 21 डिसेंबर 2025 रोजी सकाळी 10 वाजेपासून मतमोजणी सुरू करण्याचे निर्देश देण्यात आले आहेत.

 

महत्वाच्या बातम्या: