INDIA alliance rally in Mumbai : शिवतीर्थावरून इंडिया आघाडी प्रचाराचे रणशिंग फुंकणार! अवघ्या देशभरातून दिग्गज नेत्यांची मांदियाळी मुंबईत
शिवाजी पार्क सभेवरती होणाऱ्या सभेकडे अवघ्या देशाचे लक्ष लागलं आहे. या सभेसाठी काँग्रेस नेते राहुल गांधी, सोनिया गांधी, प्रियांका गांधींसह इंडिया आघाडीचे नेते सुद्धा या सभेमध्ये दाखल झाले आहेत.
मुंबई : गेल्या 67 दिवसांपासून सुरू असलेली काँग्रेस नेते राहुल गांधी यांची भारत जोडो न्याय यात्रेचा आज (17 मार्च) समारोप शिवतीर्थावरती होत आहे. या निमित्ताने इंडिया आघाडी एक प्रकारे प्रचाराचे रणशिंग फुंकणार आहे. इंडिया आघाडीची आज शिवाजी पार्क मैदानामध्ये भव्य सभा होत असून या सभेसाठी जय्यत तयारी करण्यात आली आहे. या सभेसाठी देशभरातून इंडिया आघाडीचे नेते मुंबईमध्ये दाखल झाले आहेत. त्यामुळे आजच्या सभेतून सत्ताधारी भाजपवर घणाघाती प्रहार करून प्रचाराचा नारळ फोडला जाईल असेच संकेत मिळत आहेत.
#WATCH | PDP chief Mehbooba Mufti arrives at the Shivaji Park, in Mumbai, to attend the INDIA alliance rally. pic.twitter.com/36R6XVRUZW
— ANI (@ANI) March 17, 2024
शिवाजी पार्क सभेवरती होणाऱ्या सभेकडे अवघ्या देशाचे लक्ष लागलं आहे. या सभेसाठी काँग्रेस नेते राहुल गांधी, सोनिया गांधी, प्रियांका गांधी उपस्थित राहणार असून त्याचबरोबर देशभरातील इंडिया आघाडीचे नेते सुद्धा या सभेमध्ये दाखल झाले आहेत.तमिळनाडूचे मुख्यमंत्री, जम्मू-काश्मीरचे माजी मुख्यमंत्री फारूक अब्दुल्ला, मेहबुबा मुफ्ती यांच्यासह महाराष्ट्रातील महाविकास आघाडीचे नेते या सभेसाठी उपस्थित आहेत.
#WATCH | Maharashtra: Former Rajasthan CM and Congress leader Ashok Gehlot arrives in Mumbai to attend INDIA alliance rally
— ANI (@ANI) March 17, 2024
He says, " This rally is a start and the results are going to be shocking...this time, the results of the Parliament elections will be… pic.twitter.com/8ba9rvPt8F
शिवसेना पक्षप्रमुख उद्धव ठाकरे, राष्ट्रवादी काँग्रेस शरदचंद्र पवार पक्षाचे अध्यक्ष शरद पवार शिवाजी पार्क मैदानात दाखल झाले आहेत. त्यामुळे या सभेच्या निमित्ताने प्रचाराचा बिगुल सुद्धा वाजला आहे. दरम्यान या सभेमध्ये विरोधक सत्ताधारी भाजपला कोणते प्रश्न उपस्थित करणार? याकडे सुद्धा राजकीय वर्तुळात लक्ष असेल.
#WATCH | Mumbai, Maharashtra: On the upcoming Lok Sabha Polls, Congress leader Sachin Pilot says, "Today, Rahul Gandhi's Bharat Jodo Nyay yatra has concluded... The people are seeing the situation that has been created in the last 10 years..." pic.twitter.com/sCFmhtJUgo
— ANI (@ANI) March 17, 2024
गेल्या काही दिवसांपासून देशांमध्ये निवडणूक रोखे हा कमालीचा तापलेला मुद्दा आहे. निवडणूक रोख्यांमधून सर्वाधिक पैशाची बरसात भाजपवर झाली आहे. त्यामुळे या सभेच्या निमित्तातने प्रहार केला जाईल अशी चिन्हे आहेत. दरम्यान, या सभेमध्ये सभेला संबोधन करण्यापूर्वी राहुल गांधी हे शिवतीर्थावरील बाळासाहेब ठाकरे स्मारकाला भेट देऊन अभिवादन करणार आहेत. यासाठी उद्धव ठाकरे दाखल झाले आहेत.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
