Mahayuti Goverment Minister List : महायुती सरकारमध्ये भाजपत चंद्रशेखर बावनकुळे, राष्ट्रवादीत हसन मुश्रीफ अन् शिवसेनेत गुलाबराव पाटील दुसऱ्या क्रमांकाचे नेते
महायुती सरकारमध्ये भाजपमध्ये मुख्यमंत्री देवेंद्र फडणवीस यांच्यानंतर बावनकुळे वरिष्ठ नेते असतील. राष्ट्रवादीमध्ये हसन मुश्रीफ, तर गुलाबराव पाटील हे शिंदे सेनेमध्ये नेते असतील.
Mahayuti Goverment Minister List : मुख्यमंत्री देवेंद्र फडणवीस यांच्या सरकारचा मंत्रिमंडळ विस्तार आणि मंत्र्यांचा शपथविधी आज (15 डिसेंबर) नागपूरमध्ये पार पडला. नागपूरमध्ये शपथिवधी सोहळ्यात भाजपकडून प्रथम क्रमांकाची शपथ भाजप प्रदेशाध्यक्ष चंद्रशेखर बावनकुळे यांनी घेतली. राष्ट्रवादी काँग्रेसकडून हसन मुश्रीफ यांनी पहिल्यांदा शपथ घेतली, तर शिवसेना शिंदे गटाकडून गुलाबराव पाटील यांनी पहिल्यांदा मंत्रीपदाची शपथ घेतली. त्यामुळे महायुती सरकारमध्ये भाजपमध्ये मुख्यमंत्री देवेंद्र फडणवीस यांच्यानंतर बावनकुळे वरिष्ठ नेते असतील. राष्ट्रवादीमध्ये हसन मुश्रीफ, तर गुलाबराव पाटील हे शिंदे सेनेमध्ये नेते असतील.
मंत्रिमंडळाचा शपथविधी नागपुरात का होत आहे?
दरम्यान, तब्बल 33 वर्षांनंतर राज्याच्या उपराजधानीत मंत्रिमंडळ विस्तार आणि शपथविधी सोहळा झाला. यापूर्वी 21 डिसेंबर 1991 रोजी काँग्रेसचे मुख्यमंत्री सुधाकरराव नाईक यांच्या मंत्रिमंडळाचा नागपुरात विस्तार करण्यात आला होता. महाराष्ट्रात दोन विधानसभा इमारती आहेत, एक मुंबईत आणि दुसरी नागपुरात. विधानसभेचे अर्थसंकल्प आणि पावसाळी अधिवेशन मुंबईत होते. तर हिवाळी अधिवेशन नागपुरात होत आहे. विधानसभेचे हिवाळी अधिवेशन 16 डिसेंबरपासून नागपुरात होणार आहे. त्यामुळेच शपथविधी सोहळा मुंबईऐवजी नागपुरात होत आहे.
- देवेंद्र फडणवीस : मुख्यमंत्री
- एकनाथ शिंदे : उपमुख्यमंत्री
- अजित पवार : उपमुख्यमंत्री
1. चंद्रशेखर बावनकुळे
2. राधाकृष्ण विखे पाटील
3. हसन मुश्रीफ
4. चंद्रकांत पाटील
5. गिरीश महाजन
6. गुलाबराव पाटील
7. गणेश नाईक
8. दादाजी भुसे
9. संजय राठोड
10. धनंजय मुंडे
11. मंगलप्रभात लोढा
12. उदय सामंत
13. जयकुमार रावल
14. पंकजा मुंडे
15. अतुल सावे
16. अशोक उईके
17. शंभूराज देसाई
18. आशिष शेलार
19. दत्तात्रय भरणे
20. अदिती तटकरे
21. शिवेंद्रराजे भोसले
22. माणिकराव कोकाटे
23. जयकुमार गोरे
24. नरहरी झिरवाळ
25. संजय सावकारे
26. संजय शिरसाट
27. प्रताप सरनाईक
28. भरत गोगावले
29. मकरंद पाटील
30. नितेश राणे
31. आकाश फुंडकर
32. बाबासाहेब पाटील
33. प्रकाश आबिटकर
रवींद्र चव्हाण महाराष्ट्र भाजपचे प्रदेशाध्यक्ष?
भाजपचे प्रदेशाध्यक्ष चंद्रशेखर बावनकुळे यांचा फडणवीस मंत्रिमंडळात समावेश होणार आहे. त्यांना भाजपचे अध्यक्षपद सोडावे लागणार आहे. महाराष्ट्र भाजपची कमान रवींद्र चव्हाण यांच्याकडे दिली जाण्याची शक्यता आहे.
आज शपथ घेणारे अडीच वर्षेच मंत्री राहतील
मंत्रिमंडळ विस्तारापूर्वी अजित पवार यांच्या उपस्थितीत नागपुरात राष्ट्रवादीची बैठक झाली. या बैठकीत अजित पवार यांनी मंत्रीपदाबाबत मोठे वक्तव्य केले. आज शपथ घेणाऱ्या मंत्रिपदाचा कार्यकाळ अडीच वर्षांचा असेल, असे राष्ट्रवादीचे अध्यक्ष अजित पवार यांनी सांगितले. पवार म्हणाले की, मंत्रिमंडळ विस्तारापूर्वी महाआघाडीतील सर्व सदस्यांचे यावर एकमत झाले होते.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
