Weather Update News : सावधान! मुंबईत पुन्हा मुसळधार पावसाचा इशारा, तर 'या' जिल्ह्यांना यलो अलर्ट, वाचा हवामान विभागाचा अंदाज
Maharashtra Rain : आजही मुंबईसह (Mumbai) राज्यात मुसळधार पावसाचा इशारा देण्यात आला आहे. अनेक ठिकाणी पावसाचा यलो अलर्ट (yellow alert) जारी करण्यात आला आहे.
Maharashtra Rain News : सध्या राज्याच्या विविध भागात जोरदार पाऊस कोसळत (Heavy Rain) आहे. काही भागात या पावसामुळं नदी नाले दुथडी भरुन वाहत आहेत. तर काही ठिकाणी या पावसानं जनजीवन विस्कळीत देखील झाल्याचं पाहायला मिळत आहे. दरम्यान, आजही मुंबईसह (Mumbai) राज्यात मुसळधार पावसाचा इशारा देण्यात आला आहे. अनेक ठिकाणी पावसाचा यलो अलर्ट (yellow alert) जारी करण्यात आला आहे.
हवामान विभागानं दिलेल्या माहितीनुसार, आजही राज्यात मुसळधार पावसाचा इशारा देण्यात आला आहे. आज मुंबईसह घाटमाथ्यावर मुसळधार पावसाचा इशारा देण्यात आला आहे. त्याचबरोबर कोकणसह पश्चिम महाराष्ट्र आणि विदर्भातील काही जिल्ह्यातही आज मुसळधार पावसाचा यलो अलर्ट जारी करण्यात आला आहे. मुंबईसह ठाण्यात मंगळवारी दुपारपासून पावसानं विश्रांती घेतली आहे. मात्र, आज हवामान विभागानं जोरदार पावसाचा इशारा दिला आहे.
'या' जिल्ह्यांमध्ये पावसाचा यलो अलर्ट
हवामान विभागानं दिलेल्या माहितीनुसार आज कोकणातील रायगड, रत्नागिरी आणि सिंधुदुर्ग या जिल्ह्यांमध्ये पावसाचा यलो अलर्ट जारी करण्यात आला आहे. त्याचबरोबर मुंबईसह ठाणे जिल्ह्यातही पावसाचा यलो अलर्ट जारी करण्यात आला आहे. तर पश्चिम महाराष्ट्रातील पुणे आणि सातारा जिल्ह्यात देखील आज पावसाचा यलो अलर्ट जारी करण्यात आला आहे. तर उत्तर महाराष्ट्रातील नाशिक जिल्ह्यात पावसाचा यलो अलर्ट जारी करण्यात आला आहे. तर विदर्भातील गडचिरोली, चंद्रपूर, गोंदिया, नागपूर आणि अमरावती या जिल्ह्यांना पावसाचा यलो अलर्ट जारी करण्यात आला आहे. या पार्श्वभूमीवर नागरिकांनी योग्य ती खबरदारी घ्यावी असं आवाहन प्रशासनाच्या वतीनं करण्यात आलं आहे.
राज्यातील बहुतांश भागात जोरदार पाऊस, शेती कामांना वेग
दरम्यान, सध्या राज्यातील बहुतांश भागात चांगला पाऊस झाला आहे. त्यामुळं शेतीच्या कामांना देखील वेग आला आहे. बऱ्याच ठिकाणच्या शेतकऱ्यांनी पेरणीची कामं देखील उरकली आहेत. तर काही भागात अद्यापही पेरण्या झाल्या नाहीत. शेतकरी चांगल्या पावसाची वाट बघत आहेत. छत्रपती संभाजीनगर विभागात खरीप पिकाखालील सरासरी क्षेत्र 20.90 लाख हेक्टर असून आत्तापर्यंत जिल्ह्यात 18.91 लाख हेक्टर क्षेत्रावर शेतकऱ्यांनी पेरण्या केल्या आहेत. खरीप हंगामातील बाजरी मका सोयाबीन तूर उडीद मूग कापूस भुईमूग या पिकांच्या पेरण्या प्रगतीपथावर असल्याचेही सांगण्यात आले. दरम्यान, हवामान विभागानं दिलेल्या माहितीनुसार, जुलै महिन्यात चांगला पाऊस पडणार आहे.
महत्वाच्या बातम्या:
आधी पावसाची प्रतीक्षा, आता अतिवृष्टीने हाल, मराठवाड्यात 39 दिवसात 28 बळी, शेतीचंही नुकसान
महत्त्वाच्या बातम्या
