Breaking News LIVE : महाबळेश्वर सातारा रोड येथे मालवाहू एसटी बस दरीत कोसळली

Breaking News LIVE Updates, 8 February 2021: दिवसभरातील ताज्या घडामोडी, महत्त्वाचे अपडेट्स या लाईव्ह ब्लॉगमध्ये आपल्याला मिळतील. देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर महत्वाचे अपडेट लाईव्ह ब्लॉगमध्ये...

Background

GST: राज्यांना जीएसटी भरपाईचा 19 वा हप्ता केंद्र सरकारकडून जारी; कोणत्या राज्याला किती मदत?

नवी दिल्ली : कोरोना काळात देशभर लॉकडाऊन लागू करण्यात आला होता. यादरम्यान केंद्र आणि राज्यांचं उत्पन्न मोठ्या प्रमाणात घटलं होतं. मार्च ते सप्टेंबर दरम्यान केंद्र सरकार आणि राज्य सरकार यांचा जीएसटीचा आलेख खूप खाली आला होता. त्याचा फटका राज्यांच्या उत्पन्नावर झाला होता. चालू आर्थिक वर्ष 2020-21 मध्ये जीएसटी संकलनातील घसरणीची भरपाई करण्यासाठी केंद्र सरकारने दोन पर्याय राज्यांसमोर ठेवले. सर्व राज्ये आणि तीन केंद्रशासित प्रदेशांनी केंद्र सरकारचा पहिला पर्याय निवडला. याअंतर्गत केंद्र सरकार राज्यांच्या वतीने कर्ज घेऊन जीएसटी भरपाई करते. केंद्रीय अर्थ मंत्रालयाच्या जीएसटी महसूलाची तूट भरुन काढण्यासाठी 2,104 कोटी रुपयांचा 19 वा साप्ताहिक हप्ता राज्यांना जारी केला. या एकूण रकमेपैकी 2,103.95 कोटी रुपये 7  राज्यांना आणि 0.05 कोटी रुपये पुद्दुचेरी या केंद्र शासित प्रदेशाला देण्यात आले.

India Legends vs England Legends : सामना हरलो पण मनं जिंकली, इरफान, गोनीची धडाकेबाजी खेळी

India Legends vs England Legends 9th Match : रोड सेफ्टी वर्ल्ड सीरिजमध्ये स्पर्धेत एकाहून एक थरारक सामन्यांना अनुभव प्रेक्षकांना मिळत आहे. काल इंग्लंड लिजेंड विरुद्ध इंडिया लिजेंड सामन्यात देखील असाच थरार पाहायला मिळाला.  इंग्लंड लिजेंड्स संघाने केविन पीटरसनच्या वादळी खेळीच्या जोरावर निर्धारित 20 षटकात 7 बाद 188 धावा केल्या होत्या. या धावांचा पाठलाग करताना इंडिया लिजेंड्सचा निम्मा संघ धावफलकावर 56 धावा असताना तंबूत परतला होता. मात्र इरफान पठाण आणि मनप्रित गोनीनं टी-20 चा थराराची अनुभूती करुन दिली. इरफान पठाण आणि मनप्रित गोनीनं  अखेरच्या 26 चेंडूत 63 धावा कुटल्या. विरेंद्र सेहवाग, सचिन तेंडुलकर आणि युवराज सिंग परतल्यानंतर युसूफ आणि इरफान बंधुंनी मैदानात तग धरुन डाव सावरण्याचा प्रयत्न केला. दोघांनी 43 धावांची भागीदारी करुन मॅचमध्ये असल्याचे संकेत दिले. पण युसूफ बाद झाल्यानंतर पुन्हा सामना इंग्लंडच्या बाजूने वळला. नमन ओझा 12 धावा करुन परतल्यानंतर तळाचा फलंदाज मनप्रितनं प्रेक्षकांची मनं जिंकली.

API सचिन वाझेंची महाराष्ट्र एटीएसकडून पुन्हा होऊ शकते चौकशी 
मुंबई :  मनसुख हिरेन यांच्या मृत्यू प्रकरणात पोलीस अधिकारी सचिन वाझे यांचं नाव विरोधकांनी विधानसभेत उपस्थित केलं. तसंच त्यांनीच मनसुख हिरेन यांची हत्या केल्याचा संशयही विरोधकांनी व्यक्त केला. परंतु सरकार सचिन वाझेंना पाठिशी घालत आहे. वाझेंना तात्काळ अटक व्हायला हवी, अशी मागणी विरोधी पक्षनेते देवेंद्र फडणवीस यांनी केली. महाराष्ट्र एटीएस मनसुख हिरेन मृत्यू प्रकरणाची चौकशी करत आहे. काही दिवसांपूर्वी मनसुख यांचा मृतदेह कळवा खाडीत मिळून आला. त्यानंतर त्यांच्या पत्नीच्या स्टेटमेंटनुसार एटीएसनं अज्ञात व्यक्तीविरोधात हत्येचे पुरावे नष्ट केल्याप्रकरणाचाही गुन्हा दाखल केला आहे. सूत्रांच्या माहितीनुसार  सचिन वाझे यांना सोमवारी दुपारी एटीएस  कार्यालयात बोलावलं होतं. तिथं त्यांना  20 जिलेटिनसह मिळालेल्या स्कॉर्पियो प्रकरणाविषयी प्रश्न केले गेले. या प्रकरणात वाझे तपास अधिकारी होते.  मनसुख हिरेन यांच्या पत्नीने आपल्या स्टेटमेंटमध्ये एपीआय सचिन वाझे यांचं नाव घेतलं आहे. त्यामुळं महाराष्ट्र एटीएसचे अधिकारी त्यांनी चौकशी करु शकतात.  

00:06 AM (IST)  •  11 Mar 2021

महाबळेश्वर सातारा रोड येथे मालवाहू एसटी बस दरीत कोसळली

काळाकडा येथून मालवाहतूक एसटी बस गेली दरीत. गाडी मध्ये फक्त चालक आणि वाहक होते उपस्थित. सुमारे  आठशे फूट खोलल दरीत कोसळली बस. ग्रामस्थ आणि ट्रेकर्स यांच्या मदतीतून दोघांनाही सुखरुप काढण्यात यश. दोघेही गंभीररित्या जखमी. दोघांनाही उपचारासाठी रुग्णालयात नेण्याची प्रक्रिया सुरू. एसटी बस दरीत गेल्याच्या माहिती ने सर्वच यंत्रणांची उडाली झोप.

23:36 PM (IST)  •  10 Mar 2021

लातूर एमआयडीसी हॉस्टेल मध्ये पुन्हा करोनाचा शिरकाव 44 विद्यार्थ्यना लागण, जिल्ह्यात 77रुगणाची नोंद

लातूर जिल्ह्यात झपाट्याने करोना संसर्ग होताना दिसत आहे 22 फेब्रुवारी रोजी शहरातील एमआयडीसी भागातील एका शाळेच्या निवासी वसतिगृहातील 45 विद्यार्थ्यना करोनाचा संसर्ग झाल्याचे समोर आले होते. आज त्याच हॉस्टेल मधील 44 विद्यार्थी करोनाग्रस्त झाल्याचे समोर आले आहे ..या सर्व विद्यार्थ्यना मनपाच्या कोविड केयर सेंटर मध्ये हलविण्यात आले आहे. सर्व विद्यार्थ्यांची प्रकृती स्थिर असून त्याच्यावर औषध उपचार सुरू आहेत

23:07 PM (IST)  •  10 Mar 2021

महाशिवरात्री निमित्त मंदिरामध्ये होणारी संभाव्य गर्दी लक्षात घेता सोलापुरातील प्रमुख मंदिर बंद

महाशिवरात्री निमित्त मंदिरामध्ये होणारी संभाव्य गर्दी लक्षात घेता शहरातील प्रमुख मंदिर सर्वसामान्य नागरिकांसाठी राहणार बंद. शहरातील सिद्धेश्वर मंदिर, मल्लिकार्जुन मंदिर, रेवनसिद्धेश्वर मंदिर, होटगी महाराज मठ सर्वसामान्य नागरिकांसाठी बंद. या मंदिरात केवळ पुजारी आणि व्यवस्थापकांनाच राहणार प्रवेश. तर शहरातील इतर सर्व मंदिरात देखील गाभाऱ्यात प्रवेश न करता बाहेरून दर्शन घेण्यासाठी परवानगी. मनपा आयुक्त पी. शिवशंकर यांचे आदेश

22:07 PM (IST)  •  10 Mar 2021

औरंगाबादमध्ये आजही नव्या कोरोनाबाधितांच्या संख्येत वाढ

औरंगाबाद जिल्ह्यातआज एकूण 532 कोरोनाबाधित रुग्णांची नव्याने भर पडली  तर 7 कोरोना बधितांचा मृत्यू झाला . आज 231 जणांना (मनपा 188, ग्रामीण 43) सुटी  देण्यात आली. आजपर्यंत 49613 कोरोनाबाधित रुग्ण बरे होऊन घरी परतले आहेत.  जिल्ह्यातील एकूण कोरोनाबाधित रुग्णांची संख्या 54439 झाली आहे. आजपर्यंत एकूण 1311 जणांचा मृत्यू झाल्याने एकूण 3515 रुग्णांवर उपचार सुरू आहेत.

21:45 PM (IST)  •  10 Mar 2021

लातूर जिल्ह्यात ७७ कोरोनाबाधित रुग्ण आढळले

लातूर जिल्ह्यात 1190 आरटीपीसीआर तपासण्या करण्यात आल्या. त्यामध्ये 25 रुग्ण पॉझिटिव्ह आढळले. 30 अहवाल प्रलंबित आहेत. 1335 रॅपीड अ‍ॅन्टीजीन टेस्ट करण्यात आल्या. त्यामध्ये 47 जण पॉझिटिव्ह आढळून आले. जिल्ह्यातील कोरोनाबाधित रुग्णांची संख्या 26104 झाली आहे. उपचार घेत असलेल्या 749 आहे. लातूर जिल्ह्यात आजपर्यंत 714 रुग्णांचा मृत्यू झाला असून उपचार घेऊन बरे झालेल्या रुग्णांची संख्या 24641 आहे. आज बरे झालेल्या रुग्णांची संख्या 84 आहे.