Breaking News LIVE : हिंगोलीत 1 ते 7 मार्च दरम्यान संचारबंदी; जिल्हाधिकाऱ्यांचे आदेश

Breaking News LIVE Updates, 27 February 2021 : दिवसभरातील ताज्या घडामोडी, महत्त्वाचे अपडेट्स या लाईव्ह ब्लॉगमध्ये आपल्याला मिळतील. देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर महत्वाचे अपडेट लाईव्ह ब्लॉगमध्ये...

Background

मराठी भाषा दिनाच्या हार्दिक शुभेच्छा!

 

 दहावी, बारावी बोर्डाचे अंतिम वेळापत्रक जाहीर

राज्यातील कोरोनाच्या वाढता प्रादुर्भाव लक्षात घेता दहावी, बारावीच्या परीक्षा पुढे ढकलण्याची मागणी पालक व विद्यार्थ्यांकडून होत होती. मात्र, राज्य मंडळाकडून 16 फेब्रुवारीला जाहीर केलेल्या संभाव्य वेळापत्रकावर मागवण्यात आलेल्या सूचनांनतर शुक्रवारी दहावी, बारावीच्या परीक्षेचे अंतिम वेळापत्रक जाहीर केले. त्यानुसार बारावीची परीक्षा 23 एप्रिल ते 21 मे तर दहावीची परीक्षा 29 एप्रिल ते 20 मे दरम्यान होणार असल्याचे राज्य मंडळाकडून जाहीर करण्यात आले आहे.

 पूजा चव्हाण मृत्यू प्रकरणात पुणे लष्कर कोर्टात खटला दाखल

पूजा चव्हाण आत्महत्या प्रकरणात पुणे लीगल जस्टीस सोसायटीच्या वतीने खासगी खटला दाखल करण्यात आला आहे. अॅड. भक्ती राजेंद्र पांढरे (वय 24) यांनी लष्कर न्यायालयात हा खटला दाखल केला आहे.पूजा चव्हाण यांचा मृत्यू संशयास्पद असून या संपूर्ण प्रकरणाचा सखोल तपास होणे आवश्यक आहे. तसे न झाल्यास आरोपीद्वारा यातील पुरावे नष्ट करण्याची दाट शक्यता आहे. त्यामुळे या प्रकरणात पोलिसांनी गुन्ह्याची नोंद करावी आणि तपास करावा यासाठी न्यायालयाचे आदेश आवश्यक असल्याचे याद्वारे भक्ती पांढरे यांनी न्यायालयामोर मांडले.

 बंगाल, केरळसह 5 राज्यात निवडणुका जाहीर; पश्चिम बंगालमध्ये तब्बल 8 टप्प्यात होणार मतदान

निवडणूक आयोगाकडून देशातील पाच राज्यांच्या निवडणुकींच्या तारखा घोषित करण्यात आल्या आहेत. यामध्ये पश्चिम बंगाल, आसाम, केरळ, तामिळनाडू आणि पुडुचेरी केंद्र शासित प्रदेशाचा समावेश आहे. या राज्यांमधील निवडणुका पाहता निवडणूक आयोगाच्या पथकांनीही नुकतीच या राज्यांना भेटी दिल्या आहेत.

20:10 PM (IST)  •  27 Feb 2021

हिंगोली जिल्ह्यातील वाढत्या कोरोना चा प्रादुर्भाव पाहता हिंगोली चे जिल्हाधिकारी रुचेश जयवंशी यांनी हिंगोलीत 1 ते 7 मार्च दरम्यान संचारबंदी लागू करण्याचा निर्णय घेतला आहे यासंदर्भात त्यांनी आज आदेश काढले आहेत या सात दिवसांमध्ये केवळ अत्यावश्यक सेवांना जिल्ह्यामध्ये मुभा असणार आहे त्या व्यतिरिक्त शासकीय निमशासकीय कार्यालय बँका केवळ शासकीय कामकाजा करीता सुरू राहतील तसेच दूध विक्रीला वेळेचे बंधन असणार आहे व इतर सर्व व्यवहार हे बंद ठेवण्यात येणार असल्याचे आदेश त्यांनी काढले आहेत या दरम्यान कोणतेही नागरिक बाहेर पडल्यावर त्यांच्यावर कारवाई करण्यात येणार असल्याची त्यांनी काढलेल्या आदेशात नमूद करण्यात आले आहे.

18:09 PM (IST)  •  27 Feb 2021

मुंबई : वनमंत्री संजय राठोड यांना अधिवेशनाआधी राजीनामा द्यावा लागणार असल्याची माहिती शिवसेनेच्या विश्वसनीय सुत्रांनी दिली आहे.

17:20 PM (IST)  •  27 Feb 2021

17:59 PM (IST)  •  27 Feb 2021

भारतीय कृषि संशोधन परिषदेच्या मुंबई येथील केंद्रीय कापूस तंत्रज्ञान संशोधन संस्थेचे संचालक डॉ. प्रशांतकुमार गुलाबराव पाटील यांची राहुरी, जि. अहमदनगर येथील महात्मा फुले कृषी विद्यापीठाच्या कुलगुरूपदी नियुक्ती करण्यात आली आहे.   राज्यपाल तथा विद्यापीठाचे कुलपती भगतसिंह कोश्यारी यांनी आज डॉ. प्रशांतकुमार पाटील यांची पाच वर्षांच्या कार्यकाळासाठी नियुक्ती जाहीर केली.   विद्यापीठाचे कुलगुरू प्रो. के.पी. विश्वनाथ यांचा कार्यकाळ नियत वयोमानानुसार 4 नोव्हेंबर 2020 पूर्ण झाल्यामुळे हे पद रिक्त झाले होते. वसंतराव नाईक मराठवाडा कृषी विद्यापीठाचे कुलगुरू डॉ अशोक ढवण यांचेकडे पदाचा अतिरिक्त कार्यभार देण्यात आला होता.     डॉ प्रशांतकुमार गुलाबराव पाटील यांनी महात्मा फुले कृषि विद्यापीठातून कृषि अभियांत्रिकी या विषयात बी.टेक पदवी प्राप्त केल्यानंतर त्यांनी आयआयटी खडकपूर येथून एम.टेक. व त्यानंतर नागपूर येथील व्हीपीएच.डी प्राप्त केली आहे.   

17:06 PM (IST)  •  27 Feb 2021

पोहरादेवी येथील जगदंबा मंदिरात महिलांकडून शुद्धीकरण करण्याचा प्रयत्न. स्वयंम महिला मंडळ मुंबई यांच्याकडून देवीला साकडे आणि मंदिराचे शुद्धीकरण. पूजा चव्हाण या तरुणीच्या आत्महत्या प्रकारणार वनमंत्री संजय राठोड यांच्यावर आरोप होत आहेत. तेच संजय राठोड या मंदिरात येऊन देवीसमोर खोटं बोलतात. त्यामुळे ज्योती साठे, स्मिता कवडे आणि योगिता साळवे यांनी गंगाजलाने मंदिराचे शुद्धीकरण केले.