हॅकिंगवर विश्वास नाही मग भाजपनं मनिष भंगाळेवर विश्वास का ठेवला : खडसे

एकनाथ खडसेंनी विचारलेल्या नेमक्या प्रश्नावर भाजप काय उत्तर देणार हे पाहावं लागेल. काही महिन्यांपूर्वी हॅकर मनिष भंगाळेनं खडसे आणि दाऊद यांच्यात फोन संभाषण झाल्याचा आरोप केला होता.

जळगाव : ईव्हीएम हॅकिंग प्रकरणी हॅकरवर विश्वास ठेवायचा नाही अशी भूमिका भाजपनं घेतली आहे. मग माझ्यावेळी हॅकर मनिष भंगाळेवर कसा विश्वास ठेवला, असा थेट सवाल भाजपचे ज्येष्ठ नेते, माजी महसूलमंत्री एकनाथ खडसेंनी स्वपक्षीयांना केला आहे. जळगावात एका कार्यक्रमात खडसे बोलत होते.

ईव्हीएम हॅकिंगची माहिती असल्यामुळे गोपीनाथ मुंडेंची हत्या भाजपनं घडवून आणली, असा दावा लंडनमधील हॅकर सय्यद शुजानं केला आहे. त्यावरुन हॅकरवर विश्वास का ठेवायचा असा पवित्रा भाजपनं घेतल्यानंतर खडसेंनी हा सवाल केला आहे.

मनीष भंगाळे नावाच्या  कथित हॅकरनेही माझ्यावर आरोप केले होते. या हॅकरने माझे दाऊदशी संबंध असल्याचे आरोप केले होते. त्यावेळी कोणतेही तथ्य नसताना फक्त बातम्यांच्या आधारे एखाद्याचे आयुष्य उद्ध्वस्त करण्याचा अधिकार तुम्हाला कोणी दिला, असा सवाल उपस्थित करत एकनाथ खडसेंनी आपल्या मनातील खंत व्यक्त केली.

एकनाथ खडसेंनी विचारलेल्या नेमक्या प्रश्नावर भाजप काय उत्तर देणार हे पाहावं लागेल. काही महिन्यांपूर्वी हॅकर मनिष भंगाळेनं खडसे आणि दाऊद यांच्यात फोन संभाषण झाल्याचा आरोप केला होता. भंगाळेनेच 2014 ते 2015 दरम्यान हॅकिंग करुन दाऊदनं कुणा-कुणाला कॉल केले होते, याची माहिती बाहेर आणली होती. त्यात आढळलेल्या 4 क्रमांकात एक नंबर एकनाथ खडसेंचा आहे, असं म्हटलं होतं.

मंगेश भंगाळे या इथिकल हॅकर्सने दाऊदचे कॉल ट्रेस केल्याचा दावा केला. दाऊदच्या कॉल लिस्टमध्ये 10 भारतीय नंबर होते, त्यापैकी एक नंबर एकनाथ खडसेंचा असल्याचा दावा आप नेत्या प्रीती मेनन यांनी केला.

संबंधित बातम्या

दाऊद इब्राहिम कॉलिंग प्रकरण : एकनाथ खडसेंचं मुख्यमंत्र्यांना पत्र दाऊदला कॉल प्रकरणी खडसेंना पोलिसांचा दिलासा खडसेंचा राजीनामा घेऊन चौकशी करा: प्रीती मेनन ‘दाऊद कॉल लॉगप्रकरणी खडसेंची चौकशी होणार’, प्रीती मेनन यांची माहिती पैसे घेऊन आरोप करणाऱ्या दमानियांवर अब्रू नुकसानीचा दावा ठोकणार : खडसे ‘खडसेंच्या जावयाची अलिशान लिमोझिन जप्त करा’  ‘खडसे-दाऊद कथित कॉलप्रकरणाची केंद्रीय नेतृत्वाकडून दखल’ खडसेंचा मोबाईल, दमानियांचा नंबर आणि दाऊद कॉल प्रकरण