राहुल गांधींच्या विरोधात भाजप आंदोलन करणार, मोदी आडनावावरून टिप्पणी करुन ओबीसींचा अपमान केला - बावनकुळे
Rahul Gandhi : काँग्रेस नेते राहुल गांधी यांनी मोदी आडनावावरून टिप्पणी करून तेली समाजाचा आणि एकूणच ओबीसींचा अपमान केला होता.
Chandrashekhar Bawankule on Rahul Gandhi : काँग्रेस नेते राहुल गांधी यांनी मोदी आडनावावरून टिप्पणी करून तेली समाजाचा आणि एकूणच ओबीसींचा अपमान केला होता. त्यांचा आपण निषेध करतो. राहुल गांधी यांचा निषेध करण्यासाठी भारतीय जनता पार्टी राज्यभर आंदोलन करेल, असे भाजप प्रदेशाध्यक्ष चंद्रशेखर बावनकुळे यांनी सांगितले. ओबीसी समाज राहुल गांधी यांना जागा दाखवून देईल, असा इशाराही यावेळी त्यांनी दिला. ते मुंबईत भाजपा प्रदेश कार्यालयात पत्रकारांशी बोलत होते. यावेळी प्रदेश सरचिटणीस विजय चौधरी, प्रदेश मुख्य प्रवक्ता केशव उपाध्ये, प्रदेश सहमुख्य प्रवक्ता विश्वास पाठक, प्रदेश माध्यमप्रमुख नवनाथ बन, प्रदेश प्रवक्ते गणेश हाके, प्रदीप पेशकर आणि श्वेता शालिनी उपस्थित होते.
चंद्रशेखर बावनकुळे म्हणाले की, राहुल गांधी यांनी एका जाहीर सभेत मोदी आडनावावरून अपमानास्पद सवाल केला होता. राहुल गांधी यांनी तेली समाजाचा आणि एकूणच ओबीसींचा अपमान केला आहे. आपण त्यांचा निषेध करतो. यातून काँग्रेसची जातीयवादी वृत्ती दिसून येते. राहुल गांधी अजूनही राजेशाही मानसिकतेततून बाहेर पडले नाहीत असे या वक्तव्यावरून दिसते. तथापि, कोणी कितीही मोठा असला तरी देशाचा कायदा आणि संविधान सर्वात श्रेष्ठ आहे, हे न्यायालयाच्या निर्णयावरून दिसले.
न्यायालयाने शिक्षा ठोठावल्यानंतर आता राहुल गांधी आपणच बळी असल्याचा आव आणू शकत नाहीत. तेली समाजाचा आणि एकूणच ओबीसी समाजाचा अपमान केल्याबद्दल राहुल गांधी माफी मागणार की नाही आणि न्यायालयाने दिलेली शिक्षा स्वीकारणार की नाही असा आपला सवाल आहे. न्यायालयाने दिलेली शिक्षा मान्य करण्याच्या ऐवजी काँग्रेस नेते रस्त्यावर आंदोलने करून संविधानाचा अपमान करत आहेत. राहुल गांधी यांच्यावरील शिक्षेची कारवाई केंद्र सरकारच्या दबावाखाली झाली हा काँग्रेस नेत्यांचा आरोप न्यायालयाचा अवमान करणारा आहे. जातीयवादी वृत्तीने ओबीसींचा अपमान करणाऱ्या काँग्रेसला न्यायालयाचा निर्णयही मान्य नाही हे धक्कादायक आहे. न्यायालयाच्या अवमान करण्याबद्दल भाजपा दाद मागेल, असेही ते म्हणाले.
| LIVE |📍मुंबई | माध्यमांशी संवाद https://t.co/QJYsKmCtnW
— Chandrashekhar Bawankule (@cbawankule) March 23, 2023
आम्ही काँग्रेसच्या नेत्यांनी आज जी भाषण केली आहे ते तपासणार आहोत. या निकालानंतर निकालावर बोलताना काँग्रेसचे नेत्यांनी कॅटेम्पट ऑफ कोर्ट त्यांनी केलाय.
यासंदर्भात आम्ही राज्याच्या गृहमंत्र्यांना कारवाई करावी अशी भेटून विनंती करणार आहोत...कोर्टाच्या निकालावर जे प्रतिक्रिया देतयेत त्यावर कोर्टाचा अपमान या काँग्रेसने केला आहे, असेही बावनकुळे म्हणाले.
महत्त्वाच्या बातम्या
