Maharashtra Politics: पूर्व विदर्भात भाजपला मोठा धक्का! पुन्हा एका माजी आमदाराचा राजीनामा, काँग्रेसमध्ये घरवापसी करणार?

Maharashtra Politics: भाजपच्या (BJP) गोटातून एक बातमी समोर आली आहे.  पूर्व विदर्भात (East Vidarbha) भाजपला मोठा धक्का बसल्याचे बोलले जात आहे.

Big blow to BJP in East Vidarbha

Source : ABP MAJHA

Maharashtra Politics गोंदिया : भाजपच्या (BJP) गोटातून एक बातमी समोर आली आहे.  पूर्व विदर्भात (East Vidarbha) भाजपला मोठा धक्का बसल्याचे बोलले जात आहे. काँग्रेसकडून 3 वेळा विधानसभा आणि 2 वेळा विधानपरिषद सदस्य राहिलेले, तसेच सध्या भाजपमध्ये असलेले माजी आमदार गोपाल अग्रवाल यांनी भाजपच्या प्राथमिक सदस्यत्वाचा राजीनामा दिला आहे. तर येत्या 13 सप्टेंबरला काँग्रेसमधे घरवापसी करनार असल्याची माहिती स्वत: गोपाल अग्रवाल यांनी दिली आहे. पत्रकार परिषदे घेत त्यांनी ही माहिती दिली आहे.  

गोंदिया विधानसभा (Gondia Assembly) येथील माजी आमदार गोपालदास अग्रवाल (Gopaldas Agarwal) यांनी 2019 च्या विधानसभा निवडणुकी दरम्यान काँग्रेसमधून महसूल मंत्री राधाकृष्ण विखे पाटील यांच्यासह भाजपमध्ये प्रवेश केला होता. मात्र माजी आ. गोपालदास अग्रवाल हे पुन्हा काँग्रेसमध्ये घर वापसी करणार असल्याचे संकेत आहेत. गेल्या अनेक दिवसांपासून ते भाजपमध्ये अस्वस्थ होते. अखेर आज पत्रकार परिषद घेत त्यांनी भाजपच्या प्राथमिक सदस्यत्वाचा राजीनामा दिला आहे.

काँग्रेसमधे घरवापसी करणार?

गेल्या अनेक दिवसांपासून ते काँग्रेसमध्ये प्रवेश करणार अशी चर्चा होती. मात्र, आता दिल्लीवरून त्यांच्या पक्ष प्रवेशाला ग्रीन सिग्नल मिळाल्याची माहिती आहे. गोपाल अग्रवाल हे काँग्रेसकडून 2 वेळा विधानपरिषद तर 3 वेळा विधानसभेचे सदस्य राहिलेले आहेत. मात्र 2019 च्या निवडणुकी दरम्यान त्यांनी मोदी लाटेत भाजपमध्ये प्रवेश केला होता. दरम्यान, त्यावेळी त्यांना भाजपने उमेदवारी ही दिली होती. मात्र त्यात त्यांचा पराभव झाला. त्यानंतर ते भाजपात अस्वस्थ होते. अखेर त्यांनी आज भाजपच्या प्राथमिक सदस्यत्वाचा राजीनामा दिला असून काँग्रेसमध्ये घरवापसी करणार असल्याची माहिती दिली आहे.

दोन महिन्यात पुन्हा एका माजी आमदाराचा राजीनामा

विशेष म्हणजे दोन महिन्यापूर्वीच माजी आमदार रमेश कुथे यांनी भाजपमधून शिवसेना उद्धव बाळासाहेब ठाकरे पक्षात प्रवेश केला. त्यानंतर पुन्हा एक माजी आमदार आणि भाजपला सोडचिट्टी दिल्याने पूर्व विदर्भात भाजपला मोठा धक्का समजला जात आहे. विशेष म्हणजे गोपाल अग्रवाल यांच्या पत्रकार परिषदेमध्ये काँग्रेसचे आमदार सहसराम कोरोटे, काँग्रेस जिल्हा अध्यक्ष दिलीप बनसोड, काँग्रेस पदाधिकारी यांची उपस्थिती असल्याने ते काँग्रेसमध्ये प्रवेश करणार हे मात्र निश्चित झाले आहे. त्यामुळे गोंदिया जिल्ह्यामध्ये भाजपाला पुन्हा एक मोठा धक्का बसला आहे.

हे ही वाचा