Bharat Jodo Yatra Live Updates : भारत जोडो यात्रेचा आज विदर्भातील पाचवा दिवस; वाचा प्रत्येक अपडेट एका क्लिकवर

काँग्रेस खासदार राहुल गांधी यांची आज बुलढाणा जिल्ह्यातील शेगावमध्ये जाहीर सभा होणार आहे. या सभेला मनसेनं विरोध केला आहे.

Background

Rahul Gandhi Bharat Jodo Yatra Live Updates : काँग्रेस खासदार राहुल गांधी (Rahul Gandhi) यांच्या भारत जोडो यात्रेचा (Bharat Jodo Yatra) 73 वा दिवस असून, महाराष्ट्रातील यात्रेचा 13 वा दिवस आहे. तर विदर्भात या य...

12:18 PM (IST)  •  19 Nov 2022

Bharat Jodo Yatra Dhule : भारत जोडो यात्रेच्या पार्श्वभूमीवर रॅलीचं आयोजन

खासदार राहुल गांधी यांच्या भारत जोडो यात्रेच्या पार्श्वभूमीवर राज्यभरात विविध उपक्रम राबविण्यात येत आहेत. या यात्रेच्या पार्श्वभूमीवर धुळे शहरातून रॅली काढण्यात आली. खासदार राहुल गांधी यांची भारत जोडो यात्रा संपूर्ण देशभरात विविध ठिकाणी जात आहे महाराष्ट्रात गेल्या 13 दिवसांपासून आलेल्या या यात्रेला कार्यकर्त्यांसह सर्वसामान्य नागरिकांचा उदंड प्रतिसाद मिळत आहे. राहुल गांधी यांच्या भारत जोडो यात्रेचे राज्यातील विविध जिल्ह्यात मोठ्या उत्साहाने स्वागत करण्यात आलं. या भारत जोडो यात्रेच्या पार्श्वभूमीवर काँग्रेस राष्ट्रवादी शिवसेना आणि समविचारी पक्षांच्या वतीने धुळे शहरातून आज रॅली काढण्यात आली. शहरातील मनोहर चित्र मंदिराजवळील छत्रपती शिवाजी महाराजांच्या पुतळ्यापासून या रॅलीला सुरुवात करण्यात आली महात्मा गांधी पुतळ्याजवळ पुष्पहार अर्पण करून या रॅलीचा समारोप करण्यात आला. यावेळी कार्यकर्ते मोठ्या संख्येने सहभागी झाले होते.

12:16 PM (IST)  •  19 Nov 2022

Bharat Jodo Yatra : महाराष्ट्रातील भारत जोडो यात्रेचा 13 वा दिवस

काँग्रेस खासदार राहुल गांधी (Rahul Gandhi) यांच्या भारत जोडो यात्रेचा (Bharat Jodo Yatra) 73 वा दिवस असून, महाराष्ट्रातील यात्रेचा 13 वा दिवस आहे. तर विदर्भात या यात्रेचा आजचा पाचला दिवस आहे. काल यात्रेनं अकोल्यातून शेगावमार्गे बुलडाणा जिल्ह्यात प्रवेश केलाय. आज सकाळी ही यात्रा शेगावातून बुलडाणा जिल्ह्यातील जलंब शहरात आलीय.

11:33 AM (IST)  •  19 Nov 2022

Bharat Jodo Yatra : भारत जोडो यात्रेचा आज विदर्भातील पाचवा दिवस

भारत जोडो यात्रा आज सकाळी शेगाव वरून सकाळी 6 वाजता निघाली

 

सकाळी 10 वाजता राहुल गांधी हे शेगाव वरून जलंब या गावी पोहोचली

 

राहुल गांधी यांच्या स्वागतासाठी ग्रामीण भागातील महिलांनी आपल्या घरासमोर सुंदर रांगोळी काढली तर काही महिलांनी फुलांची रांगोळी काढली.

 

ग्रामीण भागात भारत जोडो यात्रेला उत्स्फूर्त प्रतिसाद मिळताना पाहायला मिळत आहे.

 

07:26 AM (IST)  •  19 Nov 2022

Bharat Jodo Yatra : भारत जोडो यात्रेचा आज विदर्भातील पाचवा दिवस

काँग्रेस खासदार राहुल गांधी यांच्या भारत जोडो यात्रेचा आज विदर्भातला पाचवा दिवस आहे. आज स्वर्गीय इंदिरा गांधी यांची जयंती ही आहे त्यानिमित्त राहुल गांधी यांच्या भारत जोडो पदयात्रेमध्ये महिलांची विशेष गर्दी पाहायला मिळत आहे. 

21:24 PM (IST)  •  18 Nov 2022

ऑल इंडिया बँक एम्प्लॉईज असोसिएशनने उद्या देशव्यापी बँक संप मागे, उद्याला देशभरातील बॅंका सुरु राहणार

ऑल इंडिया बँक एम्प्लॉईज असोसिएशनने उद्या देशव्यापी बँक संप मागे, उद्याला देशभरातील बॅंका सुरु राहणार

कर्मचाऱ्यांच्या मागील 5 वर्षांपासून लावून धरलेल्या मागण्यांवर तोडगा काढण्यास इंडियन बॅंक असोसिएशन आणि आर्थिक सेवा विभागाचा होणार  

मुख्य कामगार आयुक्तां(केंद्र) सोबत बॅंक संघटनांच्या झालेल्या बैठकीत निर्णय 

आऊटसोर्सिंग आणि ॲडमिनिस्ट्रेटिव्ह ट्रान्सफर्स बॅंकिंग इंडस्ट्रीजच्या मान्यतेविना होणार नाही

सोबतच बॅंकांकडून कामगार कायद्यांची अंमलबजावणी सक्तीनं करणार, कामगार कायद्यांचे पालन होत नसल्याचा होता बॅंकिंग संघटनांचा आरोप 

काही बॅंकांचे कर्मचाऱ्यांसोबत असलेल्या वादावर देखील लवकरात लवकर तोडगा काढण्यासाठी केंद्रीय कामगार आयुक्तांचा पुढाकार