![metaverse](https://cdn.abplive.com/imagebank/metaverse-top.png)
नियम व अटी लागू! छत्रपती शिवाजी महाराज जयंती साजरी करण्यावर निर्बंध
महाराजांच्या जयंतीच्या निमित्तानं विविध ठिकाणी बहुविध कार्यक्रमांचं आयोजन करण्यात येतं. पण, यंदा मात्र शिवजयंतीवर कोरोना विषाणूच्या ससंसर्गाचं सावट असणार आहे.
![नियम व अटी लागू! छत्रपती शिवाजी महाराज जयंती साजरी करण्यावर निर्बंध as new covid cases arises guidelines issued by government amid chatrapati shivaji maharaj jayanti shivjayanti 2021 नियम व अटी लागू! छत्रपती शिवाजी महाराज जयंती साजरी करण्यावर निर्बंध](https://static.abplive.com/wp-content/uploads/sites/4/2021/02/11222051/shvj.jpg?impolicy=abp_cdn&imwidth=1200&height=675)
मुंबई : दरवर्षी 19 फेब्रुवारी या दिवसी हिंदवी स्वराज्याची मुहूर्तमेढ रोवणाऱ्या आणि दिल्लीपर्यंत मराठ्यांच्या साहसगाथा ज्यांच्या पराक्रमांतून पोहोचल्या, अशा छत्रपती शिवाजी महाराज यांची जयंती साजरी होते.
महाराजांच्या जयंतीच्या निमित्तानं विविध ठिकाणी बहुविध कार्यक्रमांचं आयोजन करण्यात येतं. पण, यंदा मात्र शिवजयंतीवर (Shivjayanti 2021) कोरोना विषाणूच्या ससंसर्गाचं सावट असणार आहे. मागील काही दिवसांत कोरोनाची दहशत काहीशी कमी झाली होती, याच पार्श्वभूमीवर अनेक गोष्टी पुन्हा खुल्या झाल्यामुळे शिवप्रेमींनी याही वर्षीचा शिवजयंती उत्सवाचा सोहळा मोठ्या प्रमाणात साजरा करण्याचं ठरवलं होतं.
...मग काय जय श्रीराम पाकिस्तानमध्ये म्हटलं जाणार, अमित शाहंचा सवाल
किंबहुना अनेक ठिकाणी सार्वजनिक कार्यक्रमाचं आयोजनही करण्यात आलं आहे, काही ठिकाणी नाटक- व्याख्यानं आयोजित केली गेली आहेत. पण, बुधवारी राज्यात काल पुन्हा कोरोना रूग्णांची संख्या वाढल्यामुळं गृहविभागानं नव्याने आदेश बजावून शिवजयंती साजरी करण्यावर निर्बंध घातले आहेत.
राज्याच्या गृहविभागाने काढलेल्या आदेशात नमूद केल्याप्रमाणं त्यासाठी नियम व अटी लागू असणार आहेत.
- छत्रपती शिवाजी महाराजांची जयंती कोरोनामुळे यंदा साधेपणानं साजरी करावी.
- गड - किल्ल्यांवर जाऊन जयंती साजरी न करता घरी बसूनच हा उत्सव साजरा करावा. अनेक शिवप्रेमी किल्ले शिवनेरी किंवा अनेक गड- किल्ल्यावर जाऊन तारखेनुसार 18 तारखेला मध्यरात्री 12 वाजता देखील एकत्र येऊन शिवजयंती साजरी करतात. पण, यंदा हे सारं टाळावं
- सार्वजनिक ठिकाणी पोवाडे, व्याख्यान, गाणे, नाटकांचे सादरीकरण अथवा सांस्कृतिक कार्यक्रमांचे आयोजन करू नये. सदर कार्यक्रमांचं आयोजन ऑनलाईन प्रक्षेपण उपलब्ध करुन देण्याबाबत व्यवस्था करावी.
- प्रभातफेरी, बाईक रॅली, मिरवणुकांना बंदी; महाराजांच्या पुतळ्यास अथवा स्मारकास पुष्पहार अर्पण करताना सोशल डिस्टन्सिंगचं पालन बंधनकारक असेल.
- 10 व्यक्तींच्या उपस्थितीतच शिवजयंती साजरी करावी जयंती; आरोग्यविषयक उपक्रम राबविण्यास मत्र परवानगी असेल. पण, तिथंही नियमांचं पालन बंधकारक असेल. आरोग्य विषयक कार्यक्रमांचं आयोजन करताना त्या ठिकाणी सोशल डिस्टन्सिंगसोबतच मास्क, सॅनिटायझरचा वापरही करण्यात यावा.
- कोरोनाचा प्रादुर्भाव रोखण्यासाठी मदत व पुनर्वसन, आरोग्य, पर्यावरण, वैद्यकीय शिक्षण, महापालिका, पोलीस, स्थानिक प्रशासनानं या नियमांची काटेकोर अंमलबजावणी करत नागरिकांनाही तसं आवाहन करावं. या सूचनांशिवायही दरम्यानच्या काळात आणखी काही सूचना लागू झाल्यास त्यांचंही अनुपालन करावं.
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)