(Source: Dainik Bhaskar)
मुख्यमंत्री, उपमुख्यमंत्र्यांनी उद्धव ठाकरेंना 'शिवसेना पक्षप्रमुख' म्हणणं टाळलं! बंडखोरांनी मात्र थेटच म्हटलं...
एकनाथ शिंदे यांनी जरी उद्धव ठाकरेंना शिवसेना पक्षप्रमुख म्हणणं टाळलं असलं तरी एकनाथ शिंदे यांच्यासोबत गेलेल्या अनेक बंडखोर नेत्यांनी मात्र उद्धव ठाकरे यांना शुभेच्छा देताना त्यांचा उल्लेख शिवसेना पक्षप्रमुख असा केला आहे.
Birthday Wishes To Uddhav Thackeray : महाराष्ट्राचे माजी मुख्यमंत्री आणि शिवसेना (Shiv Sena) पक्षप्रमुख उद्धव ठाकरे (Uddhav Thackeray) यांचा आज 62 वा वाढदिवस आहे. मुख्यमंत्री एकनाथ शिंदे (CM Eknath Shinde) यांच्याकडून माजी मुख्यमंत्री उद्धव ठाकरे (Uddhav Thackeray) यांना वाढदिवसाच्या शुभेच्छा देण्यात आल्या आहेत. विशेष म्हणजे या पोस्टमध्ये त्यांनी उद्धव ठाकरे यांचा उल्लेख केवळ माजी मुख्यमंत्री असा केला आहे. शिवसेना पक्षप्रमुख असा उल्लेख करणं एकनाथ शिंदे यांनी टाळलं आहे. एकनाथ शिंदे यांनी माजी मुख्यमंत्री उद्धवजी ठाकरे निरोगी दीर्घायुष्य लाभो अशी आई जगदंबेचरणी प्रार्थना असे म्हणून त्यांचे अभिष्टचिंतन केले आहे. उपमुख्यमंत्री देवेंद्र फडणवीस यांनी देखील उद्धव ठाकरे यांचा उल्लेख करताना शिवसेना पक्षप्रमुख म्हणणं टाळलं आहे.
महाराष्ट्राचे माजी मुख्यमंत्री माननीय श्री.उद्धवजी ठाकरे यांना वाढदिवसाच्या हार्दिक शुभेच्छा. त्यांना निरोगी दीर्घायुष्य लाभो हीच आई जगदंबेच्या चरणी प्रार्थना....
— Eknath Shinde - एकनाथ शिंदे (@mieknathshinde) July 27, 2022
एकनाथ शिंदे यांनी जरी उद्धव ठाकरेंना शिवसेना पक्षप्रमुख म्हणणं टाळलं असलं तरी एकनाथ शिंदे यांच्यासोबत गेलेल्या अनेक बंडखोर नेत्यांनी मात्र उद्धव ठाकरे यांना शुभेच्छा देताना त्यांचा उल्लेख शिवसेना पक्षप्रमुख असा केला आहे. माजी मंत्री गुलाबराव पाटील, शिवाजी आढळराव पाटील, धैर्यशील माने यांच्यासह काही बंडखोर नेत्यांनी उद्धव ठाकरेंना शुभेच्छा देताना त्यांच्या नावाआधी शिवसेना पक्षप्रमुख असा उल्लेख केला आहे.
गुलाबराव पाटील यांनी काय म्हटलंय...
महाराष्ट्र राज्याचे माजी मुख्यमंत्री तथा शिवसेना पक्षप्रमुख मा.श्री. उद्धवजी बाळासाहेब ठाकरे आपणांस वाढदिवसाच्या हार्दिक शुभेच्छा..💐🎂@OfficeofUT pic.twitter.com/vFo4UfLbHj
— Gulabraoji Raghunath Patil (@GulabraojiP) July 27, 2022
वाढदिवसाच्या हार्दिक शुभेच्छा @uddhavthackeray साहेब pic.twitter.com/bUhkhDjZuQ
— Dhairyasheel Mane (@mpdhairyasheel) July 27, 2022
शिवसेना पक्षप्रमुख, मा. मुख्यमंत्री उद्धव साहेब ठाकरे यांना वाढदिवसाच्या हार्दिक शुभेच्छा!@OfficeofUT pic.twitter.com/R81QbepSwo
— Shivajirao Adhalrao (@MPShivajirao) July 27, 2022
शिवसेना पक्षप्रमुख माननीय श्री. उद्धव बाळासाहेब ठाकरे यांना वाढदिवसाच्या हार्दिक शुभेच्छा@ShivSena @OfficeofUT @AUThackeray @SardesaiVarun pic.twitter.com/eNHBoDNYgO
— Arjun Khotkar (@miarjunkhotkar) July 27, 2022
माजी मुख्यमंत्री श्री उद्धवजी ठाकरे यांना वाढदिवसाच्या अनेकानेक शुभेच्छा!
— Devendra Fadnavis (@Dev_Fadnavis) July 27, 2022
मी त्यांना निरोगी जीवन आणि दीर्घायुष्य चिंतितो! pic.twitter.com/Ob1Rb1UUgm
बंडखोर नेत्यांच्या जाहिराती सामनानं नाकारल्या
दरम्यान उद्धव ठाकरे यांच्या वाढदिवसानिमित्त बंडखोर शिवसेना नेत्यांच्या जाहिराती सामनानं नाकारल्या आहेत. शिंदे गटातील खासदार राहुल शेवाळे यांनी हा दावा केला आहे. सामनात शुभेच्छांच्या जाहिराती
बंडखोरांकडून नकोत, असं सांगण्यात आलं असल्याची माहिती आहे.
हारतुरे, पुष्पगुच्छ नको, फक्त शुभेच्छा द्या; उद्धव ठाकरे यांचं आवाहन
शिवसैनिकांच्या प्रेमापोटी उद्धव ठाकरे हे सकाळी 11 ते सायंकाळी 5 या वेळेत शुभेच्छांचा स्वीकार करणार आहेत. पण फक्त शुभेच्छा द्या, हारतुरे नको, पुष्पगुच्छ आणि फोटोफ्रेम्स नको, असं आवाहन उद्धव ठाकरे यांनी शिवसैनिकांना केलं आहे.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
