(Source: ECI/ABP News/ABP Majha)
गोगलगायीचा प्रादुर्भाव पूर्ण नियंत्रणात, शेतकऱ्यांचं नुकसान टळलं, कृषीमंत्र्यांच्या सूचनेनंतर कृषी विभागाचं सूक्ष्म नियोजन
कृषिमंत्री धनंजय मुंडे यांच्या नेतृत्वात कृषी विभागानं सूक्ष्म नियोजन केलं आहे. 28 जिल्ह्यात 250 मे.टन मेटाल्डिहाईडचा पुरवठा केल्यामुळं गोगलगायीमुळं होणारं शेतकऱ्यांचं नुकसान टळलं आहे.
Agriculture News : 2022 व 2023 च्या खरीप हंगामामध्ये गोगलगायींनं पिकांचं पूर्णत: नुकसान केलं होतं. त्यामुळं यावेळच्या खरीप हंगामात प्रशासन सतर्क झालं होतं. आधापासून या संकटाची कालजी घेतली होती. या नुकसानाच्या अनुषंगाने यंदाच्या खरीप हंगामाच्या सुरुवातीपासून राज्याचे कृषिमंत्री धनंजय मुंडे यांच्या नेतृत्वात कृषी विभागाने सूक्ष्म नियोजन केलं होतं. याचं फलित म्हणून यावर्षी गोगलगायीचे संकट पूर्णतः नियंत्रणात आलं आहे.
विदर्भासह मराठवाड्याला बसला होता मोठा फटका
सन 2022 आणि 2023 या वर्षात राज्यामध्ये बहुतांशी विदर्भ आणि मराठवाड्यामध्ये गोगलगायीच्या प्रादुर्भावामुळे अनेक शेती पिकाचे आणि फळ पिकाचे मोठ्या प्रमाणावर नुकसान झाले होते. त्यामध्ये बीड, धाराशिव, लातूर, बुलढाणा, यवतमाळ आदी जिह्यांमध्ये नुकसानाचे प्रमाण अधिक होते. इतरही बऱ्याच जिल्ह्यामध्ये कमी अधिक प्रमाणात नुकसान झाले होते. लातूर, बीड आणि धाराशिव या तीन जिल्ह्यामध्ये 33 टक्के पेक्षा जास्त शेत पिकाचे आणि फळ पिकाचे नुकसान झाले होते. त्याचे क्षेत्र 7,490 हेक्टर होते, तर नुकसानग्रस्त शेतकऱ्यांची संख्या 129,596 इतकी होती.
राज्याच्या 28 जिह्यांमध्ये 250 मेट्रीक टन मेटाल्डिहाईड या गोगलगाय नाशकाचा पुरवठा
राज्यामध्ये गोगलगायीमुळे नुकसान होण्याची समस्या साधी होती. परंतू, अलीकडील काही वर्षांमध्ये ही समस्या प्रमुख होत गेली. या बाबीची दखल घेत राज्याचे कृषीमंत्री धनंजय मुंडे यांनी याबाबत प्रभावी उपाययोजना करण्याबाबत सूचना दिल्या होत्या. कृषी विभागाने याची दखल घेत राज्य पुरस्कृत सोयाबीन व इतर तेलबिया उत्पादकता वाढ आणि मूल्य साखळी प्रकल्पाअंतर्गत राज्याच्या 28 जिह्यांमध्ये 250 मेट्रीक टन मेटाल्डिहाईड या गोगलगाय नाशकाचा पुरवठा केला. त्यामुळं यंदाच्या खरीप हंगामामध्ये या बाबीची प्रभावी आणि काटेकोर अंमलबजावणी करण्यात आली. त्याचाच परिणाम म्हणून 2024 च्या खरीप हंगामामध्ये गोगलगायीचा प्रादुर्भाव पूर्ण नियंत्रणात आणला गेला.
राज्यामध्ये कृषी मालाचे उत्पादन उच्चांकी होणार
यावर्षीच्या खरीप हंगामात चांगला पाऊस झाल्यामुळे पीक परिस्थिती चांगली असून गोगलगायीचा प्रादुर्भाव नगण्य असून राज्यामध्ये कृषी मालाचे उत्पादन उच्चांकी असेल अशी भावना शेतकऱ्यांमध्ये तयार झाली आहे. राज्यातील आणि विशेष करून लातूर, बीड, धाराशिव आदी जिल्ह्यातील अनेक शेतकऱ्यांनी कृषी विभाग आणि कृषीमंत्री धनंजय मुंडे यांचे आभार मानले आहे.
महत्वाच्या बातम्या:
एकाच झाडाला डझनभर गोगलगायी; रात्रीतून पिकं करतायत फस्त; शेतकरी बागायतदार शेतकरी देशोधडीला
महत्त्वाच्या बातम्या
ट्रेंडिंग न्यूज
