Urea Stock Seized : भिवंडीत 18 लाख रुपयांचा 100 टन संशयित युरियाचा साठा जप्त, तपासणीनंतर कारवाई होणार 

Urea stock seized : भिवंडीत (Bhiwandi) पोलिसांनी सुमारे 100 टन संशयित युरियाचा साठा जप्त (urea stock seized) केला आहे.

Narpoli Police Station

Urea Stock Seized : भिवंडीत (Bhiwandi) पोलिसांनी सुमारे 100 टन संशयित युरियाचा साठा जप्त (Urea Stock Seized) केला आहे. नारपोली पोलिसांनी (Narpoli Police) ही कारवाई केली आहे. मागील तीन महिन्यांपूर्वीच नारपोली पोलिसांनी मोठी कारवाई केली होती. यामध्ये 18 लाख रुपये किंमतीचा निमकोटेड युरियाचा साठा जप्त केला होता. त्यानंतर आता पुन्हा भिवंडीतील गोदाम पट्ट्यात युरियाचा साठा जप्त करण्यात आला आहे. 

एकूण 18 लाख 87 हजार 650 रुपयांचा संशयित युरियाचा साठा जप्त

पोलीस सूत्रांनी दिलेल्या माहितीनुसार, पूर्णा ग्रामपंचायत हद्दीतील ज्योती कम्पाऊंड येथील गजानन ट्रान्सपोर्टच्या गोदामात संशयित युरियाचा साठा असल्याची माहिती पोलिसांना मिळाली होती. त्यानंतर ठाणे शहर अतिरिक्त पोलीस आयुक्त दत्तात्रय कराळे यांच्या मार्गदर्शनाखाली पथकासह नारपोली पोलिसांनी संबंधित गोदमावर कारवाई केली. यावेळी तेथील गोदामात 14 लाख 12 हजार 650 रुपये किंमतीचा खतांचा साठा आढळून आला. तसेच तिथे उभ्या असणाऱ्या ट्रकमध्ये (MH FV 5460) 4 लाख 75 हजारांचा 99 हजार 350 किलो वजनाचा खताचा साठा जप्त करण्यात आला. एकूण 18 लाख 87 हजार 650 रुपयांचा संशयित युरियाचा साठा पोलिसांनी जप्त केला आहे.

निमकोटेड युरिया आढळल्यास गुन्हा दाखल होणार 

दरम्यान, संशयित युरिया औद्योगिक वापराचा आहे की कृषी उपयोगाचा आहे याची तपासणी करण्यासाठी ठाणे कृषी विभागातील जिल्हा गुणवत्ता नियंत्रण पथक गोदामातील युरियाचे नमुने घेतले आहेl. हे खतांचे नमुने नाशिक प्रयोगशाळेत तपासणीसाठी पाठवले जाणार आहेत. संबंधित संशयित साठा हा कृषी वापरातील निमकोटेड युरिया आढळल्यास तसा गुन्हा दाखल केला जाणार असल्याची माहिती अधिकाऱ्यांनी दिली आहे.

खतांच्या किंमती तसातत्याने वाढ

आंतरराष्ट्रीय स्तरावर कच्च्या मालाच्या किंमतीत वाढ झाल्याने शेतीसाठी लागणाऱ्या रासायनिक खताच्या किंमतीत देखील सातत्याने वाढ होत आहे. याचा मोठा फटका शेतकऱ्यांना बसत आहे. खतांच्या किमंती वाढल्याने शेतकऱ्यांचा उत्पादन खर्च मोठ्या प्रमाणात वाढला आहे. परिणाम उत्पन्न आणि खर्च याचा ताळमेळ बसत नसल्याने शेतकऱ्यांना मोठा आर्थिक फटका बसत असल्याचं चित्र दिसत आहे. अशातच बोगस खतांच्या निर्मितीच्या घटनाही सातत्याने घडत आहेत. याचा देखील शेतकऱ्यांना मोठा फटका बसत आहे. भारतात शेतीसाठी दरवर्षी मोठ्या प्रमाणावर युरियाचा वापर केला जातो. खतांच्या अति वापराचे काही वेळाला दुष्परिणामही होतात. त्यामुळे नैसर्गिक शेतीकडे वळण्याचे आवाहन शेतकऱ्यांना करण्यात येत आहे.   

महत्त्वाची बातमी