Kolhapur Crime : शिक्षकानेच दाखवलं नववी-दहावीतील मुलींना पॉर्न व्हिडीओ; कोल्हापूर जिल्ह्यातील धक्कादायक प्रकार

कोल्हापूर जिल्ह्यात शेळेवाडी येथील विद्यालंकार शाळेत इंग्रजी विषयाचा शिक्षक व्ही.पी बांगडी याने शाळेतील नववी आणि दहावीच्या वर्गातील मुलींना पॉर्न व्हिडीओ दाखवल्याचा प्रकार उघडकीस आला आहे.

Kolhapur Crime

Kolhapur Crime : शिक्षक आणि विद्यार्थी यांच्या नात्याला काळीमा फासण्याचा अत्यंत घृणास्पद प्रकार कोल्हापूर जिल्ह्यातील (Kolhapur Crime) एका शाळेमध्ये घडला आहे. कोल्हापूर जिल्ह्यातील राधानगरी तालुक्यातील शेळेवाडी येथील विद्यालंकार शाळेत इंग्रजी विषयाचा शिक्षक व्ही.पी बांगडी याने शाळेतील नववी आणि दहावीच्या वर्गातील मुलींना पॉर्न व्हिडीओ दाखवल्याचा प्रकार उघडकीस आला आहे. यामुळे संतापाची लाट उसळली आहे. 

इंग्रजीच विषयाचा शिक्षक असलेल्या विकृत बांगडीने शाळेतील नववी आणि दहावीच्या मुलींना पॉर्न व्हिडीओ दाखवला. यानंतर या शिक्षकाची साताऱ्यामध्ये बदली करण्यात आली असली तरी विद्यार्थ्यांमधून तसेच पालकांमधून संताप व्यक्त करण्यात येत आहे. या शिक्षकाविरोधात कारवाई करण्याची मागणी विद्यार्थी आणि पालकांमधून केली जात आहे. 

गेल्या दोन वर्षापासून शिक्षक बांगडीने हे असे प्रकार केल्याचा आरोप संबंधित विद्यार्थिनींनी केला आहे. या शिक्षकाविरोधात कारवाई करण्यात यावी, अशी मागणी पीडित विद्यार्थ्यांनी केली आहे. असा प्रकार शाळेमध्येच घडल्याने आता पालकांमध्ये भीती निर्माण झाली आहे. त्यामुळे संबंधित शिक्षकाविरोधात कडक कारवाई करावी, अशी मागणी पीडित विद्यार्थीनींकडून करण्यात आली आहे. 

अन्यथा वेश्या व्यवसाय करायला लावू

दरम्यान, कोल्हापूर (Kolhapur News) जिल्ह्यामध्ये सावकारी किती बोकाळली आहे आणि त्यांची दहशत कोणत्या स्तराला गेली आहे, याचा पुन्हा एकदा प्रत्यय आला आहे. कोल्हापूर शहराला लागूनच असलेल्या नदीपलीकडील गावामधील महिलेला कर्जाच्या बदल्यात वेश्या व्यवसाय करायला भाग पाडू, अशी धमकी सावकाराने दिल्याचा प्रकार समोर आल्याने एकच खळबळ उडाली आहे. घर बांधण्यासाठी घेतलेल्या 25 लाख रुपयांच्या बदल्यात  सावकाराने 85 लाख रुपयांची मागणी केली आहे. पैसे द्या, अन्यथा वेश्या व्यवसाय करायला भाग पडू, अशी धमकी दिली आहे. त्या महिलेची कारसुद्धा या गुंडांनी ताब्यात घेतली असून घरही नावावर करून घेतलं आहे. घरातून बाहेर पडा, अन्यथा महागात पडेल अशा धमक्या दिल्या जात आहेत. दररोज येऊन आपलं प्रापंचिक साहित्य घराबाहेर टाकण्यात टाकले जात असल्याचे पीडित महिलेनं म्हटलं आहे. 

इतर महत्वाच्या बातम्या