मोठी बातमी! ओबीसी आंदोलक नवनाथ वाघमारे यांची गाडी अज्ञात व्यक्तीने पेटवली; जालना शहरातल्या नीलम नगर भागातील घटना
Jalna News जालना: ओबीसी आंदोलक आणि नेते नवनाथ वाघमारे (Navnath Waghmare) यांची चार चाकी स्कॉर्पिओ गाडी काल (21 सप्टेंबर) एका अज्ञात व्यक्तीने पेटविल्याचा धक्कादायक प्रकार समोर आलाय.
Jalna News जालना: ओबीसी आंदोलक आणि नेते नवनाथ वाघमारे (Navnath Waghmare) यांची चार चाकी स्कॉर्पिओ गाडी काल (21 सप्टेंबर) एका अज्ञात व्यक्तीने पेटविल्याचा धक्कादायक प्रकार समोर आलाय. जालना शहरातल्या नीलम नगर भागात रात्री साडेदहा ते 11 वाजेच्या दरम्यान ही घटना घडली. ज्या ठिकाणी नवनाथ वाघमारे यांची गाडी कॉलनीत उभी होती त्या ठिकाणी एक अज्ञात व्यक्ती हातामध्ये ज्वलनशील पदार्थ घेऊन आला आणि गाडीवर टाकलेल्या कव्हरवर पहिल्यांदा त्याने कॅनमध्ये असलेले पूर्ण ज्वलनशील पदार्थ चारही बाजूंनी टाकले आणि त्यानंतर ही आग लावून दिली.
दरम्यान, या आगीने भडका घेताच गाडीवर टाकलेले कव्हर क्षणातच जळून खाक झाले आहे. यामध्ये कोणतीही जीवित हानी झाली नसून मोठा अनर्थ टळलाय. दरम्यान या संपूर्ण प्रकरणी ओबीसी नेते नवनाथ वाघमारे यांनी कदीम जालना पोलीस ठाण्यात तक्रार दिली असून पोलीस cctv च्या आधारे पुढील तपास करत आहेत. मात्र या घटनेने सर्वत्र एकच खळबळ उडाली असून राज्यातील सामाजिक वातावरण दिवसागणिक बिगडत असल्याची चर्चा रंगू लागली आहे.
अॅडव्होकेट गुणरत्न सदावर्ते यांच्या गाडीवर आंदोलकांचा हल्ला
दुसरीकडे अशीच काहीशी घटना अॅडव्होकेट गुणरत्न सदावर्ते यांच्या बाबतीत घडली. मराठा आरक्षणाला सातत्याने विरोध करणारे आणि मनोज जरांगे यांच्याविरोधात आक्रमक भूमिका घेणारे गुणरत्न सदावर्ते यांच्या गाडीवर जालन्यात मराठा आंदोलकांनी (Maratha Agitators) हल्ला केल्याचा प्रकार घडला. गुणरत्न सदावर्ते हे रविवारी जालना येथील धनगर उपोषण आंदोलनाला भेट जाण्यासाठी जात होते. त्यांच्या गाड्यांचा ताफा रस्त्यावरुन जात असताना पोलिसांनी कडेकोट बंदोबस्त ठेवला होता. असे असतानाही काही मराठा आंदोलक गाडीवर धावून जात या आंदोलकांनी पोलिसांना चुकवून गुणरत्न सदावर्ते (Gunaratna Sadavarte) यांची गाडी गाठण्यात यश मिळवले. या आंदोलकांनी गुणरत्न सदावर्ते यांच्या गाडीवर धावून जात काचेवर फटके मारले. हा प्रकार पोलिसांच्या लक्षात येतात त्यांनी मराठा आंदोलकांना तातडीने पकडले.मात्र, तोपर्यंत दोन-तीन मराठा आंदोलकांनी गुणरत्न सदावर्ते यांच्या लिमोझिन गाडीच्या काचेवर फटके मारले होते. यानंतर पोलिसांनी सर्व मराठा आंदोलकांना ताब्यात घेतले आहे. यामध्ये काही मनोज जरांगे पाटील (Manoj Jarange Patil) समर्थक विश्वंभर तिरुखे यांचाही समावेश असल्याचेही समजते.
ही बातमी वाचा:
महत्त्वाच्या बातम्या
