सचिन तेंडुलकरने कौतुक केलेल्या 'या' तरुणी आहेत तरी कोण?

सचिन तेंडुलकरने इन्स्टाग्रामवर फोटो पोस्ट करुन उत्तर प्रदेशातील नेहा आणि ज्योती या बार्बरशॉप गर्ल्सना शुभेच्छा दिल्या आहेत. विशेष म्हणजे सचिनने या दोघींच्या साथीने अनोखा विक्रम रचला. सचिनने पहिल्यांदाच इतरांकडून दाढी करुन घेतली.

मुंबई : उत्तर प्रदेशातील 'बार्बरशॉप गर्ल्स' सध्या यूट्यूबवर चांगल्याच गाजत आहेत. त्यातच मास्टर ब्लास्टर सचिन तेंडुलकरने या तरुणींचं कौतुक करत त्यांची कॉलर आणखी टाईट केली आहे. नेहा आणि ज्योती यांच्यावर सध्या देशभरातून कौतुकाचा वर्षाव होत आहे. नेहा आणि ज्योती या उत्तर प्रदेशातील बनवारी तोला गावातल्या रहिवासी. 2014 मध्ये त्यांचे वडील आजारी पडले. न्हावी म्हणून काम करणाऱ्या वडिलांचं हातावर पोट. कर्ता पुरुषच आजारी पडल्याने घरगाडा हाकणं कठीण झालं. त्यामुळे लेकींनी हाती वस्तरा धरला. पुरुषांची मक्तेदारी असलेल्या क्षेत्रात मुलींनी पाय रोवण्यास सुरुवात केल्याने अनेकांच्या भुवया उंचावल्या. मात्र वडिलांच्या आजारपणाचा खर्च उचलण्याचं ध्येय असल्यामुळे दोघींनी मागे वळून पाहिलं नाही. आज, खुद्द सचिन तेंडुलकरने त्यांच्या कार्याची दखल घेतली. सचिनने इन्स्टाग्रामवर फोटो पोस्ट करुन दोघींना शुभेच्छा दिल्या आहेत. विशेष म्हणजे सचिनने या दोघींच्या साथीने अनोखा विक्रम रचला. सचिनने पहिल्यांदाच इतरांकडून दाढी करुन घेतली.

View this post on Instagram

 

A First for me! You may not know this, but I have never gotten a shave from someone else before. That record has been shattered today. Such an honour to meet the #BarbershopGirls and present them the @gilletteindia Scholarship. #ShavingStereotypes #DreamsDontDiscriminate

A post shared by Sachin Tendulkar (@sachintendulkar) on May 3, 2019 at 7:47am PDT