मुंबईत आलेले योगी आदित्यनाथ म्हणतात, आम्ही फिल्मसिटी उभारतोय, मात्र..

योगी आदित्यनाथ यांच्या मुंबई दौर्‍यावरुन जोरदार राजकारण सुरू आहे. योगी आदित्यनाथ यांच्या दौऱ्याला शिवसेना आणि राष्ट्रवादी कॉंग्रेस विरोध करत आहेत.

फाईल फोटो

मुंबई : उत्तर प्रदेशात फिल्म सिटी उभारण्याच्या पार्श्वभूमीवर मुख्यमंत्री योगी आदित्यानाथ मुंबईत आहेत. आम्ही वर्ल्ड क्लास फिल्म सिटी बनवत आहोत, मुंबईतून घेऊन जात नाहीत. यासाठी काही निर्माते, दिग्दर्शक आणि कलाकारांशी बोलणी झाली आहे, असं योगी आदित्यनाथ यांनी म्हटलं. योगी आदित्यनाथ यांच्या मुंबई दौर्‍यावरुन जोरदार राजकारण सुरू आहे. योगी आदित्यनाथ यांच्या दौऱ्याला शिवसेना आणि राष्ट्रवादी कॉंग्रेस विरोध करत आहेत.

फिल्म सिटीबाबत योगी आदित्यनाथ यांनी आज बैठक बोलावली आहे. या बैठकीला निर्माते दिग्दर्शक सुभाष घई, रमेश सिप्पी, तिग्मांशू धुलिया, मधुर भंडारकर, सिद्धार्थ रॉय कपूर आणि टी मालिकेचे प्रमुख भूषण कुमार उपस्थित असतील. कंगना रनौत आणि ठाकरे सरकार यांच्यात सुरू असलेल्या वादाच्या पार्श्वभूमीवर योगी सरकार यांनी फिल्म सिटी बनवण्याचा निर्णय घेतला. यानंतर 22 सप्टेंबर रोजी लखनौमध्ये बॉलिवूड सेलिब्रिटी आणि योगी आदित्यनाथ यांच्यात बैठक झाली.

मुंबईतून 'फिल्म सिटी' काढणे सोपे नाही : संजय राऊत

शिवसेनेचे खासदार संजय राऊत यांनी या विषयावर बोलताना म्हटलं की, मुंबईतील फिल्म सिटीला इतरत्र स्थापित करणे सोपे नाही. मात्र तरीही तसं करण्याचा प्रयत्न केला गेला आहे. असे प्रयत्न यापूर्वीही झाले आहेत. मुंबईतील फिल्म सिटीप्रमाणे काहीही कुठेही स्थापित करणे सोपे नाही. मुंबईचा चित्रपटसृष्टीचा इतिहास मोठा आहे.

पुढे संजय राऊत म्हणाले की, दक्षिण आणि बंगालमध्येही चित्रपटसृष्टी आहेत. दाक्षिणात्य सुपरस्टार रजनीकांत, नागार्जुन, चिरंजीवी यांनी हिंदी चित्रपटांतही भूमिका केल्या आहेत. मात्र योगीजी केवळ मुंबईला लक्ष्य करणार की त्या राज्यांकडेही जाणार आहेत? असा सवाल संजय राऊत यांनी उपस्थित केला.

"योगी साधू, मात्र सेव्हन स्टार हॉटेलात वास्तव्य"; योगींच्या मुंबई दौऱ्याचा संजय राऊतांकडून समाचार