राजस्थान ओपिनियन पोल : वसुंधरा राजेंच्या बालेकिल्ल्यावर काँग्रेसचा झेंडा?

Rajasthan Assembly Election Opinion Poll : एबीपी न्यूज आणि सी व्होटरच्या ओपिनियन पोलनुसार, राजस्थानात सत्तांतर होणार आहे. राजस्थानमध्ये सध्या भाजपचं सरकार आहे. मात्र या ओपिनियन पोलनुसार आगामी विधानसभा निवडणुकीत काँग्रेस बाजी मारणार असल्याचे दिसत आहे.

Rajasthan Assembly Election Survey 2018 : मध्य प्रदेश, छत्तीसगड आणि राजस्थानमध्ये या वर्षाअखेर विधानसभा निवडणूक होत आहे. पुढच्या वर्षीच्या लोकसभा निवडणुकीअगोदर एबीपी न्यूज आणि सी व्होटरने सर्वात मोठा ओपिनियन पोल केला आहे. कोणत्या राज्याचा कौल कुणाला, ते यातून स्पष्ट होणार आहे. राजस्थान विधानसभा : कुठल्या पक्षाला किती जागा?

• काँग्रेस – 130
• भाजप – 57
• इतर – 13

राजस्थान विधानसभा : कुणाला किती टक्के मतं?

• काँग्रेस – 57 टक्के
• भाजप – 37 टक्के
• इतर – 12 टक्के

राजस्थान विधानसभा : मुख्यमंत्रीपदासाठी कुणाला किती पसंती?

• अशोक गहलोत – 41 टक्के
• सचिन पायलट – 18 टक्के

एबीपी न्यूज आणि सी व्होटरच्या ओपिनियन पोलनुसार, राजस्थानात सत्तांतर होण्याची शक्यता आहे. राजस्थानमध्ये सध्या भाजपचं सरकार आहे. मात्र या ओपिनियन पोलनुसार आगामी विधानसभा निवडणुकीत काँग्रेस बाजी मारणार असल्याचे दिसत आहे. केवळ बाजी नव्हे, तर काँग्रेस 130 जागांवर विजयी होत बहुमतात सरकार स्थापन करणार असल्याचे या ओपिनियन पोलनुसार अंदाज वर्तवला जातो आहे. राजस्थानात लोकसभेला कुणाला किती टक्के मतं?

• भाजप – 47 टक्के
• काँग्रेस – 43 टक्के
• इतर – 10 टक्के

पंतप्रधान पदासाठी राजस्थानवासियांची कुणाला पसंती?

• नरेंद्र मोदी – 55 टक्के
• राहुल गांधी – 22 टक्के

लोकसभेसाठी राजस्थानात मात्र भाजपला पसंती असल्याचे सर्वेक्षणातून दिसते आहे. पंतप्रधानपदासाठी मात्र नरेंद्र मोदी यांनाच पसंती दिली जातेय. विधानसभा निवडणुकीत राजस्थानात काँग्रेसला बहुमत मिळण्याची शक्यता निर्माण झाली असताना, लोकसभा निवडणुकीत मात्र जनतेचा कौल भाजपच्या बाजूने असल्याचे दिसते आहे. राजस्थानमधील राजकीय स्थिती राजस्थानमध्ये विधानसभेच्या 200 आणि लोकसभेच्या 25 जागा आहेत. 2013 च्या विधानसभा निवडणुकीत भाजपला 120 आणि काँग्रेसला 56 जागा मिळाल्या होत्या. 2014 साली पार पडलेल्या लोकसभा निवडणुकीत भाजपने सर्व 25 जागांवर विजय मिळवला होता. सर्वेक्षण कसं झालं? या सर्वेक्षणाअंतर्गत राजस्थान, मध्य प्रदेश आणि छत्तीसगड या तीन राज्यांमधील 27 हजार 968 लोकांशी बातचित केली गेली. तीन राज्यांच्या सर्व 65 लोकसभा जागांवर एक जून ते 10 ऑगस्ट या दरम्यान सर्वेक्षण करण्यात आले.