Rahul Gandhi on PM Modi : मोदींकडून मॅचफिक्सिंग, भर निवडणुकीत दोन सीएम जेलमध्ये टाकले, काँग्रेसची खाती गोठवली; राहुल गांधींचा गंभीर आरोप
ईव्हीएम मॅनेज केल्याशिवाय, मॅच फिक्सिंगशिवाय, मीडिया आणि सोशल मीडिया विकत घेतल्याशिवाय 180 सुद्धा पार करणार नाही, अशा शब्दात काँग्रेस नेते राहुल गांधी यांनी पीएम मोदींवर घणाघाती हल्ला चढवला.
INDIA Alliance Mega Rally : भाजपने 400 पार करण्याचा नारा दिला आहे, परंतु ईव्हीएम मॅनेज केल्याशिवाय, मॅच फिक्सिंगशिवाय, मीडिया आणि सोशल मीडिया विकत घेतल्याशिवाय 180 सुद्धा पार करणार नाही, अशा शब्दात काँग्रेस नेते राहुल गांधी यांनी पीएम मोदींवर घणाघाती हल्ला चढवला. ते म्हणाले की, काँग्रेस पक्षाची सर्व बँक खाती बंद करण्यात आली आहेत. नेत्यांना धमक्या दिल्या जात आहेत. पैसे देऊन सरकार पाडले जात आहे. नेत्यांना तुरुंगात टाकले जात आहे. पीएम मोदी आणि देशातील तीन-चार अब्जाधीश मिळून मॅक्स फिक्स करत आहेत.
नरेंद्र मोदी चाहते हैं कि विपक्ष चुनाव न लड़ पाए.
— Congress (@INCIndia) March 31, 2024
इसलिए 👇
• इलेक्शन कमीशन में अपने लोग बिठाए
• दो मुख्यमंत्री को जेल में डाला
• कांग्रेस के बैंक अकाउंट बंद कर दिए
• न्यायपालिका पर दबाव डाल रहे हैं
ये सब इसलिए कि मैच फिक्स हो, संविधान रद्द किया जाए और नरेंद्र मोदी सत्ता… pic.twitter.com/kLiBK2xtzu
तर मॅच फिक्सिंग यशस्वी होईल
काँग्रेस नेते राहुल गांधी म्हणाले की, सध्या आयपीएलचे सामने सुरू आहेत. अप्रामाणिकपणे अंपायरवर दबाव टाकून, खेळाडू विकत घेऊन, कर्णधाराला धमकावून सामना जिंकला जातो, त्याला क्रिकेटमध्ये मॅच फिक्सिंग म्हणतात. देशात लोकसभा निवडणुका होणार आहेत. अशा परिस्थितीत पंतप्रधान नरेंद्र मोदी यांनी पंच कोणाची निवड केली. सामना सुरू होण्यापूर्वी आमच्या संघातील दोन खेळाडूंना अटक करून आत टाकण्यात आले. पीएम मोदी या निवडणुकीत मॅच फिक्सिंग करत आहेत. जनतेने पूर्ण ताकदीनिशी मतदान केले नाही तर मॅच फिक्सिंग यशस्वी होईल, असे ते म्हणाले. मॅच फिक्सिंग झाले तर संविधान संपेल. ही निवडणूक काही सामान्य निवडणूक नाही. ही निवडणूक देश, राज्यघटना आणि गरीब आणि शेतकऱ्यांचे हक्क वाचवणारी आहे.
#WATCH | Delhi: Addressing the INDIA alliance rally in Ramlila Maidan, Congress MP Rahul Gandhi says, "... If BJP wins these fixed elections, and changes the Constitution, the country will be on fire. Remember this." pic.twitter.com/1H85bUdBMN
— ANI (@ANI) March 31, 2024
त्या दिवशी देश टिकणार नाही
हा लढा संविधान वाचवण्यासाठी असल्याचे राहुल गांधी म्हणाले. संविधान गेले तर गरिबांचे आरक्षण आणि पैसा जाणार. नोटाबंदी-जीएसटीचा फायदा कोणत्या गरीबांना झाला? बेरोजगारी 40 वर्षांतील सर्वाधिक आहे. त्यांना संविधान पुसून टाकायचे आहे कारण त्यांचा उद्देश जनतेचा पैसा हिसकावणे आहे. जातीय जनगणना, बेरोजगारी आणि शेतकऱ्यांना एमएसपी हे देशातील सर्वात मोठे प्रश्न आहेत.
गरीब जनतेच्या हातून देशाची राज्यघटना हिसकावून घेण्यासाठी मॅच फिक्सिंग केली जात आहे, असे काँग्रेस नेते राहुल गांधी म्हणाले. ज्या दिवशी राज्यघटना संपेल, त्या दिवशी देश टिकणार नाही. संविधान हा देशातील जनतेचा आवाज आहे. ज्या दिवशी राज्यघटना संपेल त्या दिवशी स्वतंत्र राज्ये होतील. हे भाजपचे उद्दिष्ट आहे. संविधानाशिवाय एजन्सींच्या माध्यमातून धाक दाखवून देश चालवता येतो. मीडियाचा आवाज विकत घेऊन तुम्ही शांत करू शकत असले तरी जनतेचा आवाज दाबता येत नाही, असा इशारा त्यांनी दिला.
इतर महत्वाच्या बातम्या
महत्त्वाच्या बातम्या
