आणखी एक सैराट! लेकीनं लव्ह मॅरेज करताच अवघ्या 24 तासांमध्ये निर्दयी बाप अन् भावानं गळा दाबत मृतदेहाची सुद्धा लागलीच विल्हेवाट लावली
Father and Son Strangled Daughter : लग्नाची माहिती मिळताच आरोपी भानू राठोड आणि त्याचा मुलगा हिमांशू राठोड यांनी 12 मार्च रोजी सकाळी नेहाला पकडून तिची हत्या करून अंत्यसंस्कार केले.
Father and Son Strangled Daughter : मुलीनं दुसऱ्या जातीमधील मुलाशी प्रेमविवाह केल्यानंतर संतापलेल्या बाप आणि मुलानं अक्षता पडल्यानंतर अवघ्या 24 तासांच्या गळा दाबून मृतदेह सुद्धा जाळून टाकला. त्यामुळे आणखी एक सैराट प्रकरण समोर आलं आहे. इंडिया टुडेच्या वृत्तानुसार, मुलीची हत्या केल्यानंतर दोघांनी तिच्या मृतदेहावर अंत्यसंस्कार करून पुरावे नष्ट करण्याचा प्रयत्न केला. मात्र, ते पकडले गेले. मारेकरी बाप लेकाला अटक करण्यात आली आहे. पोलिसांनी दिलेल्या माहितीनुसार, पीडित नेहा राठोडचे दुसऱ्या जातीतील तरुणासोबत प्रेमसंबंध असल्याने पिता-पुत्र खूश नव्हते. उत्तर प्रदेशातील ग्रेटर नोएडामध्ये ही घटना घडली. बुधवारी पिता-पुत्राने ऑनर किलिंगच्या प्रकरणात हत्या केल्याचा आरोप आहे.
दुसऱ्या जातीतील मुलाशी प्रेमसंबंध असल्याने त्रास झाला
डीसीपी नोएडा सेंट्रल शक्ती मोहन अवस्थी यांनी सांगितले की, 23 वर्षीय नेहा राठौरचे उत्तर प्रदेशातील (Father and Son Strangled Daughter) हापूर येथील रहिवासी असलेल्या सूरजसोबत प्रेमसंबंध होते आणि तिच्या कुटुंबीयांचा त्यावर तीव्र आक्षेप होता. नेहाच्या कुटुंबीयांनी तिला सूरजला भेटण्यापासून अनेक वेळा रोखले होते, परंतु तरीही तिने गाझियाबादच्या आर्य समाज मंदिरात 11 मार्च रोजी सूरजशी लग्न केले. लग्नाची माहिती मिळताच आरोपी भानू राठोड आणि त्याचा मुलगा हिमांशू राठोड यांनी 12 मार्च रोजी सकाळी नेहाला पकडून तिची हत्या करून अंत्यसंस्कार केले.
ऑनर किलिंग : ग्रेटर नोएडा की नेहा राठौर ने 11 मार्च को बॉयफ्रेंड सूरज सिंह के साथ गाजियाबाद के मंदिर में शादी कर ली। 24 घंटे बाद ही पिता भानु राठौर और भाई हिमांशु ने नेहा की हत्या करके लाश जला दी। पिता–पुत्र गिरफ्तार हैं। pic.twitter.com/061lXJYmgW
— Sachin Gupta (@SachinGuptaUP) March 13, 2025
माहिती मिळताच पोलिसांनी घटनास्थळ गाठून तपास सुरू केला. पोलिस फिल्ड युनिटने घटनास्थळाची पाहणी केली आणि सीसीटीव्ही फुटेजचेही विश्लेषण केले. तसेच इतर पुरावे गोळा केले. याप्रकरणी पुढील तपास सुरू असल्याचे पोलिसांनी सांगितले.
नुकतेच उत्तर प्रदेशातील गाझियाबाद येथून असेच एक प्रकरण समोर आले होते. येथे चुलत भाऊ असलेल्या जोडप्याने त्यांच्या अपार्टमेंटमध्ये गळफास लावून आत्महत्या केली होती. दोघेही मूळचे फारुखाबादचे रहिवासी होते. दोघांनीही घरच्यांच्या संमतीशिवाय प्रेमविवाह केला आणि गाझियाबादला पळून जाऊन भाड्याच्या घरात राहू लागले. त्यांच्या कुटुंबीयांकडून सतत जीवे मारण्याच्या धमक्याही येत होत्या.
महत्त्वाच्या बातम्या
