जनता महागाईने त्रस्त, सरकार जाहिरातीवरील खर्चात व्यस्त; प्रियांका गांधींचा हल्लाबोल

Priyanka Gandhi : केंद्र सरकारविरोधात काँग्रेस सरकारने जयपूर येथे महागाईविरोधी सभा घेतली. या सभेत प्रियांका गांधी यांनी केंद्र सरकारवर हल्ला बोल केला.

जनता महागाईने त्रस्त, सरकार जाहिरातीवरील खर्चात व्यस्त; प्रियांका गांधींचा हल्लाबोल

Priyanka Gandhi Congress Rally in Jaipur:  काँग्रेस महासचिव प्रियांका गांधी-वाड्रा यांनी भाजपच्या नेतृत्वातील केंद्र सरकारवर जोरदार हल्लाबोल केला. देशातील जनता महागाईने त्रस्त आहे. तर, दुसरीकडे केंद्र सरकार जाहिरातींवर खर्च करण्यात व्यस्त असल्याची टीका प्रियांका यांनी केली. जयपूरमध्ये आज काँग्रेसच्यावतीने केंद्र सरकारच्या धोरणांविरोधात, वाढत्या महागाईविरोधात 'महागाई हटाओ' रॅलीचे आयोजन केले होते. यावेळी भाषणात प्रियांका यांनी केंद्र सरकार हे निवडक उद्योगपतींसाठी काम करत असल्याचा आरोप केला. 

काँग्रेसच्या रॅलीत मोठ्या प्रमाणावर गर्दी झाली होती. प्रियांका गांधी यांनी म्हटले की, स्वयंपाकाचा गॅस एक हजार रुपये, खाद्य तेल 200 रुपयांपेक्षा अधिक दरावर मिळलत आहे. पेट्रोल-डिझेलचे दर गगनाला भिडत आहे. सर्वसामान्य जनता महागाईने त्रस्त आहे. एक सरकार असते ज्यांना लोकांचे भले करायचे असते. तर, दुसरे सरकार असते ज्यांचा उद्देश्य भ्रष्टाचार आणि जनतेची लूट करण्याचा असतो. 

प्रियांका गांधी-वाड्रा यांनी सरकारच्या धोरणावर जोरदार हल्लाबोल करताना म्हटले की, केंद्र सरकार एकाच उद्योगपतींसाठी काम करत आहे. या सरकारमधील मंत्र्याच्या मुलाने गाडीखाली शेतकऱ्यांना चिरडले. त्यांच्या कुटुंबीयांना सरकारकडून न्यायाची अपेक्षा नाही. ते मंत्री अजूनही मंत्रिपदावर आहेत. उत्तर प्रदेश सरकार जाहिरातींवर कोट्यवधी खर्च करत आहे. मात्र, शेतकऱ्यांना खत पुरवठा करू शकत नाही. केंद्रातील सरकार असत्य, लोभी आणि लूट करणारी सरकार असल्याचा आरोप प्रियांका यांनी केला. 

मोदींनी सात वर्षांच्या कामाचा हिशोब द्यावा

प्रियांका म्हणाल्या, "सरकार जाहिरातींवर हजारो कोटी रुपये खर्च करत आहे, पण शेतकऱ्यांना खते मिळत नाहीत. केंद्रात जे सरकार आहे ते तुमच्यासाठी काम करत नाही. हे सरकार काही लोकांसाठीच काम करत आहे. मोदी 70 वर्षांची चर्चा करतात, त्यांनी आपल्या 7 वर्षांचा हिशोब द्यावा. पंतप्रधान जगभर फिरतात, पण शेतकऱ्यांना भेटण्यासाठी दहा किलोमीटर जाऊ शकत नाही, अशी घणाघाती टीकाही प्रियांका यांनी केली. 

इतर महत्त्वाच्या बातम्या:

 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha