Petrol Diesel Price : कच्च्या तेलात पुन्हा घसरण; देशासह राज्यातील पेट्रोल-डिझेलच्या किमती काय?
Petrol-Diesel Price Today : आंतराष्ट्रीय बाजारात कच्च्या तेलाच्या दरात घसरण झाली आहे. तर, दुसरीकडे देशातील तेल कंपन्यांनी आजचे इंधन दर जाहीर केले आहेत
Petrol-Diesel Price Today 14 September 2022 : अमेरिकेतील (America) महागाईचे आकडे समोर आले असून जगातील सर्वात मोठ्या अर्थव्यवस्थेत महागाई अपेक्षेपेक्षा जास्त वेगानं वाढत आहे. त्यामुळे मागणीवर परिणाम होण्याची शक्यता आहे. अशातच बुधवारी आंतरराष्ट्रीय स्तरावर कच्च्या तेलाच्या (Crude Oil) किमतीत थोडीशी घसरण झाली. यापूर्वी मंगळवारीही कच्च्या तेलाच्या किंमतीत घट पाहायला मिळाली होती. कच्चं तेल सध्या फेब्रुवारीनंतरच्या सर्वात निचांकी पातळीवर पोहोचलं आहे. असं असलं तरी देशात मात्र गेल्या पाच महिन्यांपासून पेट्रोल आणि डिझेलच्या दरांत (Petrol Diesel Price) कोणताही बदल झालेला नाही. एप्रिलपासून ऑईल मार्केटिंग कंपन्यांनी यात बदल केलेला नाही. आंतरराष्ट्रीय स्तरावर कच्च्या तेलाची किंमत प्रति बॅरल 90 डॉलरपर्यंत खाली आली आहे. परंतु ऑईल मार्केटिंग कंपन्यांचं म्हणणं आहे की, कच्च्या तेलाच्या किमती घसरल्यानंतरही त्यांना डिझेलवर तोटा सहन करावा लागत आहे. याचं कारण पेट्रोलपेक्षा डिझेलची निर्मीती (Petrol-Diesel Price Today) करणं महाग आहे. भारत आपल्या गरजेच्या 85 टक्के तेल आयात करतो.
आजचे दर काय?
इंडियन ऑइल कॉर्पोरेशन (IOCL) च्या अधिकृत वेबसाइट iocl.com नं जारी केलेल्या दरांनुसार, आज देशातील पेट्रोल-डिझेलच्या किमतींमध्ये कोणतीही वाढ अथवा घट केलेली नाही. नव्या पेट्रोल-डिझेलच्या दरांनुसार, आजही देशातील पेट्रोल-डिझेलच्या किमती स्थिर आहेत. देशाची आर्थिक राजधानी असणाऱ्या मुंबईत पेट्रोल 106.31 रुपये प्रति लिटर आणि डिझेल 94.27 रुपये प्रति लिटर दरानं विकलं जात आहे. तर देशातील राजधानीचं शहर असणाऱ्या दिल्लीत पेट्रोल 96.72 रुपये प्रति लिटर आणि डिझेल 89.62 रुपये प्रति लिटर असा दर आहे.
राज्यातील प्रमुख शहरातील दर काय?
राज्याची उपराजधानी नागपूरमध्ये पेट्रोलचा दर 106.04 रुपये प्रति लिटर असून डिझेलचा दर 92.59 रुपये इतका आहे. पुण्यात पेट्रोलचा दर 105.84 रुपये आणि डिझेलचा दर 92.36 रुपये प्रति लिटर इतका आहे. कोल्हापूरमध्ये पेट्रोलचा दर 106.47 रुपये प्रति लिटर आणि डिझेलचा दर 93.01 रुपये प्रति लिटर इतका आहे. औरंगाबादमध्ये पेट्रोलचा दर 108 रुपये आणि डिझेलचा दर 95.96 प्रति लिटर इतका आहे. परभणीत पेट्रोलचा दर 109.41 रुपये आणि डिझेलचा दर 95.81 रुपये प्रति लिटर आहे.
पेट्रोल आणि डिझेलचे दर (Petrol Diesel Price ) कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता. इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील. पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
महत्त्वाच्या बातम्या
ट्रेंडिंग न्यूज
