Petrol Diesel Price : कच्च्या तेलाच्या किमती पुन्हा वाढल्या, देशात पेट्रोल-डिझेलच्या दरांवर परिणाम होणार?
Petrol Diesel Price in Mumbai Today 24 June 2022 :
Petrol Diesel Price in Mumbai Today 24 June 2022 : सरकारी तेल कंपन्यांनी पेट्रोल-डिझेलचे (Petrol Diesel Price) आजचे नवे दर जाहीर केले आहेत. आज म्हणजेच, 24 जून शुक्रवारी पेट्रोल (Petrol Price) आणि डिझेलच्या नव्या दरांमध्ये कोणताही बदल करण्यात आलेला नाही. आंतरराष्ट्रीय बाजारात क्रूडच्या किमती पुन्हा एकदा वाढू लागल्या आहेत. असं असलं तरीही सरकारी तेल कंपन्यांकडून पेट्रोल-डिझेलच्या किमतींमध्ये (Diesel Price) कोणतीही वाढ, अथवा घट करण्यात आलेली नाही.
आंतरराष्ट्रीय बाजारात कच्च्या तेलाच्या किमतींमध्ये सातत्यानं चढ उतार सुरु असल्याचं पाहायला मिळत आहे. अशातच आज, आंतरराष्ट्रीय बाजारात ब्रेंट क्रूडची किंमत प्रति बॅरल 110.7 डॉलरवर पोहोचली आहे, तर यूएस क्रूड WTI प्रति बॅरल 105 डॉलरपेक्षा जास्त किंमतीला विकत आहे. कच्च्या तेलाची किंमत एका दिवसापूर्वीच्या किंमतीपेक्षा सुमारे 1 डॉलरनं महाग झाली आहे. मात्र, आज सकाळी जाहीर झालेल्या पेट्रोल आणि डिझेलच्या दरांत सरकारी तेल कंपन्यांनी कोणताही बदल केलेला नाही.
देशातील महानगरांतील दर
देशाची आर्थिक राजधानी असलेल्या मुंबईत देखील पेट्रोल आणि डिझेलचे नवीन दर जाहीर करण्यात आले आहेत. देशाची आर्थिक राजधानी असणाऱ्या मुंबईत पेट्रोलचा दर 111.35 रुपये तर डिझेलचा दर 97.28 रुपये प्रतिलिटर आहे. तर देशाच्या राजधानीचं शहर असणाऱ्या दिल्लीतही पेट्रोल-डिझेलचे दर स्थिर आहेत. राजधानी असलेल्या दिल्लीत 1 लिटर पेट्रोलची किंमत 96.72 रुपये आणि 1 लिटर डिझेलची किंमत 89.62 रुपये आहे. कोलकात्यात पेट्रोलची किंमत 106.03 रुपये आहे तर डिझेलची किंमत 92.76 रुपये प्रति लीटर आहे. त्याच वेळी, चेन्नईमध्येही पेट्रोल 102.63 रुपये प्रति लिटर आणि डिझेल 94.24 रुपये प्रति लिटर आहे.
महाराष्ट्रातील महत्त्वाच्या शहरांतील दर काय?
महाराष्ट्रातील मुंबई शहरात गुरुवारी पेट्रोलचा दर 111.35 रुपये प्रति लिटर आणि डिझेलचा दर 97.28 रुपये प्रति लिटर आहे. तसेच, बृहन्मुंबईमध्ये, पेट्रोलचा दर प्रति लिटर 111.53 रुपये आणि डिझेलचा दर 97.45 रुपये प्रति लिटर आहे. आज पुण्यात पेट्रोलचा दर प्रति लिटर 111.93 रुपये तर डिझेलचा दर 96.38 रुपये प्रति लिटर आहे. नाशिकमध्ये पेट्रोलचा दर प्रतिलिटर 111.25 रुपये तर डिझेलचा दर 95.73 रुपये प्रति लिटर आहे. नागपुरात पेट्रोलचा दर प्रति लिटर 111.41 रुपये तर डिझेलचा दर 95.92 रुपये प्रति लिटर आहे. कोल्हापुरात पेट्रोलचा दर प्रति लिटर 111.02 रुपये तर डिझेलचा दर 95.54 रुपये प्रति लिटर आहे.
पेट्रोल आणि डिझेलचे दर (Petrol Diesel Price ) कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
महत्त्वाच्या बातम्या
