Petrol Diesel : आजही पेट्रोल-डिझेलच्या किंमती वाढल्या, डिझेलची शंभरीकडे वाटचाल सुरु
Petrol Diesel : पश्चिम बंगाल विधानसभेच्या निवडणुकीचा निकाल लागल्यानंतर आतापर्यंत 31 व्या वेळेस पेट्रोल-डिझेलची किंमत वाढली आहे.
मुंबई : देशातील पेट्रोल-डिझेलच्या वाढत्या किंमती थांबायचं काही नाव घेत नाहीत. आज सलग दुसऱ्या दिवशी देशातील पेट्रोल आणि डिझेलच्या किंमती वाढल्याचं दिसून आलं आहे. मुंबईत आज पेट्रोलची किंमत 34 पैशांनी वाढली आहे तर डिझेलची किंमत 26 पैशांनी वाढली आहे. मुंबईमध्ये आज पेट्रोलचा दर हा 104.56 रुपये असून डिझेलचा दर हा 96.42 रुपये इतका आहे. दिल्लीमध्ये पेट्रोल 35 पैसे तर डिझेल 24 पैशांनी महाग झालं आहे.
गेल्या महिन्यात पश्चिम बंगाल विधानसभेच्या निवडणुकीचा निकाल लागला आणि पेट्रोल-डिझेलच्या किंमती वाढायला सुरुवात झाली. 4 मेपासून आजपर्यंत पेट्रोल-डिझेलच्या किंमतीत 31 व्या वेळेस वाढ झाली आहे.
देशातील प्रमुख शहरांतील पेट्रोल-डिझेलच्या किंमती
शहर पेट्रोल डिझेल
मुंबई 104.56 96.42
दिल्ली 98.46 88.90
चेन्नई 99.49 93.46
कोलकाता 98.30 91.75
शहरांचा विचार करता, भोपाळमध्ये देशातील सर्वाधिक दराने पेट्रोलची विक्री होते. भोपाळमध्ये पेट्रोलचा दर हा 106.71 रुपये असून डिझेलचा दर हा 97.63 रुपये इतका आहे. महत्वाचं म्हणजे आंतरराष्ट्रीय स्तरावर कच्चा तेलाच्या किंमतीत घट होत असताना भारतात मात्र इंधनाच्या दरात वाढ होत आहे.
देशात 15 जून 2017 पासून इंधनाचे दर रोज बदलण्यास सुरुवात झाली. पेट्रोल आणि डिझेलच्या किंमती आता भारतातील तेल कंपन्या ठरवतात. आंतरराष्ट्रीय स्तरावर प्रत्येक क्षणाला तेलाच्या किंमती बदलत असतात. त्यामुळे देशात आता पेट्रोल आणि डिझेलच्या किंमती दर दिवशी सकाळी सहा वाजता बदलतात.
पेट्रोल आणि डिझेलचे दर कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर सोप्या पद्धतीने पाहता येतील.
पेट्रोल आणि डिझेलच्या किंमती एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
महत्वाच्या बातम्या :
महत्त्वाच्या बातम्या
ट्रेंडिंग न्यूज
