Petrol and Diesel Price: तेल कंपन्यांकडून आजही सर्वसामान्यांना दिलासा; देशात पेट्रोल-डिझेलचे दर 'जैसे थे'
Petrol and Diesel Price: देशातील सरकारी तेल कंपन्या दररोज सकाळी 6 वाजता पेट्रोल आणि डिझेलचे दर जाहीर करतात. आंतरराष्ट्रीय बाजारातील कच्च्या तेलाच्या किमतीच्या आधारे या किमती निश्चित केल्या जातात.
Petrol and Diesel Price Today: आज 7 फेब्रुवारी असून आजही पेट्रोल आणि डिझेलच्या दरांबाबत (Petrol and Diesel Price) सर्वसामान्यांसाठी आनंदाची बातमी आहे. भारतीय तेल कंपन्यांनी मंगळवार, 7 फेब्रुवारी 2023 साठी पेट्रोल (Petrol) आणि डिझेलच्या (Diesel Price) नव्या किंमती जाहीर केल्या आहेत, ज्यामध्ये कोणतीही वाढ झालेली नाही. अशाप्रकारे आज सलग 259वा दिवस असून देशात पेट्रोल आणि डिझेलच्या दरांत कोणताही बदल झालेला नाही.
केरळ आणि पंजाबमध्ये पेट्रोल-डिझेल महाग झालं आहे. केरळ सरकारनं पेट्रोल, डिझेल आणि दारूवर सोशल सिक्योरिटी टॅक्स लागू करण्याचा प्रस्ताव ठेवला आहे. दुसरीकडे, पंजाब सरकारनं पेट्रोल आणि डिझेलवर प्रति लिटर 90 पैसे सेस लावला आहे. यानंतर केरळ आणि पंजाबमध्ये राज्यात पेट्रोल आणि डिझेलच्या दरांत वाढ होणार आहे. मात्र महाराष्ट्रातील दरात कोणताही बदल झालेला नाही.
पेट्रोल आणि डिझेलचे दर दररोज सकाळी 6 वाजता अपडेट केले जातात. देशातील तेल विपणन कंपन्या पेट्रोल आणि डिझेलच्या किमती अपडेट करतात आणि त्यानंतर लोकांना पेट्रोल आणि डिझेलच्या नव्या किंमतींची माहिती मिळते. पेट्रोल आणि डिझेलच्या किमतींत एक्साईज ड्युटी, डीलर कमिशन, व्हॅट आणि इतर गोष्टी जोडल्यानंतर त्याची किंमत मूळ किंमतीपेक्षा जवळपास दुप्पट होते. त्यामुळेच, पेट्रोल-डिझेल सर्वसामान्यांपर्यंत पोहोचेपर्यंत त्याचे दर मूळ किमतींपेक्षा अधिक होतात.
Petrol Diesel Price Today : राज्यात कोणत्या शहरात किती दर?
- नागपूर : पेट्रोल 106.04 रुपये प्रति लिटर, डिझेल 92.59 रुपये प्रति लिटर
- पुणे : पेट्रोल105.84 रुपये प्रति लिटर, डिझेल 92.36 रुपये प्रति लिटर
- कोल्हापूर : पेट्रोल 106.47 रुपये प्रति लिटर, डिझेल 93.01 रुपये प्रति लिटर
- औरंगाबाद : पेट्रोल 108 रुपये, डिझेल 95.96 रुपये प्रति लिटर
- परभणी : 109.45 रुपये प्रति लिटर, डिझेल 95.81 रुपये प्रति लिटर
- नाशिक : पेट्रोल 106.77 रुपये प्रति लिटर, डिझेल 93.27 रुपये प्रति लिटर
Petrol Diesel Price Today : देशांतील मोठ्या शहरांतील पेट्रोल-डिझेलचे दर
| देशातील महानगरं | पेट्रोल (प्रति लिटर) | डिझेल (प्रति लिटर) |
| दिल्ली | 96.72 रुपये | 89.62 रुपये |
| मुंबई | 106.31 रुपये | 94.27 रुपये |
| कोलकाता | 106.03 रुपये | 92.76 रुपये |
| चेन्नई | 102.63 रुपये | 94.24 रुपये |
Petrol Diesel Price Today : तुमच्या शहरातील पेट्रोल आणि डिझेलची किंमत एसएमएसद्वारे तपासा
राज्यस्तरीय करांमुळे पेट्रोल आणि डिझेलचे दर राज्यानुसार बदलतात. तुमच्या शहरातील पेट्रोल आणि डिझेलचे दर तुम्हाला एसएमएसद्वारे दररोज कळू शकतात. यासाठी इंडियन ऑइलच्या (IOCL) ग्राहकांना RSP कोड 9224992249 या क्रमांकावर पाठवावा लागेल.
पेट्रोल-डिझेलच्या किमती एका क्लिकवर जाणून घ्या
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर पाहता येऊ शकतात. इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) पाहता येतील.
महत्त्वाच्या बातम्या
ट्रेंडिंग न्यूज
