8 October In History : भारतीय वायु सेना दिवस, 8 ऑक्टोबर आहे 'या' घटनांचा साक्षीदार
On This Day In History : भारतीय वायु सेनेची स्थापनवा 8 ऑक्टोबर 1932 रोजी ब्रिटिशांनी रॉयल भारतीय हवाईदल म्हणून केली. (Air Force Day )
मुंबई : 8 ऑक्टोबर हा दिवस इतिहासात अनेक महत्त्वाच्या घटनांचा साक्षीदार आहे. आजच्याच दिवशी भारतीय वायु सेनेची ब्रिटिशांनी रॉयल भारतीय हवाईदल म्हणून स्थापना केली. भारतीय वायु सेना दल हे जगातील सर्वात शक्तीशाली हवाई दलाच्या यादीमध्ये चौथ्या स्थानी आहे. भारतीय हवाई दलाच्या ताकदीमुळे आज कोणताही देश भारताकडे वाकड्या नजरेने पाहण्याचे धाडस करत नाही. अमेरिका, रशिया आणि चीन पाठोपाठ भारताचे हवाई दल जगात सर्वात मोठे आहे. प्रत्येक भारतीयाला याचा अभिमान आहे. याच हवाई दलाची स्थापना 8 ऑक्टोबर 1932 रोजी ब्रिटिशांनी रॉयल भारतीय हवाईदल म्हणून केली होती. स्वातंत्र्यानंतर त्याची ओळख भारतीय भारतीय वायुसेना म्हणून झाली. 1932 पासून दरवर्षी 8 ऑक्टोबर हा दिवस ‘भारतीय वायु सेना दिवस’ (Air Force Day )म्हणून साजरा होतो. आजच्या दिवशी म्हणजेच 8 ऑक्टोबर 2005 रोजी उत्तर पाकिस्तानच्या खैबर-पख्तुनख्वा प्रांतासह भारताच्या जम्मू आणि काश्मीरमध्ये भूकंप झाला होता. यात जवळपास 87 हजार लोकांचा मृत्यू झाला होता.
2014 : थॉमस एरिक डंकन - इबोलाचे निदान झालेल्या अमेरिकेमधील पहिल्या व्यक्तीचे निधन झाले.
अमेरिकेतील पहिला इबोला रुग्ण म्हणून ओळखले जाणारे थॉमस एरिक यांचा मृत्यू झाला. थॉमस डंकनचा 8 ऑक्टोबर 2014 रोजी सकाळी हृदयविकाराच्या झटक्याने मृत्यू झाला. डंकन 20 सप्टेंबर 2014 रोजी लायबेरियाहून टेक्सासला येत असताना इबोला विषाणूची लागण झाली. त्यानंतर त्याला उपचारासाठी अमेरिकेतील डॅलस रुग्णालयात दाखल करण्यात आले. परंतु, उपचार सुरू असताना त्याचे निधन झाले.
2005 : काश्मीर भूकंप
8 ऑक्टोबर 2005 रोजी उत्तर पाकिस्तानच्या खैबर-पख्तुनख्वा प्रांतासह भारताच्या जम्मू आणि काश्मीरमध्ये भूकंप झाला होता. भारतीय वेळेनुसार सकाळी नऊ वाजून 20 मिनिटांनी हा भूकंप झाला होता. त्याचा केंद्रबिंदू पाकव्याप्त काश्मीरची राजधानी मुझफ्फराबाद जवळ होता. भारत आणि पाकिस्तानच्या इतर भागांव्यतिरिक्त अफगाणिस्तान, ताजिकिस्तान आणि चीनच्या शिनजियांग प्रांतातही त्याचे धक्के जाणवले. 1935 च्या क्वेटा भूकंपापेक्षा दक्षिण आशियातील हा सर्वात प्राणघातक भूकंप मानला जातो. या भूकंपात तब्बल 87 हजार लोकांचा मृत्यू झाला होता.
1978 : केन वॉर्बी यांनी पाण्यावरील 275.97 नॉट्स वेगाचा जागतिक विक्रम केला
केन वार्बी हे ऑस्ट्रेलियन मोटरबोट रेसर आहे. त्याने 8 ऑक्टोबर 1978 रोजी बेलोज डॅम येथे सेट केलेल्या पाण्याच्या वेगाचा विक्रम केला. 20 नोव्हेंबर 1977 रोजी त्याने 288.60 mph (464.46 km/h) पाण्याच्या वेगाचा नवा जागतिक विक्रम प्रस्थापित केला आणि ली टेलरचा विक्रम 3 mph (4.8 km/h) पेक्षा थोडा अधिक वेगाने मोडला. त्यानंतर 8 ऑक्टोबर 1978 रोजी 317.6 mph (511.1 km/h) सह त्याने एक विक्रम प्रस्थापित केला जो आद्याप कोणी मोडलेला नाही.
1947 : फ्रँकलिन नॅशनल बँक - अमेरिकेतील बँक फसवणूक आणि गैरव्यवस्थापनामुळे कोसळली
न्यूयॉर्क येथील फ्रँकलिन स्क्वेअरमध्ये स्थित एकेकाळी युनायटेड स्टेट्सची 20 वी सर्वात मोठी बँक होती. अमेरिकेतील बँक फसवणूक आणि गैरव्यवस्थापनामुळे 8 ऑक्टोबर 1974 रोजी कोसळली.
1970 : अलेक्झांडर सोलझेनित्सिन यांना साहित्यातील नोबेल पारितोषिक मिळाले.
अलेक्झांडर इसाविच सोल्शनित्सिन यांचा जन्म 11 डिसेंबर 1918 रोजी झाला. सोल्शनित्सिन हे 20 व्या शतकातील रशियन भाषेतील महत्त्वाचे लेखक होते. सोल्शनित्सिनने अनेक कादंबऱ्या, कविता आणि लघुकथा लिहिल्या. त्यांना 1970 चे साहित्यातील नोबेल पारितोषिक मिळाले.
1959 : स्वातंत्र्यवीर सावरकरांचा डी-लिट पदवीने सन्मान
8 ऑक्टोबर 1959 रोजी स्वातंत्र्यवीर सावरकर यांना पुणे विद्यापीठाची सन्माननीय डी लिट पदवी देऊन गौरवण्यात आले.
1932 : भारतीय वायु सेना दिवस
भारतीय वायू सेना दल हे जगातील सर्वात शक्तीशाली हवाई दलाच्या यादीमध्ये चौथ्या स्थानी आहे. भारतीय हवाई दलाच्या ताकदीमुळे आज कोणताही देश भारताकडे वाकड्या नजरेने पाहण्याचे धाडस करत नाही. अमेरिका, रशिया आणि चीनक पाठोपाठ भारताचे हवाई दल जगात सर्वात मोठे आहे. प्रत्येक भारतीयाला याचा अभिमान आहे. याच हवाई दलाची स्थापना 8 ऑक्टोबर 1932 रोजी ब्रिटिशांनी रॉयल भारतीय हवाईदल म्हणून केली होती. स्वातंत्र्यानंतर त्याची ओळख भारतीय हवाईदल म्हणून झाली. 1932 पासून दरवर्षी 8 ऑक्टोबर हा दिवस ‘भारतीय वायु सेना दिवस म्हणून साजरा होतो.
1856 : दुसरे अफू युद्ध : पाश्चात्य शक्ती आणि चीन यांच्यातील बाणाच्या घटनेने सुरू झाले.
1813 : रीडचा करार : बव्हेरिया आणि ऑस्ट्रिया यांच्यात रीडचा करार झाला.
महत्त्वाच्या बातम्या
ट्रेंडिंग न्यूज
