National Youth Day 2023 : देशातील लाखो तरूणांचं प्रेरणास्थान स्वामी विवेकानंद यांची आज जयंती; पंतप्रधान नरेंद्र मोदींकडून राष्ट्रीय युवा महोत्सवाचं उद्घाटन
National Youth Day 2023 : 1984 मध्ये भारत सरकारने हा दिवस राष्ट्रीय युवा दिवस म्हणून घोषित केला.
National Youth Day 2023 : देशात दरवर्षी 12 जानेवारी रोजी राष्ट्रीय युवा दिन (National Youth Day) साजरा केला जातो. स्वामी विवेकानंद (Swami Vivekananda) यांच्या जयंतीनिमित्त हा दिवस साजरा केला जातो. त्याचप्रमाणे, स्वामी विवेकानंद जे आजही देशातील लाखो तरुणांसाठी प्रेरणास्थान आहेत आणि भारतीय इतिहासातील सर्वात प्रभावशाली नेत्यांपैकी एक होते. दरवर्षी विवेकानंद जयंती केंद्र सरकार आणि विविध राज्य सरकार, सामाजिक संस्था आणि रामकृष्ण मिशनचे अनुयायी मोठ्या सन्मानाने साजरी करतात.
1984 मध्ये भारत सरकारने हा दिवस राष्ट्रीय युवा दिवस म्हणून घोषित केला. 1985 पासून दरवर्षी 12 जानेवारी रोजी देश राष्ट्रीय युवा दिन साजरा करत आहे. स्वामी विवेकानंदांची भाषणे, त्यांची शिकवण तरुणांसाठी नेहमीच प्रेरणादायी ठरली आहेत.
राष्ट्रीय युवा दिनाची 2023 थीम (National Youth Day Theme 2023) :
आपल्या प्रतिभावान तरुणांना राष्ट्र उभारणीसाठी प्रेरित करण्यासाठी तसेच राष्ट्रीय आणि आंतरराष्ट्रीय स्तरावर भारतीय संस्कृतीच्या वैश्विक बंधुत्वाचा संदेश देण्यासाठी दरवर्षी राष्ट्रीय युवा महोत्सवाचे आयोजन केले जाते. हे देशाच्या सर्व भागातील विविध संस्कृतींना एका समान व्यासपीठावर एकत्र आणते आणि सहभागींना एक भारत, श्रेष्ठ भारत या भावनेने एकत्र आणते. यंदा हा महोत्सव 12 जानेवारी ते 16 जानेवारी दरम्यान कर्नाटकातील हुबळी-धारवाड येथे "विकसित युवक - विकसित भारत" या विषयावर आयोजित करण्यात आला आहे. हा दिवस देशातील तरुणांसाठी साजरा केला जातो आणि त्यांना विवेकानंदांचे विचार आणि तत्त्वज्ञान स्वीकारण्यास प्रोत्साहित करतो.
राष्ट्रीय युवा महोत्सवाचे पंतप्रधान नरेंद्र मोदींच्या हस्ते उद्घाटन
On the Jayanti of Swami Vivekananda tomorrow, 12th January, I will be in Karnataka to inaugurate the 26th National Youth Festival in Hubballi.
— Narendra Modi (@narendramodi) January 11, 2023
May the ideals of Swami Vivekananda keep guiding our youth and inspire them to work towards nation building. https://t.co/5wqEEvSBOp
पंतप्रधान नरेंद्र मोदी आज कर्नाटकात राष्ट्रीय युवा महोत्सवाचे उद्घाटन करणार आहेत. हा भारताचा 26 वा राष्ट्रीय युवा महोत्सव असेल. दक्षिणेकडील राज्यातील हुबळी जिल्ह्यात पंतप्रधान मोदी यांच्या हस्ते महोत्सवाचे उद्घाटन होणार आहे. याशिवाय देशभरातील शाळा आणि महाविद्यालये निबंध, वादविवाद आणि वक्तृत्व अशा स्पर्धा आयोजित करतात. तर विद्यापीठांमध्ये वैचारिक परिषदा, चर्चासत्रे आदींचे आयोजन करण्यात येणार आहे.
महत्त्वाच्या बातम्या :
महत्त्वाच्या बातम्या
ट्रेंडिंग न्यूज
