Lok Sabha Elections 2024 : पाच राज्यात काँग्रेस आणि आपची समझोता एक्स्प्रेस सुसाट; यूपीमध्ये अखिलेश म्हणाले, भाजपा हटाओ, संकट मिटाओ!
काँग्रेस आणि आम आदमी पार्टीमध्ये एकूण 46 जागांवर जागावाटपावर चर्चा झाली आहे. दुसरीकडे, उत्तर प्रदेशात सपाचे अखिलेश यादव राहुल गांधी यांच्या भारत जोडो न्याय यात्रेत सहभागी झाले.
Lok Sabha Elections 2024 : लोकसभा निवडणूक 2024 च्या तारखांची घोषणा होण्यापूर्वी इंडिया आघाडी देशव्यापी प्रबळ होताना दिसत आहे. उत्तर प्रदेशात समाजवादी पार्टीनंतर काँग्रेसनेही आम आदमी पार्टीसोबत आघाडी केली आहे. दिल्ली आणि चंदीगड व्यतिरिक्त दोन्ही पक्ष इतर तीन राज्यांमध्ये युतीने निवडणूक लढवणार आहेत. काँग्रेस आणि आम आदमी पार्टीमध्ये एकूण 46 जागांवर जागावाटपावर चर्चा झाली आहे. दुसरीकडे, उत्तर प्रदेशात सपाचे अखिलेश यादव राहुल गांधी यांच्या भारत जोडो न्याय यात्रेत सहभागी झाले. यावेळी त्यांनी भाजपा हटाओ, संकट मिटाओ! असा नारा दिला.
आम आदमी पार्टी 46 पैकी सात जागांवर निवडणूक लढवत आहे. अरविंद केजरीवाल यांनी गोवा आणि चंदीगडसाठीही आपला उमेदवार उभा करण्याची तयारी केली होती. मात्र, युतीनंतर त्यांनी आपला निर्णय बदलला आहे. गोव्यातील एका जागेसाठी उमेदवार जाहीर केल्यानंतर आम आदमी पक्षाने दोन्ही जागा काँग्रेसला दिल्या आहेत. दिल्लीतही याआधी आम आदमी पक्षाने सहा जागांवर निवडणूक लढवण्याची चर्चा केली होती, मात्र नंतर केवळ चार जागांवरच तडजोड केली.
दिल्ली
- दिल्लीतील विधानसभेच्या सात जागांपैकी एक अनुसूचित जातीसाठी आहे. त्यापैकी चार आम आदमी पक्षाच्या तर तीन काँग्रेसच्या खात्यात आहेत.
- आम आदमी पार्टी : नवी दिल्ली, दिल्ली पश्चिम, दिल्ली दक्षिण, दिल्ली पूर्व
- काँग्रेस : चांदणी चौक, दिल्ली उत्तर-पूर्व, दिल्ली उत्तर-पश्चिम
गुजरात
- 26 जागांपैकी दोन जागा अनुसूचित जातीसाठी तर चार जागा अनुसूचित जमातीसाठी राखीव आहेत. आम आदमी पक्ष दोन तर काँग्रेस 24 जागांवर निवडणूक लढवणार आहे.
- आम आदमी पार्टी : भरूच, भावनगर
- काँग्रेस : अहमदाबाद पूर्व, अहमदाबाद पश्चिम, अमरेली, आनंद, बनसकंठा, बारडोली, छोटा उदयपूर, दाहोद, गांधीनगर, जामनगर, जुनागढ, कच्छ, महेसाणा, नवसारी, पंचमहाल, पाटण, पोरबंदर, राजकोट, साबरकांठा, सुरत, सुरेंद्रनगर, वडोदरा, वलसाड .
हरियाणा
- 10 पैकी दोन जागा अनुसूचित जातीसाठी राखीव आहेत. काँग्रेस नऊ जागांवर तर आम आदमी पार्टी एका जागेवर लढणार आहे.
- आम आदमी पार्टी : कुरुक्षेत्र
- काँग्रेस : अंबाला, भिवानी-महेंद, फरिदाबाद, गुरुग्राम, हिस्सार, कर्नाल, रोहतक, सिरसा, सोनीपत.
चंदीगड
येथील एकमेव जागेवर काँग्रेस पक्ष निवडणूक लढवणार आहे.
गोवा
काँग्रेस पक्ष लोकसभेच्या दोन्ही जागांवर (गोवा उत्तर आणि दक्षिण गोवा) निवडणूक लढवणार आहे.
आमचा लढा संविधान वाचवा, भाजप हटवा आणि देश वाचवा
दुसरीकडे, काँग्रेस नेते राहुल गांधी यांच्या भारत जोडो न्याय यात्रेत सहभागी होण्यासाठी समाजवादी पक्षाचे राष्ट्रीय अध्यक्ष अखिलेश यादव हेही उत्तर प्रदेशातील आग्रामध्ये पोहोचले. राहुल गांधींच्या दौऱ्यातही अखिलेश यांचा जलवा दिसून आला. सपाचे कार्यकर्तेही मोठ्या संख्येने उपस्थित होते. ते म्हणाले की, राहुल गांधी देशात प्रेमाविषयी बोलतात पण हे शहर पूर्णपणे प्रेमाचे शहर आहे. आमचा लढा संविधान वाचवा, भाजप हटवा आणि देश वाचवा. आमचा लढा तेव्हाच यशस्वी होईल जेव्हा उत्तर प्रदेशात भाजपचा पराभव होईल, लोकशाही वाचवा. यावेळी राहुल गांधींसोबत काँग्रेस सरचिटणीस प्रियांका गांधीही मंचावर उपस्थित होत्या.
यादरम्यान काँग्रेस नेते राहुल गांधी म्हणाले की, गर्दीतून एक मुलगा माझ्याकडे आला आणि म्हणाला की तुम्ही काय करत आहात हे मला माहीत आहे. मी काय करतोय असे विचारल्यावर तो म्हणाला की, द्वेषाच्या बाजारात तुम्ही प्रेमाचे दुकान उघडत आहात. आज देशात द्वेषाचा बाजार उघडा आहे. या देशात गरिबांवर अन्याय होत आहे, म्हणून आम्ही आमच्या प्रवासात अन्याय हा शब्दही जोडला.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
