![metaverse](https://cdn.abplive.com/imagebank/metaverse-top.png)
दिल्लीचे उपमुख्यमंत्री मनीष सिसोदियांची कामगार कार्यालयात 'नायक' स्टाईल एन्ट्री! व्हिडीओ व्हायरल
दिल्लीचे उपमुख्यमंत्री मनीष सिसोदिया यांचा एक व्हिडीओ सध्या सोशल मीडियात प्रचंड व्हायरल होत आहे.
![दिल्लीचे उपमुख्यमंत्री मनीष सिसोदियांची कामगार कार्यालयात 'नायक' स्टाईल एन्ट्री! व्हिडीओ व्हायरल Delhi Deputy CM Manish Sisodia conducted surprise inspection of Pushp Vihar District Labor Office in delhi दिल्लीचे उपमुख्यमंत्री मनीष सिसोदियांची कामगार कार्यालयात 'नायक' स्टाईल एन्ट्री! व्हिडीओ व्हायरल](https://static.abplive.com/wp-content/uploads/sites/4/2020/10/22031852/Sisodia.jpg?impolicy=abp_cdn&imwidth=1200&height=675)
नवी दिल्ली : दिल्लीचे उपमुख्यमंत्री मनीष सिसोदिया अचानक सरकारी कार्यालयांना भेट देऊन कर्मचाऱ्यांना जाब विचारण्यासाठी प्रसिद्ध आहेत. अनिल कपूरच्या 'नायक' चित्रपटासाराखी त्यांची काम करण्याची स्टाईल अनेकांना आवडते. या संदर्भातील त्यांचे अनेक व्हिडीओ सोशल मीडियावर तुफान व्हायरल झाले आहेत. असाच एक व्हिडीओ पुन्हा एकदा व्हायरल झाला आहे.
मंगळवारी उपमुख्यमंत्री मनीष सिसोदिया यांनी पुष्प विहार येथील जिल्हा कामगार कार्यालयाची तपासणी केली. यावेळी अनेक कर्मचारी गैरहजर होते. सिसोदिया यांनी उपसचिवांच्या पदावर नसताना कारणे दाखवा नोटीस बजावण्याच्या सूचना दिल्या. तसेच विभागीय अधिकाऱ्यांना 24 तासांत सर्व प्रश्न सोडविण्याचे निर्देश देण्यात आले. कामगार कार्यालयात आढळलेल्या विविध त्रुटींबाबत नाराजी व्यक्त करताना उपमुख्यमंत्री म्हणाले की यापूर्वी दिलेल्या अनेक सूचनांचे पालन न करणे ही अत्यंत गंभीर बाब आहे.
सरकार कामगारांच्या बाबात कोणताही हलगर्जीपण सहन करणार नाही. मजुरांची नोंदणी करताना त्यांना कोणतीही अडचण न येता त्यांची नोंदणी होईल, अशी योजना आखण्याची सूचनाही उपमुख्यमंत्र्यांनी दिली. ते म्हणाले की दिल्लीत दहा लाख बांधकाम कामगार आहेत. या सर्वांची नोंद करणे आणि सर्वांना कल्याणकारी योजनेचा लाभ देणे आमचे प्राधान्य आहे.
यासाठी मंडळाच्या अधिकाऱ्यांव्यतिरिक्त कामगार विभाग व इतर विभागांचीही मदत घेण्यात येईल. सिसोदिया सकाळी 10.45 वाजता पुष्प विहार येथील कामगार कार्यालयात पोहोचले आणि रांगेत उभे असलेल्या कामगारांशी बोलले. कामगारांनी उपमुख्यमंत्र्यांना सांगितले की ते पहाटे चार वाजता आले आणि रांगेत गुंतले आहेत. यामध्ये नोंदणीसाठी अर्ज, नूतनीकरण व कागदपत्रांची पडताळणी यासारख्या कामासाठी येणार्या मजुरांचा समावेश आहे. याठिकाणी मजुरांकडून दलाल पैसे घेत असल्याचेही त्यांना माहिती मिळाली. यावरुन सिसोदिया यांनी कार्यालयातील उपस्थित कर्मचाऱ्यांना झापले. शिवाय अधिकाऱ्यांकडून स्पष्टीकरण मागवले आहे. त्यांचा हा व्हिडीओ सोशल मीडियावर तुफान व्हायरल झाला आहे.
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)