(Source: ECI / CVoter)
Corona : राजधानीत पुन्हा लॉकडाऊन? वाढत्या कोरोना संसर्गामुळे प्रशासन हायअलर्टवर, दिल्लीत महत्त्वाची बैठक
DDMA Meeting : दिल्लीमध्ये कोरोनाचा संसर्ग सातत्याने वाढत आहे. यासंदर्भात आज दिल्ली आपत्ती व्यवस्थापन प्राधिकरणाची (DDMA) महत्त्वाची बैठक पार पडणार आहे.
Corona in Delhi : देशाची राजधानी दिल्लीत पुन्हा एकदा कोरोनाचा कहर पाहायला मिळत आहे. यामुळे प्रशासन हायअलर्टवर आहे. या पार्श्वभूमीवर आज दिल्ली आपत्ती व्यवस्थापन प्राधिकरणाची (DDMA) महत्त्वाची बैठक पार पडणार आहे. सुत्रांकडून मिळालेल्या माहितीनुसार, या बैठकीत उपराज्यपालाच्या अध्यक्षतेखाली कोरोनाच्या परिस्थितीवर नियंत्रण मिळवण्यासाठीच्या उपाययोजनांवर चर्चा करण्यात येईल. तसेच या बैठकीत पुन्हा मास्क सक्ती लागू करण्याबाबत महत्त्वाचा निर्णय घेतला जाण्याची अपेक्षा आहे. दिल्लीत वाढत्या कोरोना रुग्णांमुळे प्रशासनाची चिंता वाढली आहे.
दिल्लीत पुन्हा मास्क अनिवार्य
एप्रिल महिन्याच्या सुरुवातीला डीडीएमएने मास्क सक्ती आणि 500 रुपयांचा दंडाचा निर्णय मागे घेतल्यानंतर दिल्लीतील जनतेकडून मास्कच्या वापरात लक्षणीय घट झाली आहे. एका वरिष्ठ सरकारी अधिकाऱ्याने दिलेल्या माहितीनुसार, कोरोना संसर्गाची वाढती संख्या पाहता ही परिस्थिती चांगली नाही. बैठकीदरम्यान, दिल्लीत मास्कच्या अनिवार्य वापराच्या कठोर अंमलबजावणीसाठी पुन्हा दंड आकारण्यावर चर्चा होण्याची शक्यता आहे.
ऑनलाइन शिक्षणाबाबत चर्चा होण्याची शक्यता
सूत्रांनी दिलेल्या माहितीनुसार, शाळांमध्येही मुलांना कोरोनाचा संसर्गाचा फटका बसल्यामुळे डीडीएमएच्या बैठकीत ऑफलाइन आणि ऑनलाइन शिक्षण्याच्या पर्यायावरही चर्चा होऊ शकते. विशेष म्हणजे दिल्लीत कोरोनाबाधित मुलांची संख्येत वाढ होत असल्याने पालकांची चिंताही वाढली आहे. दिल्ली सरकारने शाळेत कोणताही विद्यार्थी किंवा शिक्षक कोरोनाबाधित आढळल्यास विशिष्ट वर्ग किंवा शाळा बंद करण्याचे आदेश शालेय प्रशासनाला दिले आहेत.
वाढत्या संसर्गामुळे केंद्राचं राज्यांना पत्र
केंद्रीय आरोग्य सचिव राजेश भूषण यांनी महाराष्ट्र, हरियाणा, दिल्ली, उत्तर प्रदेश आणि मिझोराम या राज्यांना पत्र लिहिलं आहे. ज्यामध्ये सतत वाढणाऱ्या कोरोना सकारात्मकतेच्या दराचा उल्लेख करण्यात आला आहे. कोरोनाच्या वाढत्या संसर्गावर चिंता व्यक्त करत आरोग्य मंत्रालयाने याबाबत आवश्यक पाऊलं उचलण्याचा सल्ला दिला आहे. याशिवाय राज्यांनाही सतर्क राहण्याचा सूचना ही देण्यात आल्या आहेत.
महत्त्वाच्या इतर बातम्या :
- Coronavirus : देशात कोरोनाची चौथी लाट? अनेक राज्यांमध्ये कोरोनाचा संसर्ग वाढता, केंद्राचं राज्यांना पत्र
- Delhi Violence : दिल्लीतील दगडफेक प्रकरणी चौथी FIR दाखल, गोळीबार करणारा आरोपी अटकेत; जाणून घ्या आतापर्यंतचे अपडेट्स
- Amway Money Laundering : अॅमवेवर ईडीची मोठी कारवाई, 757 कोटींची मालमत्ता जप्त; जाणून घ्या प्रकरण
- Amarnath : अमरनाथ यात्रेवर दहशतवादाचं सावट, टीआरएफ संघटनेची धमकी
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha
महत्त्वाच्या बातम्या
ट्रेंडिंग न्यूज
