Coronavirus Cases : देशात कोरोना प्रादुर्भाव आटोक्यात; 24 तासांत 25 हजार 920 नवे कोरोनाबाधित

Coronavirus Cases Today in India : देशात गेल्या 24 तासांत कोरोना व्हायरसच्या 25 हजार 920 नव्या कोरोनाबाधितांची नोंद झाली असून 492 रुग्णांचा मृत्यू झाला आहे.

Coronavirus Cases Today in India

Coronavirus Cases Today in India : देशात सध्या जीवघेण्या कोरोना व्हायरसचा (Coronavirus) प्रादुर्भाव कमी झाल्याचं पाहायला मिळत आहे. देशात गेल्या 24 तासांत कोरोना व्हायरसच्या 25 हजार 920 नव्या कोरोनाबाधितांची नोंद करण्यात आली आहे. तर 492 रुग्णांचा मृत्यू (Covid Deaths) झाला आहे. काल दिवसभरात 30 हजार 757 रुग्णांची नोंद करण्यात आली होती. म्हणजेच, कालच्या तुलनेत आजच्या दैनंदिन आकड्यामध्ये काहीशी घट पाहायला मिळत आहे. देशात काल दिवसभरात 66 हजार 254 रुग्ण कोरोनामुक्त झाले आहेत. जाणून घेऊया देशातील कोरोना रुग्णांची सद्यस्थिती... 

सक्रिय रुग्णसंख्येत घट

केंद्रीय आरोग्यमंत्रालयानं जारी केलेल्या आकडेवारीनुसार, देशात सध्या सक्रिय रुग्णांच्या संख्येत घट होऊन 2 लाख 92 हजार 92 वर पोहोचली आहे. अशातच या महामारीत जीव गमावणाऱ्यांची संख्या वाढून 5 लाख 10 हजार 905 वर पोहोचली आहे. आकडेवारीनुसार, आतापर्यंत 4 कोटी 19 लाख 77 हजार 238 रुग्णांनी कोरोनावर मात केली आहे. 

Koo App

#COVID19 UPDATE: 💠174.64 cr vaccine doses have been administered so far under Nationwide Vaccination Drive 💠India’s Active caseload currently stands at 2,92,092 💠Recovery Rate currently at 98.12% #IndiaFightsCorona

View attached media content

- PIB India (@PIB_India) 18 Feb 2022

राज्यातील कोरोना रुग्णसंख्या स्थिर

राज्यातील  कोरोनाची रुग्णसंख्येत चढ-उतार दिसून येत आहे. गेल्या 24 तासांत राज्यात कोरोनाच्या 2 हजार 797 नव्या रुग्णांची भर पडली आहे. दोन दिवसांपासून रुग्णसंख्या स्थिर असून 40 जणांचा मृत्यू झाला आहे. राज्यात गेल्या 24 तासांत 6 हजार 383  रुग्ण कोरोनामुक्त होऊन घरी परतले आहेत.

राज्यात काल (गुरुवारी) एकही ओमायक्रॉनबाधित नाही

राज्यात काल (गुरुवारी) एकाही ओमायक्रॉनबाधित रुग्णांची नोंद झालेली नाही आतापर्यंत 4456 ओमायक्रॉनबाधितांची नोंद राज्यात  झाली आहे. त्यापैकी 3334 रुग्ण ओमायक्रॉनमुक्त झाले आहे. सध्या राज्यात 1,122 ओमायक्रॉनचे रुग्ण अॅक्टिव्ह आहेत. 

मुंबईत 255 नवे कोरोना रुग्ण आढळले

मुंबई महानगरपालिकेने (Mumbai BMC) दिलेल्या माहितीनुसार, मुंबईत 255 नवे कोरोना रुग्ण आढळले आहेत. तर 439 जण कोरोनामुक्त झाले आहेत. त्यामुळे मुंबईतील रिकव्हरी रेट 98 टक्के इतका झाला आहे. आज एकाही कोरोनाबाधिताचा मृत्यू झालेला नाही. नव्याने आढळलेल्या कोरोना रुग्णांमुळे मुंबईतील सक्रिय रुग्णसंख्या 2 हजार 115 इतकी झाली आहे. आज नव्याने सापडलेल्या 255 रुग्णांपैकी 23 रुग्णांनाच रुग्णालयात दाखल करण्यात आले आहे.

महत्त्वाच्या इतर बातम्या : 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह | ABP Majha