एक्स्प्लोर
Advertisement
![ABP Premium](https://cdn.abplive.com/imagebank/Premium-ad-Icon.png)
वऱ्हाडाचा ट्रक नदीत कोसळला, 22 जणांचा मृत्यू
या दुर्घटनेत तब्बल 22 जणांचा मृत्यू झाला, तर अनेक जण गंभीर जखमी आहेत.
![वऱ्हाडाचा ट्रक नदीत कोसळला, 22 जणांचा मृत्यू bus carrying marriage party falls off bridge on the Sone river in Sidhi district of Madhya Pradesh, 22 died वऱ्हाडाचा ट्रक नदीत कोसळला, 22 जणांचा मृत्यू](https://static.abplive.com/wp-content/uploads/sites/4/2018/04/18083334/Madhya-Pradesh-Accident.jpg?impolicy=abp_cdn&imwidth=1200&height=675)
भोपाळ: मध्य प्रदेशात लग्नाच्या वऱ्हाडाला घेऊन जाणाऱ्या ट्रकला भीषण अपघात झाला. या दुर्घटनेत तब्बल 22 जणांचा मृत्यू झाला, तर अनेक जण गंभीर जखमी आहेत.
सिंगरौली जिल्ह्यातून हा ट्रक काल रात्री लग्नासाठी सीधीच्या दिशेने जात होता, त्यावेळी ही भीषण दुर्घटना झाली.
हा ट्रक 60 ते 70 फूट खोल नदीपात्रात कोसळला. त्यामुळे अनेकजण जागीच मृत्युमुखी पडले. तर काहीजण गंभीर जखमी झाले.
जखमींना नजीकच्या जिल्हा रुग्णालयात दाखल करण्यात आलं आहे.
मुख्यमंत्र्यांकडून शोक व्यक्त
या दुर्घटनेप्रकरणी मध्य प्रदेशचे मुख्यमंत्री शिवराजसिंह चौहान यांनी शोक व्यक्त केला आहे. तसंच मृतांच्या नातेवाईकांना दोन-दोन लाख, तर जखमींना 50-50 हजार रुपयांची मदत जाहीर केली.
मृतांची संख्या वाढण्याची भीती
दरम्यान, या अपघातात अनेक जण गंभीर जखमी असल्याने, मृतांचा आकडा वाढण्याची भीती आहे. सध्या मिनी ट्रक नदीपात्रातून बाहेर काढण्याचं काम सुरु आहे. त्यासाठी क्रेन बोलावण्यात आली आहे.
अपघातग्रस्त मिनी ट्रक पुलाच्या भिंतीला धडकून, सुमारे 60 ते 70 फूट नदीपात्रात कोसळल्याचं सांगण्यात येत आहे.
Khelo khul ke, sab bhool ke - only on Games Live
अधिक पाहा..
Advertisement
Advertisement
Advertisement
महत्त्वाच्या बातम्या
महाराष्ट्र
क्राईम
राजकारण
महाराष्ट्र
Advertisement
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)
उमेश अलोणे, एबीपी माझाअकोला जिल्हा प्रतिनिधी
Opinion