धक्कादायक! छत्रपती संभाजीनगरमध्ये कपड्याच्या दुकानाला भीषण आग, एकाच घरातील 7 जणांचा मृत्यू

छत्रपती संभाजीनगरच्या (Chhatrapati Sambhajinagar) छावणी परिसरात कपड्याच्या दुकानाला भीषण आग लागल्याची घटना घडली. यामध्ये दुकानाच्या वरच्या मजल्यावर राहणाऱ्या 7 जणांचा गुदमरून मृत्यू झाला आहे.

Huge Fire in Chhatrapati Sambhajinagar

Chhatrapati Sambhajinagar Fire : छत्रपती संभाजीनगरच्या (Chhatrapati Sambhajinagar) छावणी परिसरात कपड्याच्या दुकानाला भीषण आग लागल्याची घटना घडली. यामध्ये दुकानाच्या वरच्या मजल्यावर राहणाऱ्या 7 जणांचा गुदमरून मृत्यू झाला आहे. मृतांमध्ये तीन महिला आणि दोन मुलांचाही समावेश आहे. पहाटे 3 वाजण्याच्या सुमारास ही घटना घडली आहे. हे कपड्याचे दुकान छावणी दाना बाजार  गल्लीतील महावीर जैन मंदिरच्या बाजूला होते. 

एकाच कुटुंबातील सात जणांचा मृत्यू

छत्रपती संभाजीनगर शहरात आगीच्या घटनेत एकाच वेळी सात जणांचा मृत्यू झाल्याची धक्कादायक बातमी समोर येत आहे. शहरातील छावणी परिसरातील जैन मंदिराजवळ असलेल्या एका तीन मजली इमारतीला मध्यरात्री अचानक आग लागली. या आगीत एकाच कुटुंबातील सात जणांचा मृत्यू झाल्याची माहिती समोर येत आहे. घटनेची माहिती मिळताच पोलिसांनी अग्निशमन दलाने घटनास्थळी धाव घेतली. मात्र, तोपर्यंत सात जणांचा दुर्दैवी मृत्यू झाला होता. मृतदेह शासकीय घाटी रुग्णालयात पाठवण्यात आले असून पोलिसांकडून पंचनामा केला जात आहे.

आगीत दुसऱ्या मजल्यावर असलेल्या 7 जणांचा मृत्यू

या आग लागलेल्या इमारतीत एकूण 16 लोक होते. पहिल्या मजल्यावर 7 लोक होते. तर दुसऱ्या मजल्यावर 7 लोक होते आणि तिसऱ्या मजल्यावर 2 लोक होते. यामध्ये दुसऱ्या मजल्यावरील सर्व सात लोकांचा मृत्यू झाला आहे. दरम्यान, आग लागल्याची माहिती मिळताच तातडीने अग्निशामक दलाला पाचारण करण्यात आले. त्यानंतर अथक प्रयत्नानंतर आगीवर नियंत्रण मिळवण्यात यश आलं आहे. मात्र, तोपर्यंत सर्व दुकान जळून खाक झालं होतं. तसेच यामध्ये 7 जणांचा मृत्यू झाला होता. या घटनेत अग्निशमाक दलाचा एक जवानही जखमी झाला आहे. किंग स्टाईल टेलर्स असं या कापड दुकानाचं नाव होतं.  

मृतांची नावे

आसिम वसीम शेख, 3 वर्ष मुलगा

परी वसीम शेख 2 वर्ष मुलगी

वसीम शेख, 30 वर्ष

तन्वीर वसीम,महिला  23 वर्ष

हमीदा बेगम, 50 वर्ष

शेख सोहेल 35 वर्ष

रेश्मा शेख 22 वर्ष

 

महत्वाच्या बातम्या: