एक्स्प्लोर

विद्यार्थ्यांची धाकधूक संपली, अखेर बारावीचा निकाल जाहीर, मराठवाड्याचा निकाल किती टक्के?

HSC Result of Marathwada : विद्यार्थ्यांची धाकधूक संपली, अखेर बारावीचा निकाल जाहीर, मराठवाड्याचा निकाल किती टक्के?

By : जयदीप मेढे | Updated at : 05 May 2025 12:11 PM (IST)

HSC Result of Marathwada

HSC Result of Marathwada : बारावीच्या विद्यार्थ्यांची धाकधूक अखेर संपली आहे. बारावीच्या परीक्षेचा निकाल (HSC Result of Marathwada) हाती येऊ लागलाय. राज्यात 11 फेब्रुवारी ते 18 मार्च 2025 या कालावधीत राज्यातील बारावीच्या मुलांच्या परिक्षा घेण्यात आल्या होत्या. या परीक्षेसाठी एकूण 15,05,037 विद्यार्थ्यांनी नोंदणी केलेली होती. 8,10,348 मुले तर 6,94,652 मुली आणि 37 तृथीयपंथीय या परिक्षेला बसले होते. एकूण 10550 कनिष्ठ महाविद्यालयांमधून या विद्यार्थ्यांची नोंदणी झालेली होती तर या परीक्षेसाठी संपूर्ण राज्यात विद्याथ्यांसाठी 3373 मुख्य केंद्रांवर परीक्षा घेण्यात आली. दरम्यान, मराठवाड्यातील छत्रपती संभाजीनगर विभागाचा निकाल 92.24 टक्के लागलाय तर लातूर विभागाचा निकाल 89.46 टक्के लागलाय.

विभागनिहाय निकाल

कोकण : 96.74 टक्के
पुणे : 91.32 टक्के
कोल्हापूर : 93.64 टक्के
अमरावती : 91.43 टक्के
छत्रपती संभाजीनगर : 92.24 टक्के
नाशिक : 91.31 टक्के
लातूर : 89.46 टक्के
नागपूर : 90.52 टक्के
मुंबई : 92.93 टक्के

यंदा निकालाचा टक्का घसरला

फेब्रुवारी मार्च 2024 चा निकाल 93.37% होता

फेब्रुवारी मार्च 2025 चा निकाल 91.88 टक्के आहे.

निकालाचा टक्का 1.49 ने यंदा कमी झाला आहे.

कोणत्या विभागाचा किती टक्के निकाल?

विज्ञान- 97.35 टक्के
कला- 80.52 टक्के
वाणिज्य- 92.68
व्यवसाय अभ्यासक्रम- 83.03 टक्के
आयटीआय- 82.03 टक्के

गैरप्रकार आढळल्याने 124 परीक्षा केंद्रांची चौकशी होणार

राज्यात 11 फेब्रुवारी ते 18 मार्च 2025 या कालावधीत राज्यातील बारावीच्या मुलांच्या परिक्षा घेण्यात आल्या होत्या. मात्र, काही परीक्षा केंद्रांवर गैरप्रकार झाल्याचे उघडकीस आले होते. 3373 परीक्षा केंद्रांपैकी 124 परीक्षा केंद्रांवर गैरप्रकार झाल्याचं समोर आलं होतं. आता 124 परीक्षा केंद्रांची चौकशी करण्यात येणार आहे.

बारावीच्या परीक्षेला राज्यातील पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर व कोकण या नऊ विभागीय मंडळांमधून विज्ञान, कला, वाणिज्य व व्यवसाय अभ्यासक्रम व आय.टी.आय. या शाखांसाठी एकूण 14,27,085 नियमित विद्यार्थ्यांनी नोंदणी केली होती. त्यापैकी 14,17,969 विद्यार्थी प्रविष्ट झाले असून त्यापैकी 13,02,873 विद्यार्थी उत्तीर्ण झाले आहेत व उत्तीर्णतेची टक्केवारी 91.88 आहे.

खालगी विद्यार्थी म्हणून नोंदणी केलेल्या विद्यार्थ्यांची एकूण संख्या 36,133 एवढी असून त्यापैकी 35,697 विद्यार्थी प्रविष्ट झाले असून 29,892 विद्यार्थी उत्तीर्ण झाले आहेत. त्यांच्या उत्तीर्णतेची टक्केवारी 83.73 आहे.

खालील संकेतस्थळांवर विद्यार्थ्यांना निकाल पाहता येतील

परीक्षेचा निकाल मंडळाच्या अधिकृत वेबसाइट mahahsscboard.in वर प्रसिद्ध केला जाईल. याशिवाय, विद्यार्थी इतर अधिकृत पोर्टलवर देखील त्यांचे निकाल तपासू शकतील.
https://results.digilocker.gov.in
https://mahahsscboard.in
http://hscresult.mkcl.org
https://results.targetpublications.org
https://results.navneet.com