Upcoming Electric SUVs : मारुती सुझुकी, ह्युंदाई मोटर आणि टाटा मोटर्स लवकरच आणणार Mid Size Electric Car; तुमच्यासाठी कोणती बेस्ट?
Upcoming Mid Size Electric SUVs : Hyundai आपल्या Creta च्या इलेक्ट्रिक व्हर्जनची देशात टेस्टिंग करत आहे.
Upcoming Mid Size Electric SUVs : सध्या देशात सर्वाधिक इलेक्ट्रिक कारची (Electric Car) विक्री टाटा मोटर्सची (Tata Motors) होते. त्यांचा बाजारातील एकूण हिस्सा 80 टक्क्यांहून अधिक आहे. कंपनी सध्या प्रवासी इलेक्ट्रिक वाहन विभागात Tiago EV, Tigor EV आणि Nexon EV ची विक्री करते. अलीकडेच महिंद्राने या सेगमेंटमध्ये आपली XUV400 कार देखील लॉन्च केली आहे. महिंद्राची ही कार ग्राहकांना फार आवडतेय. तसेच, 2024 पासून, महिंद्रा देशात SUV कारची बॉर्न इलेक्ट्रिक सीरीज लाँच करणार आहे.
ह्युंदाईचा सुद्धा शर्यतीत सहभाग
Kona EV आणि Ioniq 5 सारख्या इलेक्ट्रिक कारसह Hyundai Motor भारतात उपलब्ध आहे. मात्र, या दोन्ही एसयूव्ही सीबीयू (CBU) मार्गाने भारतात येतात. कंपनी भारतातही या कारचे उत्पादन सुरू करणार आहे. 2025 दरम्यान या कार लॉन्च केल्या जाऊ शकतात. सध्या, Hyundai आपल्या Creta च्या इलेक्ट्रिक व्हर्जनची देशात टेस्टिंग करत आहे. SU2i EV चे कोडनम असलेली, Hyundai ची नवीन SUV 2025 ऑटो एक्सपोमध्ये प्रदर्शित केली जाण्याची शक्यता आहे. या कारची किंमत सुमारे 20 लाख ते 30 लाख रुपये असण्याची शक्यता आहे. ही कार Mahindra XUV400 EV आणि MG ZS EV शी स्पर्धा करेल. तसेच, आम्हाला Kia Seltos SUV ची इलेक्ट्रिक व्हर्जन लवकरच पाहायला मिळेल.
मारुतीसुद्धा आपली इलेक्ट्रिक एसयूव्ही लॉन्च करणार
मारुती सुझुकीने (Maruti Suzuki) 2023 ऑटो एक्सपोमध्ये आपली संकल्पना eVX इलेक्ट्रिक SUV प्रदर्शित केली. कंपनीने खुलासा केला आहे की ही कार 2025 मध्ये देशात लॉन्च केली जाईल. बनाई मारुती ईव्हीएक्स कंपनीच्या गुजरातमधील प्लांटमध्ये तयार केली जाईल. या 4.3 मीटर इलेक्ट्रिक एसयूव्हीला 2700 मिमी लांब व्हीलबेस मिळेल, याला 60kWh बॅटरी पॅक मिळेल, ज्याने 550km च्या रेंजचा दावा केला आहे. हे टू-व्हील ड्राईव्ह आणि ऑल-व्हील ड्राईव्ह सिस्टमसह ऑफर केले जाऊ शकते.
टाटा कर्व एसयूव्ही (Tata Curvv SUV) :
Tata Motors ने 2023 ऑटो एक्स्पोमध्ये Curvv इलेक्ट्रिक SUV कूप संकल्पना प्रदर्शित केली. ही SUV 2024 पर्यंत देशात लॉन्च होईल. या SUV कूपची लांबी 4.3 मीटर असेल. याला 40kWh बॅटरीसह 400kms पेक्षा जास्त रेंज मिळण्याची अपेक्षा आहे.
महत्त्वाच्या बातम्या :
महत्त्वाच्या बातम्या
ट्रेंडिंग न्यूज
