Skoda Slavia : 'या' किंमतीत असे फिचर्स देणारी स्कोडा स्लाव्हिया एकमेव, वाचा किंमत आणि फिचर्स!

Skoda Slavia : स्कोडाची (Skoda) नवी कार स्लाव्हिया (Slavia) नुकतीच लाँच झाली असून एक उत्तम स्पोर्ट सीडॅन कार म्हणून हा बाजारातील उत्तम पर्याय आहे.

Skoda Slavia

Skoda Slavia : प्रसिद्ध कार उत्पादक कंपनी स्कोडाने (Skoda) त्यांची नवी कोरी कार स्लाव्हिया (Slavia) नुकतीच लाँच केली आहे. 150 बीपीएच पॉवर आणि 250 एनएम पीक टॉर्क जनरेट करणारी या स्कोडा स्लाव्हिया 1.5 TS ही एकमेव कार आहे. त्यामुळे सध्याच्या घडीला एक उत्तम स्पोर्ट सीडॅन कारचा पर्याय म्हणून स्कोडा स्लाव्हिया बेस्ट ऑप्शन आहे. लूकमध्ये स्कोडाची प्रसिद्ध कार ऑक्टाव्हिया RS प्रमाणे दिसणारी स्लाव्हिया पॉवर आणि इंजिनच्या बाबतीत अधिक दमदार आहे. 

ही कार मॅन्युअल आणि 7 स्पीड ऑटोमॅटिक गिअरबॉक्स अशा दोन पर्यायांसह उपलब्ध आहे. कारच्या स्पीडचा विचार करता 8.8 सेकंदमध्ये ही कार 0-100 किमी इतका स्पीड पकडू शकते. या कारमध्ये 1.0 लीटर टीएसआय पेट्रोल आणि 1.56 लीटर सीएसआय पेट्रोल इंजन मिळतो. लहान तीन सिलेंडर असल्याने हे पेट्रोल इंजिन 113 बीपीएच पॉवर आणि 175 एनएमची टार्क जनरेट करण्यात सक्षम आहे.  

कारचा लूक

या कारची लांबी 4 हजार 541 एमएम इतकी आहे. तर, रुंदी 1 हजार 752 एमएम आहे. यात हेक्सागोनल क्रोम ग्रिलला नवी डिजाईन देण्यात आलीय. या कारमध्ये एलईडी डीआरएस आहे, पण बंपरच्या खालच्या भागालाही उत्तम लूक देण्याचा प्रयत्न करण्यात आला आहे. स्लाव्हिया कारचे टॉप-ऍण्ड व्हर्जन 16 इंच अलॉयसह येते आणि त्याच्या स्टान्सला चांगला लूक मिळालाय. कारच्या मागच्या बाजूला सी-शेपमध्ये टेल लॅम्प देण्यात आलंय. ग्राहकांना ही कार पाच रंगात खरेदी करता येणार आहे.

किंमत किती?

तर अशा या आधुनिक फिचर्स, धांसू लूक आणि वेगवान इंजिनसह असणाऱ्या कारच्या किमतींबद्दल बोलायचे झाल्यास, स्कोडा स्लाव्हिया 1.5 TSI ऑटोमॅटिक DSG 17.7 लाख रुपयांत असून, मॅन्युअल गिअरबॉक्स असणारी कार 16.19 लाख रुपये इतक्या किंमतीत असणार आहे. ही कार्सची एक्स शोरुम किंमत असणार आहे.

हे देखील वाचा- 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha