Honda Electric Scooter: Honda Activa येत आहे इलेक्ट्रिक अवतारात, 23 जानेवारीला होऊ शकते लॉन्च
Honda Activa Electric Scooter Launch Date: आघाडीची दुचाकी उत्पदक कंपनी होंडा मोटरसायकल आणि स्कूटर इंडियाची स्कूटर Activa भारतात खूपच लोकप्रिय आहे. देशात या स्कूटरला मोठी मागणी आहे.
Honda Activa Electric Scooter Launch Date: आघाडीची दुचाकी उत्पदक कंपनी होंडा मोटरसायकल आणि स्कूटर इंडियाची स्कूटर Activa भारतात खूपच लोकप्रिय आहे. देशात या स्कूटरला मोठी मागणी आहे. कंपनीचे हे देशात सर्वाधिक विक्री होणारे उत्पादन आहे. अशातच कंपनीने जागतिक स्तरावर आपले 10 हून अधिक इलेक्ट्रिक उत्पादन लॉन्च करण्याची आपली योजना उघड केली आहे. ज्यासाठी कंपनीने 2025 पर्यंतची वेळ निश्चित केली आहे. तसेच कंपनीने खुलासा केला आहे की ती आशिया, जपान आणि युरोपसाठी दोन नवीन प्रवासी इलेक्ट्रिक दुचाकी तयार करत आहे. ज्यामध्ये 23 जानेवारीला भारतात इलेक्ट्रिक स्कूटर लॉन्च केली जाऊ शकते.
Honda Activa Electric Scooter Launch Date: 23 जानेवारी रोजी लॉन्च होणार
कंपनीने माध्यमांना 23 जानेवारी 2023 साठी 'ब्लॉक युअर डेट' करण्याचे निमंत्रण दिले आहे. या निमंत्रणामध्ये "Get ready to find a new smart" अशी टॅगलाईन आणि फ्युचर मीट्स प्रेझेंटची प्रतिमा देखील आहे. या स्कूटरबाबत अद्याप कोणताही खुलासा करण्यात आलेला नाही. यात स्वॅप करण्यायोग्य बॅटरी मिळणे अपेक्षित असले तरी.
Honda Activa Electric Scooter Launch Date: बॅटरी स्वॅप सेवा
कंपनीने बेंगळुरू मेट्रो रेल कॉर्पोरेशन लिमिटेड (BMRCL) सह भागीदारीमध्ये बॅटरी स्वॅपिंग सेवा सुरू करण्याची घोषणा केली आहे. कंपनीची उपकंपनी उप-ब्रँड Honda Power Pack Energy India Pvt Ltd देशात बॅटरी स्वॅप सेवा सुरू करणार आहे. ते इलेक्ट्रिक ऑटो रिक्षांसाठी वापरले जाऊ शकतात. नंतर ही सेवा दुचाकी इलेक्ट्रिक वाहनांसाठीही वापरता येईल. काही रिपोर्टनुसार, कंपनी फक्त भारतातच तिच्या सर्व इलेक्ट्रिक वाहनांचे सर्व भाग तयार करेल. यामुळे त्याची किंमत देखील खूप आकर्षक असेल आणि बॅटरी स्वॅपिंगमुळे रेंजची चिंता दूर होणार आहे.
Honda Activa Electric Scooter Launch Date: Ather 450X करेल स्पर्धा
Ather 450X Gen 3 मध्ये 6.2kW ची इलेक्ट्रिक मोटर मिळते. जी 3.7kWh लिथियम-आयन बॅटरीशी जोडलेली आहे. या स्कूटरची रेंज 105 किमी आहे. या स्कूटरची एक्स-शोरूम किंमत 1 लाख 37 हजार रुपये आहे.
इतर ऑटो सेगमेंट संबंधित बातमी:
महत्त्वाच्या बातम्या
