Upcoming Cas : भन्नाट फिचर्स अन् तगडा परफॉर्मन्स असणारी कार खरेदी करायचीय? जरा थांबा, 'ही' 3 मॉडेल्स लवकरच भारतात लाँच होणार

Upcoming Performance Cars : टाटा अल्ट्रोझ रेसरचे अनावरण 2023 ऑटो एक्स्पो आणि नंतर भारत मोबिलिटी ग्लोबल एक्स्पो 2024 मध्ये करण्यात आले.

Upcoming Performance Cars (Image Source : Somnath Chatterjee)

Upcoming Performance Cars : भारतात, परफॉर्मन्स सेंट्रिक कार हे पॉवरफुल इंजिन आणि एरोडायनामिक डिझाईन असलेल्या टॉप एंड महागड्या कारचं समीकरण झालं आहे. तसेच, ह्युंदाई (Hyundai), टाटा (Tata) आणि महिंद्राने (Mahindra) बाजारातील विशिष्ट मागणी पूर्ण करण्यासाठी परवडणाऱ्या किंमतीत परफॉर्मन्स-सेंट्रिक कार ऑफर करून या सेगमेंटला आकार दिला आहे. Hyundai Motors India, i20 N Line आणि Venue N Line साठी आधीच लोकप्रिय, Creta N Line सादर करणार आहे आणि Verna ची स्पोर्टियर N Line व्हर्जन या वर्षाच्या शेवटी येण्याची शक्यता आहे. दरम्यान, टाटा मोटर्स येत्या काही महिन्यांत अधिक चांगल्या कामगिरीसह अल्ट्रोझ रेसर एडिशन लॉन्च करण्याच्या तयारीत आहे. 

टाटा अल्ट्रोझ रेसर

टाटा अल्ट्रोझ रेसरचे अनावरण 2023 ऑटो एक्स्पो आणि नंतर भारत मोबिलिटी ग्लोबल एक्स्पो 2024 मध्ये करण्यात आले. त्यातील एक पॉवरफुल 1.2L, 3-सिलेंडर टर्बो पेट्रोल इंजिन 120bhp पॉवर आउटपुट आणि 170Nm टॉर्क जनरेट करते. हे 6-स्पीड मॅन्युअल गिअरबॉक्सशी जोडलेले आहे. त्याची स्पर्धा Hyundai i20 N Line शी होईल. बोनेटवरील रेसिंग पट्टे, ब्लॅक-आउट हेडलॅम्प, ब्लॅक-आउट रूफ, ऑल-ब्लॅक अलॉय व्हील आणि स्पेशल रेसर बॅज यांसारख्या विविध स्पोर्टी घटकांसह, अल्ट्रोझ रेसर खूपच आकर्षक दिसते. नवीन 10.25-इंच टचस्क्रीन इन्फोटेनमेंट सिस्टम, 7.0-इंच इन्स्ट्रुमेंट क्लस्टर, वायरलेस चार्जिंग, व्हेंटिलेटेड फ्रंट सीट्स, एअर प्युरिफायर आणि 6 एअरबॅग्ज, रेड कॉन्ट्रास्ट स्टिचिंग आणि इतर अनेक कामगिरी-केंद्रित डिझाईन घटकांसह अंतर्गत भाग तितकेच स्पोर्टी आहेत.

ह्युंदाई क्रेटा एन लाईन 

Hyundai Creta N Line मध्ये विशेष डिझाईन घटक असतील जे ते स्टॅंडर्ड Creta पेक्षा वेगळे करतील. यात एक अनोखी फ्रंट ग्रिल, पियानो ब्लॅक फिनिश सराउंडसह हेडलॅम्प्स, फॉक्स ब्रश केलेल्या ॲल्युमिनियमसह मोठे एअर इनलेट, एक अपडेटेड बंपर आणि नवीन डिझाईन केलेली 18-इंच अलॉय व्हील यांचा समावेश आहे. यामध्ये विशेष एक्झॉस्ट टिप्ससह साईड स्कर्ट आणि मागील बंपरवर एन-लाईन बॅजिंग समाविष्ट असेल. क्रेटा एन लाईन इंटीरियरमध्ये लाल ॲक्सेंट, अनन्य एन लाईन बॅजिंग आणि स्पोर्टी अपहोल्स्ट्री समाविष्ट असेल. यात DCT ऑटोमॅटिक गिअरबॉक्ससह 160bhp, 1.5L टर्बो पेट्रोल इंजिन मिळेल. 

Hyundai Verna N लाईन

Hyundai Verna N Line देखील भारतात येण्याची शक्यता आहे, तिच्या लॉन्च टाईमलाईन आणि वैशिष्ट्यांबद्दल अधिक माहिती अद्याप देण्यात आलेली नाही. तसेच, जर ते बाजारात आले तर त्यात 160bhp, 1.5L टर्बो पेट्रोल इंजिनसह 6-स्पीड मॅन्युअल आणि 7-स्पीड DCT ऑटोमॅटिक गिअरबॉक्स पर्याय असण्याची अपेक्षा आहे.

महत्त्वाच्या बातम्या :