Air India Plane Crash In Ahmedabad: Airplane Mode म्हणजे नेमकं काय?; विमान प्रवासादरम्यान चालू करणे आवश्यक असते?, पाहा A टू Z माहिती

Air India Plane Crash In Ahmedabad: एअरप्लेन मोड म्हणजे एक विशेष फिचर आहे, जो सक्रिय केल्यावर तुमच्या डिव्हाइसची सर्व वायरलेस कनेक्टिव्हिटी बंद होते.

Airplane Mode

Source : ABP

Air India Plane Crash In Ahmedabad: अहमदाबादमधील विमान दुर्घटनेमध्ये (Air India Plane Crash In Ahmedabad) एकूण 265 जणांचा मृत्यू झाला आहे. यात विमानातील 241 जणांचा मृत्यू झाल्याची प्राथमिक माहिती आहे. तर विमान ज्या भागात कोसळलं त्या भागातील 24 जणांचा मृत्यू झाल्याची भीती वर्तवण्यात येतेय. यात महाराष्ट्रातील 9 जणांचा समावेश आहे.

दरम्यान विमानानं धावपट्टीवरून उड्डाण घेतल्यानंतर अवघ्या 12 ते 15 सेकंदामध्ये होत्याचं नव्हतं झालं. विमानाच्या टेकऑफनंतर 50 सेकंदांमध्ये हा भीषण अपघात झाला. या अपघातामध्ये महाराष्ट्रातील 10 जणांचा अहमदाबाद अपघातात मृत्यू झाला आहे. यात मुख्य वैमानिक सुमीत सभरवाल यांच्यासह दीपक पाठक, मैथिली पाटील, रोशनी सोनघरे, अपर्णा महाडिक, साईनीता चक्रवर्ती या क्रू मेंबर्सचा समावेश आहे.

विमानात बसण्यापूर्वी मोबाईल एयरप्लेन मोडवर टाकणे आवश्यक-

विमानात बसण्यापूर्वी तुम्हाला तुमचे सर्व इलेक्ट्रॉनिक डिवाइसेज बंद करणे महत्वाचे असते किंवा ते एयरप्लेन मोडवर (Airplane Mode) टाकावे लागतात. परंतु बऱ्याचदा लोक असं करत नाहीत. केबिन क्रू नेहमीच प्रवाशांना त्यांचा फोन बंद करण्यास किंवा एयरप्लेन मोडवर टाकण्याच्या सूचना देत असतात परंतु अनेकजण आपली मनमानी करतात. 

एअरप्लेन मोड म्हणजे एक विशेष फिचर-

एअरप्लेन मोड म्हणजे एक विशेष फिचर आहे, जो सक्रिय केल्यावर तुमच्या डिव्हाइसची सर्व वायरलेस कनेक्टिव्हिटी बंद होते. एअरप्लेन मोड हे फिचर मोबाइल, टॅबलेट किंवा लॅपटॉपमध्ये असते आणि ते उड्डाणादरम्यान वापरण्यासाठी डिझाइन केलेले आहे. जेव्हा तुम्ही एअरप्लेन मोड चालू करता तेव्हा तुमचे डिव्हाइस मोबाइल नेटवर्क, वाय-फाय, ब्लूटूथ आणि जीपीएस सारखे सर्व वायरलेस सिग्नल बंद करते. विमानाच्या नेव्हिगेशन सिस्टमवर मोबाईल नेटवर्कमुळे अडथळा येऊ शकतो म्हणून विमानात असताना एअरप्लेन मोड चालू करणे महत्वाचे असते.

एयर ट्रॅफिक कंट्रोलशी कनेक्ट करण्यात अडचण येऊ शकते- (Airplane mode must be turned on on a plane)

इलेक्ट्रॉनिक डिवाइसेसमधून जो सिग्नल निघतो तो विमानाच्या कम्यूनिकेशन प्रोसेसमध्ये अडथळा निर्माण करू शकतो. ज्या इलेक्ट्रॉनिक डिवाइसेसमध्ये सेल्यूलर कनेक्शन आहेत ते रेडियो वेव्हससह इलेक्ट्रॉमॅग्नेटिक इंटरफियरेंस निर्माण करतात. त्यामुळे फ्लाइटच्या सिग्नलमध्ये समस्या येते आणि वैमानिकांना ग्राउंड सपोर्ट स्टाफ किंवा एयर ट्रॅफिक कंट्रोलशी कनेक्ट करण्यात अडचण येऊ शकते. म्हणून टेक-ऑफ आणि लँडिंग दरम्यान विमानात डिवाइसेस बंद केले पाहिजेत किंवा एअरप्लेन मोड ऑन केला पाहिजे.

अहमदाबाद विमान दुर्घटनेचे सीसीटीव्ही फुटेज उघड, VIDEO:

संबंधित बातमी: