एक्स्प्लोर

Shirdi: शिर्डीत वातानुकूलित दर्शन कॉम्प्लेक्सचे काम अंतिम टप्यात, भाविकांचा वेळ वाचणार

Shirdi : देशातील दुसरे तर राज्यातील सर्वधिक श्रीमंत समजल्या जाणाऱ्या शिर्डीत दर्शनासाठी दररोज हजारो तर उत्सव व सुट्टीच्या काळात लाखो भाविक हजेरी लावतात.

Written By : नितीन ओझा, एबीपी माझा | Edited By: प्राची आमले | Updated at : 19 Dec 2022 02:05 PM (IST)

Maharashtra Shirdi Saibaba

शिर्डी : साईबाबा (Saibaba) संस्थानचा महत्वाकांक्षी असलेल्या दुमजली दर्शनरांग कॉम्प्लेक्सचे काम अंतिम टप्यात आले आहे. साईबाबांच्या दर्शनासाठी तासनतास दर्शन रांगेत उभे राहण्यापासून भक्तांची आता सुटका होणार आहे. 109 कोटी रूपये खर्चून बांधलेले अत्याधुनिक दर्शनरांग कॉम्प्लेक्स लवकरच सुरू होणार असून पूर्ण वातानुकूलित असलेल्या या रांगेत भक्तांना लॉकरसह सर्वच सुविधा एका छताखाली मिळणार आहेत..

देशातील दुसरे तर राज्यातील सर्वधिक श्रीमंत समजल्या जाणाऱ्या शिर्डीत (Shirdi) दर्शनासाठी दररोज हजारो तर उत्सव व सुट्टीच्या काळात लाखो भाविक हजेरी लावतात. अनेकदा गर्दीमुळे साईबाबांचे दर्शन घेण्यासाठी तासनतास दर्शनरांगेत सुद्धा उभं राहण्याची वेळ भक्तांवर येत असते. मात्र आता नव्याने बांधण्यात आलेल्या दुमजली दर्शन रांगेमुळे साईभक्तांना मोठा दिलासा मिळणार आहे. अत्याधुनिक दर्शनरांग ही संपूर्ण वातानुकूलीत असून साईभक्‍तांच्या सुरक्षेची विशेष काळजी यामध्ये घेण्यात आली आहे.

शिर्डीत भक्तांना लॉकर, चप्पल स्टॅण्ड ,लाडू काऊंटर, डोनेशन काऊंटर, ऊदी स्टॉल, टॉयलेट अशा अनेक गोष्टींची शोधाशोध करावी लागते. आता नवीन दर्शन रांगेमुळे सगळ्या सुविधा एकाच छताखाली येणार असून इमारत बांधताना भक्तांच्या सुरक्षेची विशेष काळजी घेण्यात आली आहे. ही इमारत भूकंपरोधक असल्याची माहिती जाधव यांनी दिली आहे. साईबाबा संस्थानचा हा महत्वकांशी प्रकल्प असून तिरूपती बालाजीच्या धर्तीवर त्यांच्यापेक्षाही सुसज्ज अशी ही दर्शनव्यवस्था निर्माण करण्यात आली आहे.

महसुलमंत्री राधाकृष्ण विखे पाटील आणि खासदार सुजय विखे यांनी नुकतीच पंतप्रधान नरेंद्र मोदींची भेट घेऊन दर्शनरांग कॉम्प्लेक्स, शैक्षणिक संकुल लोकार्पण करण्याचे निमंत्रण दिले आहे. साधारण मार्च महिन्यात पंतप्रधानांच्या हस्ते हा उद्घाटन कार्यक्रम पार पडणार असल्याचं विखे पाटील यांनी सांगितलं आहे.

कसा आहे कॉम्प्लेक्स?