महाड पूल दुर्घटनेतील वाहून गेलेली एक एसटी बाहेर काढण्यात यश

या एसटीचा शोध घेण्यासाठी नौदलाने सावित्री नदीत मोठी शोध मोहीम हाती घेतली होती.

आज सापडलेली एसटी जेसीबीच्या मदतीने बाहेर काढण्यात आली. यावेळी यामध्ये एकही मृतदेह सापडला नाही.

ही एसटी जयगड- मुंबईदरम्यान चालली असल्याचे तपास अधिकाऱ्यांनी सांगितले.

महाडजवळील ब्रिटीशकालीन पूल वाहून गेल्याने, मोठी जीवितहानी झाली होती. या दुर्घटनेत दोन एसटी वाहून गेल्याची भिती व्यक्त करण्यात येत होती.

यातील एक एसटी पुलापासून 200 मिटरच्या अंतरावर आज सापडली आहे