बीडमध्ये महिन्याभरानंतर दमदार पावसाची हजेरी

महिन्याभरापासून दडी मारलेल्या पावसाने बीड जिल्ह्यात दमदार हजेरी लावली.

बीड तालुक्यात झालेल्या जोरदार पावसाने लोळदगावमधील बिंदुसरा नदीवरील बंधाऱ्यात तीन वर्षात पहिल्यांदाच पाणी साचलं आहे.

'नाम' संस्थेने या बंधाऱ्यांच्या खोलीकरणाचं काम केलं होतं. नामच्या कामाचा प्रभावी परिणाम पाहायला मिळत आहे.

पावसाने जवळपास महिनाभर ओढ दिल्याने शेतकरी चांगलाच चिंतेत सापडला होता. खरीप हंगाम देखील यामुळे संकटात सापडला होता.

मात्र जिल्ह्यातील काही भागात चांगला पाऊस झाल्याने शेतकरी सुखावला आहे.