Women Health : 'रोज नवे रंग फासून..हसतेस दुःखावर तू..!' महिलांनो.. मेनोपॉजच्या काळात त्रास होतोय नं? 'ही' योगासन दररोज 10 मिनिटे करा

Women Health : मासिक पाळीपासून सुरू होणारा प्रवास मेनोपॉजकडे जेव्हा वळतो, तेव्हा या काळात महिलांच्या शरीरात अनेक बदल होतात. त्याची लक्षणे कमी करण्यासाठी योग्य आहार आणि योगासने आवश्यक आहेत

Women Health lifestyle marathi news Ladies having trouble during menopause

Source : Google

Women Health : जन्म बाईचा...खूप घाईचा... खरंय या गाण्यातील वाक्याप्रमाणे महिलांचे जीवन घाईघाईचे असते, नाही का? कामाचा ताण, कौटुंबिक जबाबदाऱ्या, मुलांचे संगोपन या सर्व गोष्टींमुळे स्वत:कडे लक्ष द्यायला महिलांना वेळ नसतो, पण काही महिला तर खरंच आपल्या आरोग्याकडे दुर्लक्ष करतात, ज्याचा परिणाम तुमच्या आरोग्यावर तर होतोच, पण तुमच्या मानसिक आरोग्यावरही होताना दिसतो. मासिक पाळीपासून सुरू होणारा प्रवास मेनोपॉजकडे जेव्हा वळतो, तेव्हा या काळात महिलांच्या शरीरात अनेक बदल होतात. त्याची लक्षणे कमी करण्यासाठी योग्य आहार आणि योगासने आवश्यक आहेत. तज्ज्ञांनी सुचवलेली ही 2 योगासने दररोज 10 मिनिटे केल्याने तुम्हाला मदत करू शकतात. (menopause)

 

स्त्रियांच्या शरीरात अनेक बदल घडतात

एका विशिष्ट वयानंतर, सर्व महिला रजोनिवृत्ती म्हणजेच मेनोपॉजमधून जातात. या काळात महिलांना मासिक पाळी येणे बंद होते. मेनोपॉजच्या वेळी आणि त्यापूर्वी म्हणजेच पेरीमेनोपॉजच्या वेळी स्त्रियांच्या शरीरात अनेक बदल घडतात. साधारणपणे, स्त्रियांमध्ये, 45 ते 50 वर्षांच्या वयात रजोनिवृत्ती येते. यावेळी, शरीरातील इस्ट्रोजेन आणि प्रोजेस्टेरॉनचे उत्पादन कमी होते आणि याचा परिणाम शरीरावर होतो. अनियमित मासिक पाळी, चमक, रात्री घाम येणे, मूड बदलणे, नैराश्य, थकवा आणि डोकेदुखी ही रजोनिवृत्तीची लक्षणे असू शकतात. रजोनिवृत्तीच्या काळात महिलांच्या शरीराचा गंधही बदलतो. त्याची लक्षणे कमी करण्यासाठी योग्य आहार आणि योगासने आवश्यक आहेत. तज्ज्ञांनी सुचवलेली ही 2 योगासने तुम्हाला मदत करू शकतात. एका वृत्तसंस्थेने घेतलेल्या माहितीनुसार योगतज्ज्ञ नताशा कपूर याबाबत माहिती देत आहे. त्या एक प्रमाणित योग शिक्षिका आहे.

 

'या' आसनामुळे रजोनिवृत्तीची लक्षणं कमी होण्यास मदत होईल

• हे करण्यासाठी, सर्व प्रथम सरळ उभे रहा.
• आपले पाय थोडे एकमेकांपासून दूर करा.
• आता हाताची बोटे एकमेकांना जोडा.
• हे करत असताना, हातांना डोक्याच्या वर घ्या.
• हात आणि शरीर वरच्या दिशेने खेचा.
• आता टाचा वर करा.
• आपल्या पायाच्या बोटांवर उभे रहा.
• ताणून श्वास घ्या.
• काही काळ ही स्थिती ठेवा.
• आता श्वास सोडा आणि सामान्य स्थितीत या.
• यामुळे पचनक्रिया सुधारते.
• पोटाचे स्नायू मजबूत होतात.
• शरीरात रक्त प्रवाह चांगला राहतो.
• हे पेल्विक फ्लोर स्नायूंना देखील मजबूत करते आणि रजोनिवृत्तीची लक्षणे कमी करते.

 

 

महिलांना रजोनिवृत्तीच्या काळात आणखी एक आसन नक्की करावे

• हे करण्यासाठी, सर्वप्रथम स्वच्छ, शांत आणि हवेशीर ठिकाणी योगा मॅट पसरवा.
• तुम्ही हे घरामध्ये देखील करू शकता.
• जर तुम्हाला जमिनीवर बसण्यास त्रास होत असेल तर ते बेडवर देखील करता येते.
• यासाठी सर्वप्रथम पाय पुढे करून बसा.
• आता डावा पाय वाकवून उजव्या मांडीच्या खाली दाबा.
• उजवा पाय वाकवून डाव्या मांडीच्या खाली दाबा.
• कंबर, डोके, खांदे आणि पाठीचा कणा सरळ ठेवा.
• स्वतःला आराम देण्याचा प्रयत्न करा.
• हळूहळू श्वास घ्या.
• तळवे मांडीवर ठेवा.
• काही काळ या स्थितीत रहा.
• असे केल्याने सांधेदुखी आणि थकवा दूर होतो.
• तणाव कमी करण्यासाठी हे आसन प्रभावी आहे.

 

हेही वाचा>>>

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )