Winter Travel: भारतीय रेल्वेतर्फे ख्रिसमस निमित्त फिरण्याची संधी! जयपूर..रणथंबोर..अन् बरीच ठिकाणं..कुटुंबासोबत सुट्टी कराल एन्जॉय, एकदा पाहाच...

Winter Travel: भारतीय रेल्वेचे हे विशेष टूर पॅकेज ख्रिसमसच्या एक दिवस आधी सुरू होईल, जेणेकरून तुम्ही ख्रिसमसचा दिवस एका अप्रतिम ठिकाणी घालवू शकाल.

Winter Travel Lifestyle marathi news Christmas Special Tour by Indian Railways IRCTC

Source : google

Winter Travel: सध्या डिसेंबरचा महिना असल्याने अनेकजण ख्रिसमस आणि न्यू इयर पार्टीसाठी पिकनिक प्लॅन करत असतील. पण जर तुम्हाला अगदी कमी बजेटमध्ये एका वेळेस चार ते पाच ठिकाणं फिरायला मिळाली तर तुमचा विचार काय असेल?  हो..भारतीय रेल्वेतर्फे ख्रिसमस स्पेशल टूर पॅकेज लाईव्ह करण्यात आले आहे. ज्याच्या माध्यमातून तुम्ही तुमच्या संपूर्ण कुटुंबासह किंवा जोडीदारासह सुट्टी मस्त एन्जॉय करू शकता..

ख्रिसमस स्पेशल टूर पॅकेज, आधीच तिकीट बुकींग करून ठेवा...

भारतीय रेल्वेने आधीच ख्रिसमस स्पेशल टूर पॅकेज थेट केले आहे. तुम्ही वेळेत IRCTC च्या अप्रतिम टूर पॅकेजची तिकिटे बुक केली नाहीत, तर सीट्स भरल्या जातील. कारण ख्रिसमस आणि नवीन वर्ष हे अशा वेळा असतात. जेव्हा प्रत्येकजण कुठेतरी प्रवास करण्याचा विचार करतो. त्यामुळेच खासगी संस्था प्रवाशांच्या सोयीसाठी वेगवेगळी टूर पॅकेजेस आणतात. भारतीय रेल्वेचे हे विशेष टूर पॅकेज ख्रिसमसच्या एक दिवस आधी सुरू होईल, जेणेकरून तुम्ही ख्रिसमसचा दिवस एका अप्रतिम ठिकाणी घालवू शकाल. आज आम्ही तुम्हाला ख्रिसमस स्पेशल टूर पॅकेजबद्दल सविस्तर माहिती देणार आहोत.

ख्रिसमस स्पेशल टूर पॅकेज

हे टूर पॅकेज 24 डिसेंबरपासून मुंबईतून सुरू होणार आहे.
हे टूर पॅकेज 8 रात्री आणि 9 दिवसांसाठी आहे. याद्वारे तुम्ही नवीन वर्ष चांगल्या ठिकाणी साजरे करू शकाल.
पॅकेजमध्ये तुम्हाला पुष्कर, रणथंबोर, कुंभलगड, जयपूर आणि उदयपूरला भेट देण्याची संधी मिळेल.
हे पॅकेज फ्लाइटने सुरू होईल आणि प्रवासासाठी बसची सुविधा उपलब्ध असेल.
पॅकेजचे नाव ख्रिसमस स्पेशल मेवार राजस्थान आहे.
तुम्ही भारतीय रेल्वेच्या अधिकृत वेबसाइटवर पॅकेजचे नाव टाकून प्रवासाचा तपशीलही वाचू शकता.

पॅकेज फी

जर तुम्हाला एकट्याने प्रवास करायचा असेल तर पॅकेज फी 73900 रुपये आहे.
जर 2 लोक एकत्र प्रवास करत असतील तर पॅकेज फी प्रति व्यक्ती 55900 रुपये आहे.
तीन लोकांसह प्रवास करण्यासाठी प्रति व्यक्ती पॅकेज शुल्क 52200 रुपये आहे.
मुलांसाठी पॅकेज फी 48900 रुपये आहे.
भारतीय रेल्वेच्या अधिकृत वेबसाइटवरून तिकीट बुक करण्याची प्रक्रिया सोपी आहे.

पॅकेज फीमध्ये तुम्हाला काय मिळेल?

• राउंड ट्रिप फ्लाइट तिकीट
• बसमधील सर्व ठिकाणी एसी कोचमध्ये प्रवास.
• हॉटेल्स - जयपूरमध्ये 2 रात्री, रणथंबोरमध्ये 1 रात्र, पुष्करमध्ये 1 रात्र, कुंभलगडमध्ये 1 रात्र, आणि उदयपूरमध्ये 2 रात्री.
• शहर सहलीसाठी स्थानिक मार्गदर्शक
• स्मारकांसाठी प्रवेश शुल्काची किंमत.
• दुपारचे जेवण वेगळे द्यावे लागेल.
• हॉटेलमध्ये कोणतीही रूम सर्व्हिस घेतल्यास, खर्च स्वतंत्रपणे भरावा लागेल.
• पॅकेजमध्ये नाश्ता आणि रात्रीच्या जेवणाचा खर्च समाविष्ट आहे,
• तुम्हाला IRCTC टूर पॅकेजमध्ये उपलब्ध सुविधा वाचून दुपारच्या जेवणासाठी स्वतंत्रपणे पैसे द्यावे लागतील.

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )