Monsoon Recipe : पावसाळ्यात चहाची मजा द्विगुणित करणारे 'आलू कुरकुरे' एकदा ट्राय करा, झटपट काही मिनिटातच होणारी सोपी रेसिपी जाणून घ्या..

Monsoon Recipe : तुम्हालाही पावसाच्या दिवसात काहीतरी चटपटीत खाण्याची इच्छा होत असेल, तर एक कप गरम चहासोबत चविष्ट आलू कुरकुरे ट्राय करू शकता.

Monsoon Recipe food lifestyle marathi news Try Aloo Kurkure

Source : Google

Monsoon Recipe : पावसाळा म्हटला कि गरमागरम चहा आलाच... या दोघांचं समीकरण म्हणजे मन:शांतीची अनुभूती.. पावसाळ्यात चहा पिण्याचा वेगळाच आनंद असतो. रिमझिम पाऊस आणि गरमागरम चहाचा कप या ऋतूत आकर्षण वाढवतो. बाहेर जर पाऊस पडत असला, आणि चहासोबत काहीतरी चटपटीत खायची लहर आली तर आज आम्ही तुम्हाला एका खास रेसिपीबद्दल सांगणार आहोत. जी पावसाळ्यात तुमच्या चहाची मजा आणखी द्विगुणित करेल, मिनिटांत बनणारी ही सोपी रेसिपी एकदा फॉलो करा.

पावसाळ्यात काहीतरी चटपटीत खाण्याची इच्छा असेल, तर...

पावसाळ्यात अनेकांना चहासोबत काहीतरी चटपटीत आणि कुरकुरीत खावेसे वाटते. अशावेळी नेहमी भजी किंवा समोसा, वडापाव खाण्याचा कंटाळा येतो. मग जर तुम्हालाही पावसाळ्याच्या दिवसात काहीतरी चटपटीत नवीन पदार्थ खाण्याची इच्छा होत असेल, तर या पावसाळ्यात तुम्ही एक कप गरम चहासोबत चविष्ट आलू कुरकुरे घरात बनवू शकता. पावसाळ्यात अन्नाची लालसा अनेकदा वाढते. यामुळेच या काळात नेहमी काहीतरी खावेसे वाटते. पावसात गरमागरम आणि कुरकुरीत पकोड्यांसोबत चहा पिण्याचा एक वेगळाच आनंद आहे. त्यामुळेच पावसाळ्याच्या दिवसात लोक चहा आणि भजीचा आस्वाद घेतात. मात्र, प्रत्येक वेळी एकाच प्रकारचे पदार्थ खाण्याचा कंटाळा येतो. अशात काहीतरी वेगळे खावेसे वाटते. यंदा काहीतरी वेगळं ट्राय करायचं असेल तर 'आलू कुरकुरे' हा एक उत्तम पर्याय ठरेल. हे जेवढे खायला चविष्ट आहे, तेवढेच ते बनवायलाही सोपे आहे. जाणून घेऊया याची सोपी रेसिपी.

 

 

साहित्य

4 लहान बटाटे
3/4 कप मैदा
3/4 कप पोहे
1-2 बारीक चिरलेल्या हिरव्या मिरच्या
1 टीस्पून जिरे पावडर
पुदिन्याची पाने
चवीनुसार मीठ
आवश्यकतेनुसार तेल
आवश्यकतेनुसार पाणी

बनवण्याची पद्धत

सर्व प्रथम, बटाटे प्रेशर कुकरमध्ये उकडून घ्या. नंतर एका भांड्यात काढून नीट मॅश करा.
आता त्यात पुदिन्याची पाने, हिरवी मिरची, जिरेपूड, मीठ आणि लिंबाचा रस घालून मिक्स करा. 
आता या तयार मिश्रणाचे छोटे-छोटे गोळे करून घ्या आणि बाजूला ठेवा.
आता, कोटिंग तयार करणे आवश्यक आहे, ज्यामध्ये आपण हे गोळे बुडवू. 
एका भांड्यात मैदा आणि पाणी घालून घट्ट पेस्ट बनवा. 
या पेस्टमध्ये गोळे बुडवून हलक्या हाताने पोह्यांमध्ये कोट करा.
यानंतर एका पॅनमध्ये मध्यम आचेवर तेल गरम करा. 
हळूहळू लेपित बटाट्याचे गोळे घाला.
ते सोनेरी तपकिरी आणि कुरकुरीत होईपर्यंत तळा.
गरम सर्व्ह करा आणि आनंद घ्या! आलू कुरकुरे खाण्यासाठी तयार आहे.

 

 

हेही वाचा>>>

 

 

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )