Swine Flu : मुंबईत स्वाईन फ्लूच्या रुग्णांमध्ये वाढ; जाणून घ्या खबरदारी, लक्षणे आणि उपचार 

Swine Flu : स्वाईन फ्लूच्या वाढत्या प्रकरणांची दखल  घेऊन, मुंबई महापालिकेने नागरिकांना H1N1 विषाणूचा प्रसार रोखण्यासाठी प्रतिबंधात्मक उपायांचे पालन करण्याचे निर्देश दिले आहेत. जाणून घ्या खबरदारी, लक्षणे आणि उपचार 

swine flu

Swine Flu : मुंबई आणि त्याच्या शेजारील ठाणे आणि पालघर या जिल्ह्यांमध्ये स्वाईन फ्लू (Swine Flu) च्या रुग्णांमध्ये वाढ झाली आहे. त्यामुळे आता मुंबईकरांनी सुरक्षेच्या उपाय योजनांबाबत अधिक सतर्क राहण्याची गरज आहे. स्वाईन फ्लूच्या वाढत्या प्रकरणांची दखल  घेऊन, मुंबई महापालिकेने नागरिकांना H1N1 विषाणूचा प्रसार रोखण्यासाठी प्रतिबंधात्मक उपायांचे पालन करण्याचे निर्देश दिले आहेत. मुंबईतील न्यूबर्ग डायग्नोस्टिक्सचे मुख्य पॅथॉलॉजिस्ट डॉ. राजेश बेंद्रे यांनी स्वाईन फ्लू होऊ नये यासाठी घेतली जाणारी खबरदारी, लक्षणे आणि उपचारांबद्दल माहिती दिली.

स्वाईन फ्लू कशामुळे होतो?
स्वाईन फ्लू, ज्याला स्वाईन इन्फ्लूएन्झा असेही म्हणतात, त्याचा परिणाम डुकरांमध्ये तीव्र श्वसन रोग झाला, जो नंतर मानवांमध्ये फ्लूचा H1N1 प्रकार, ए इन्फ्लूएंझा व्हायरसमध्ये विकसित झाला. 2009 ते 2010 या काळात जागतिक उद्रेकासाठी स्वाईन फ्लू जबाबदार होता. 2010 मध्ये स्वाईन फ्लूचे भारतात अंदाजे 10193 रुग्ण आढळले होते त्यापैकी 1035 जणांचा मृत्यू झाला.

स्वाईन फ्लूच्या विषाणूचा मानवांमध्ये प्रसार होण्याचा प्रमुख मार्ग म्हणजे जेव्हा संक्रमित व्यक्ती शिंकतो किंवा खोकतो. जेव्हा एखादी व्यक्ती विषाणूने संक्रमित झालेल्या एखाद्या गोष्टीला स्पर्श करते किंवा संपर्क करते किंवा संक्रमित झालेल्या व्यक्तीच्या नाक, तोंड आणि आसपासच्या भागांना स्पर्श करते तेव्हा विषाणूचा संसर्ग होतो. स्वाईन फ्लू हा आजाराच्या पहिल्या पाच दिवसात संसर्गजन्य असतो. लहान मुले आणि वृद्धांमध्ये हे प्रमाण वाढू शकते.

सामान्य लक्षणे आणि खबरदारी
सर्दी, ताप आणि श्वासोच्छवासाच्या समस्या ही सामान्य लक्षणे दिसतात. यामुळे घसा खवखवणे, सतत खोकला, नाक वाहणे, डोळ्यात पाणी येणे, डोकेदुखी, अतिसार आणि अत्यंत थकवा यासारख्या इतर लक्षणांसह न्यूमोनिया देखील होऊ शकतो. त्यामुळे प्रत्येकाने खबरदारी घेतली पाहिजे जसे गर्दीच्या ठिकाणी प्रवास करताना अधिक सावधगिरी बाळगणे, गेट-टुगेदर आणि कौटुंबिक कार्यक्रमात सहभागी होणे टाळणे आणि सण-उत्सवादरम्यान योग्य प्रतिबंधात्मक उपाययोजना करणे योग्य आहे.

निदान आणि उपचार 

• H1N1 विषाणूच्या उद्रेकादरम्यान, BMC आरोग्य तज्ञांनी ज्येष्ठ नागरिक, गर्भवती महिला आणि उच्च रक्तदाब, मधुमेह, हृदयाचे विकार, मूत्रपिंड आणि यकृताचे विकार, श्वसनाचे आजार, इत्यादी सह-विकृती असलेल्या रुग्णांना अधिक सावधगिरी बाळगण्याची विनंती केली आहे.
• H1N1 लक्षणांनी ग्रस्त असलेल्या व्यक्तीने स्वतःला वेगळे म्हणजेच आयसोलेट केले पाहिजे आणि ताबडतोब जवळच्या डॉक्टरांचा सल्ला घ्यावा, घरी स्वत:च औषधे घेणे टाळावे.
• स्वाईन फ्लूसाठी  (H1N1)सर्वात सामान्य आणि प्रमाणित स्क्रीनिंग चाचणी म्हणजे नासो-ओरोफरिंजियल स्वॅब्सवर पॉलिमरेझ चेन रिएक्शन (PCR) चाचणी. तथापि, सावधगिरी बाळगणे आणि वेळेवर तपासणी केल्याने एखाद्याला लवकर बरे होण्यास मदत होऊ शकते.
• उपचार आणि औषधांपेक्षा प्रतिबंध नेहमीच चांगला असतो.

संबंधित बातम्या

• Maharashtra : महाराष्ट्रात कोरोनानंतर स्वाईन फ्लूचा वाढता धोका; मुंबईत सर्वाधिक रूग्ण