हेल्थ इन्शोरन्सची मॅच्युरिटी डेट आलीये, रिन्यू करण्यासाठी काय कराल? जाणून घ्या, 'या' 5 टिप्स

Health Insurance : पॉलिसीची मुदत संपण्यापूर्वी त्याचं नूतनीकरण करणं आवश्यक आहे. तुम्हाला हे देखील माहीत असलं पाहिजे की, बहुतांश विमा कंपन्यांनी पुरवलेल्या ऑनलाईन सुविधेमुळे तुमचा हेल्थ इन्शोरन्स रिन्यू करण्याची प्रोसेस अगदी जलद आणि सोयीस्कर झाली आहे.

How To Renew Health Insurance ( Image Source :pexels.com )

How To Renew Health Insurance : भविष्याचा (Future) आणि आजारपणाच्या (Illness) संकटाचा विचार करता आपण आरोग्य विमा (Health Insurance) काढतो. विमा कंपनी (Insurance Company) आपल्या ग्राहकांना आरोग्य आणि जीवनासाठी संरक्षण देते. तुमच्या कुटुंबाच्या सुरक्षेसाठी आरोग्य विमा पॉलिसी (Health Insurance Policy) घेणं हे एक शहाणपणाचं पाऊल ठरतं. तुमचं धोरण तुम्हाला सतत कव्हरेज देण्यासाठी आणि वैध राहण्यासाठी, पॉलिसीची मुदत संपण्यापूर्वी त्याचं नूतनीकरण करणं आवश्यक आहे. तुम्हाला हे देखील माहीत असलं पाहिजे की, बहुतांश विमा कंपन्यांनी पुरवलेल्या ऑनलाईन सुविधेमुळे तुमचा हेल्थ इन्शोरन्स रिन्यू करण्याची प्रोसेस अगदी जलद आणि सोयीस्कर झाली आहे. तुमचा हेल्थ इन्शोरन्स रिन्यू करण्याचा विचार करत असाल तर तुम्ही 'या' 5 गोष्टींचा वापर केलाच पाहिजे. 

तुमच्या हेल्थ इन्शोरन्स वेळेत रिन्यू करा (Renew Your Health Insurance On Time)

सध्याच्या पॉलिसीची मुदत संपण्यापूर्वी तुमच्या पॉलिसीचं नूतनीकरण करा. कोणत्याही परिस्थितीत पॉलिसी रिन्यू करायची राहून गेल्यास, तुमच्या लक्षात असू द्या. सामान्यतः पॉलिसी रिन्यू करण्यासाठी 30 दिवसांचा वाढीव कालावधी असतो. त्या दरम्यान तुम्ही पॉलिसीचं नूतनीकरण केल्यास तुम्हाला मिळणारा लाभ गमवावा लागणार नाही. दरम्यान, या कालावधीसाठी, पॉलिसीची शेवटची तारीख ते नूतनीकरणाच्या तारखेपर्यंत आहे, यामध्ये तुम्ही आणि तुमचं कुटुंब अनकव्हर राहील. विशेषतः ज्यांना आधीपासून वैद्यकीय समस्या आहेत, त्यांच्यासाठी विद्यमान धोरण रद्द होणं अत्यंत धोकादायक आहे. जरी विमा कंपन्या नूतनीकरणाच्या तारखेची आठवण करून देत असल्या, तरीही निर्धारित तारखेपूर्वी पॉलिसीचं नूतनीकरण केलं आहे, याची खात्री करणं हे पॉलिसीधारकाचं कर्तव्य आहे.

विम्याची रक्कम वाढवण्याचा पर्याय (Option to Increase Sum Assured)

दरवर्षी वैद्यकीय खर्च वाढत असल्यानं, तुमच्या पॉलिसीचं नूतनीकरण करण्यापूर्वी तुम्ही नेहमीच तुम्हाला आवश्यक असलेल्या विमा रकमेचं मूल्यांकन करू शकता आणि गरज भासल्यास तुम्ही पॉलिसीच्या नूतनीकरणाच्या वेळी विम्याची रक्कम वाढवू शकता. याशिवाय, तुम्ही तुमच्या मूलभूत धोरणांसह टॉप-अप किंवा सुपर टॉप-अप योजना जोडून देखील व्याप्ती वाढवू शकता. 

कुटुंबातील सदस्यांनाही जोडा (Add Family Members)

नूतनीकरणाच्या वेळी तुमच्या सध्याच्या पॉलिसीमध्ये कुटुंबातील नव्या सदस्यांच्या नाव जोडण्याचा पर्याय आहे. जर तुम्हाला तुमचे पालक, जोडीदार किंवा मुलांना आरोग्य विमा संरक्षणाच्या अंतर्गत आणायचं असेल, तर वैयक्तिक संरक्षणाच्या अधीन राहून नूतनीकरण करण्यापूर्वी तुम्ही नेहमीच त्यांची निवड करू शकता. 60 वर्ष किंवा त्याहून अधिक वयाच्या कुटुंबातील सदस्यांची भर घालून तुम्ही कर लाभ मिळवण्यासही पात्र आहात.  

पोर्टेबिलिटीचा पर्याय विचारात घ्या (Option Of Portability)

जर तुम्ही तुमच्या सध्याच्या विमा कंपनीच्या सेवांवर समाधानी नसाल किंवा तुमच्या पॉलिसीतील अधिक वैशिष्ट्यांचा विचार करत असाल, परंतु विद्यमान पॉलिसीमध्ये उपलब्ध नसेल, तर तुम्ही तुमची आरोग्य विमा पॉलिसी नूतनीकरणाच्या वेळी कोणत्याही सामान्य विमा किंवा आरोग्य विमा कंपनीकडे पाठवू शकता. तुम्हाला फक्त त्या विमा कंपनीशी संपर्क साधण्याची गरज आहे, जिच्याकडून तुम्ही पॉलिसी खरेदी करू इच्छिता. तुमच्या पॉलिसीची मुदत संपण्याच्या किमान 45 दिवस आधी परंतु 90 दिवसांपेक्षा जास्त नाही.

मोबाईल अॅप्लिकेशन सुलभतेचा विचार करा

मोबाईल अॅप्लिकेशनमुळे विमा दावा प्रक्रिया आणि तडजोडीसाठी सुलभता, गती आणि पारदर्शकता आली आहे. त्यामुळे, तुमच्या सध्याच्या विमा कंपनीकडे दाव्यांच्या जलद आणि पारदर्शक तडजोडीसाठी वापरकर्त्यासाठी अनुकूल अॅप आहे का? हे तपासणं शहाणपणाचं ठरेल. दाव्याची माहिती देण्यासाठी दस्तऐवज क्लिक आणि अपलोड करणं, रिअल-टाईम क्लेम स्थितीचा मागोवा घेणं, धोरणाशी संबंधित सर्व माहिती मिळवणं आणि तुमच्या विद्यमान धोरणाचं वन-क्लिक रिन्यूव्हल ही अॅपची महत्त्वाची वैशिष्ट्ये आहेत. रिलायन्स जनरल इन्शुरन्सचे सीईओ राकेश जैन यांनी ही माहिती दिली आहे. 

(टिप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. त्यामुळे शरीराच्या कोणत्याही समस्येवर कोणताही उपाय करण्यापूर्वी तज्ज्ञांचा सल्ला घेणं गरजेचं आहे.)

महत्त्वाच्या इतर बातम्या :